Levi 17:15 - Tshwa Bible

¹⁵ Kani hi wihi munhu loyi a nga xisumbulwa lomu tikweni, hambu muluveli, loku aga a xihari xofa, kutani xo dawa hi zivanza, yena i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni; zonake i tava a hlazekile.

Levi 17:15 Mawu Ofanana

Eksodusi 22:30

U ta maha zalezo hi tihomu ta wena, ni tiyivu ta wena; zi ta tshama ni nyine wa zona ntlhanu wa masiku ni mambiri; hi siku ga wuntlhanu ni manharu mu ta zi nyikela ka mina.

Eksodusi 22:31

Nwina mu tava vanhu va mina va basileko: mu ngagi a nyama leyi yi hanzulweko khwatini hi zivanza, mu ta yi cukunyeta le timbyaneni. Ezek. 44:31

Ezekieli 4:14

Zonake nzi te ngalo: Ha! Hosi Jehova! Cima a nzi ti nyenyezisangi; kusukela wusweni ga mina kala lezi a nzi ngagi a xilo xakuva xi ti feleko ha xoce, ge hambu lexi xi delweko hi zivanza; a nyama yo biha cima a yi se nga enghena nonwini wa mina. Levi 7:18, 24; Miti. 10:14

Ezekieli 44:31

A vapristi va nga taga a nyama ya xihari xi ti feleko, hambu leyi yi tobyilweko, na nga kuva xinyanyani kutani xifuyo.

Levi 11:24

Na zona zi ta mu nyenyezisa; hakuva kani hi wihi loye a khumbako a xirumbi xa zona, i tava a nga hlazekangi kala gambyeni.

Levi 11:25

Kanilezi kani hi wihi loye a rwalako a xirumbi xa zona, i ta hlaza tinguwo takwe; ni kambe i tava a nga hlazekangi kala gambyeni.

Levi 11:27

Zontlhe lezi zi fambako hi zirenze, a xikari ka zontlhe zihari za mune wa milenge, zi yilile ka nwina,

Levi 11:28

Kani hi wihi loyi a khumbako a zirumbi za zona, i ta hlaza tinguwo takwe, hambu lezo i tava a nga hlazekangiko kala laha gambyeni; lezi zihari za yila ka nwina.

Levi 11:31

Hi zalezi zi yilako ka nwina, xikari ka zontlhe lezi zi kokakokako laha misaveni. Kani hi wihi a ta nga zi khumba na zi file, i tava a nga hlazekangi kala laha gambyeni.

Levi 11:32

Loku a xihari xa kunghahi xi file, xi dzuka xi wela lomu ka zilo, zi tava zi nga hlazekangi, hambu loku zi wela lomu ka zibya lezi mu gelako ka zona, kutani ka nguwo, kutani ka bhebhe, kutani ka sakwa, hambu ni ka xihi lexi mu tirako ha xona, xi ta hlaziwa, lomu matini, hambu lezo xi tava xi nga hlazekangi kala gambyeni; zonake xi tava xi hlazekile.

Levi 11:39

Loku kufa a xifuyo xa nwina lexi mu gako, loye a khumbako a xirumbi xa xona, i tava a nga hlazekangi kala gambyeni.

Levi 11:40

Loye a ta ngaga a nyama ya xirumbi xa kona, i ta hlaza a tinguwo takwe, hambu lezo i tava a nga hlazekangi kala laha gambyeni. Ni loye a ta nga rwala a xirumbi xa kona, i tava a nga hlazekangi kala laha gambyeni.

Levi 15:10

Kani hi wihi loye a henyako ni xihi xilo lexi xi tshamelweko hi yena i tava a nga hlazekangi kala laha gambyeni; ni wihi loye a rwalako a xilo xa kona, i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni.

Levi 15:21

Kani hi wihi loye a henyako a sango gakwe, i ta hlaza a tinguwo takwe, a hlamba matini, hambu lezo i tava a nga hlazekangi kala laha gambyeni.

Levi 15:5

Kani hi wihi a henyako mubhedi wakwe, i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni.

Levi 22:8

A ngagi a xihari xi fileko ha xoce, hambu lexi xi delweko hi zivanza, kasi a nga ti nyenyezisi ha zona. Hi mina Jehova. Ezek. 44:31

Levi 7:24

A mafura ya xifuyo xo ti fela, hambu mafura ya lexi xo dawa hi zivanza, mu ta ma tirisa ka yontlhe mi-tiro; kanilezi mu nga dzuki mu maga.

Mitsengo 19:19

A munhu loyi a hlazekileko i ta nwatsekela a munhu loyi a nyenyezileko hi siku ga wunharu, ni siku ga wuntlhanu ni mambiri. Zonake i ta hlaza tinguwo takwe, a hlamba lomu matini, laha gambyeni i tava a hlazekile.

Mitsengo 19:21

Lexi xi tava xilayelo xa kala kupinzuka ka vona. Loyi a ta nga nwatsekela hi mati ya kubasisa, i ta hlaza tinguwo takwe; ni loyi a ta nga khumba a mati ya kubasisa, i tava a nga hlazekangi kala laha gambyeni.

Mitsengo 19:8

Ni kambe a munhu loyi a hisileko a homu i ta hlaza tinguwo takwe lomu matini, a hlamba a miri wakwe; i tava a nga hlazekangi kala laha gambyeni.

Deuteronome 14:21

Nwina mu nga taga xa kufa ha xoce. Wena u nga xi nyika muluveli loyi a akileko laha mutini wa wena, aga; kutani ku xi xavisa ka wamatiko; hakuva nwina mu vanhu va basileko va Jehova Nungungulu wa nwina. U nga bhiki ximhutana mafini ya nyine wa xona.

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9