Levi 16:6 - Tshwa Bible

⁶ Aroni i ta humesa a nkuzi yakwe ya muphahlelo wa kuonha, a ti mahela a nzhiho zinwe ni ngango wakwe.

Levi 16:6 Mawu Ofanana

Joba 1:5

Loku va hetile mibuzo yabye, Joba i wa va vitana a ta va basisa; a vuka ni mixo a ya nyikela munyikelo wa kuhiswa, maringano ni tsengo wabye vontlhe, hakuva Joba i waku: Kutani a vana va mina va onhile, va tsika Nungungulu lomu timbilwini tabye. Joba i wa maha lezo xontlhe xikhati.

Ezekieli 43:19

U ta nyika a vapristi va ka Levi va nyimba va Zadoke, lava va tshinelako mahlweni ka mina kasi ku nzi tirela, ku wula Hosi Jehova, u va nyika a honwana a kuva a munyikelo wa kuonha.

Ezekieli 43:27

Loku va hetile a masiku lawo ni siku ga wuntlhanu ni manharu ni kuya mahlweni, a vapristi va ta mu mahela a minyikelo ya nwina ya kuhiswa ni minyikelo ya kurula laha ka alati; zonake nzi ta xalala ha nwina, ku wula Hosi Jehova. Levi 8:33

Levi 16:3

Aroni i ta enghena wutshanwini ga kubasa hi ndlela leyi: I ta teka a nkuzi ya muphahlelo wa kuonha, ni hamba ya muphahlelo wa kuhiswa.

Levi 16:7

Zonake i ta teka a timhongo timbiri, a ti neha mahlweni ka Jehova laha nyangweni ya tabemakeli ga mutlhangano.

Levi 9:7

Mosi aku ngalo ka Aroni: Tshinela laha alatini u nyikela a muphahlo wa wena wa kuonha, ni muphahlo wa kuhiswa, u ti mahela muphahlo wa nzhiho wa wena, ni wa vanhu; u ta nyikela a muphahlo wa vanhu, u maha a nzhiho wa wuyiselelo wa wena wutsumbu ni wa vanhu khwatsi hi lezi Jehova a leleteleko.

Maheberu 7:27

loyi ku nga lavekiko kakwe lezaku masiku ni masiku a humesa miphahlelo ya zionho zakwe kuranga, a tlhela a humesela ya zionho za vanhu, khwatsi hi vanwani vapristi va hombe; hakuva lezo i lo zi maha kanwe ku enela, laha a nga ti nyikela wutsumbu gakwe. Levi 9:7; 16:15; Rom. 6:10

Maheberu 9:12

Kambe a nga enghenangi lomu Wutshanwini go Basabasa na hi ni nkhata wa timbuti ni marole, kanilezi na hi ni nkhata wakwe yena wutsumbu i lo enghena kanwe, a kuma kutirulwa ka pinzukelwa. Dan. 9:24; Zak. 3:9; Kuv. 1:5

Maheberu 9:7

Kanilezi lomu xipetsweni xa wumbiri ku enghena mupristi wa hombe yece, a enghena kanwe hi lembe; kanilezi a nga engheni a handle ka loku a hi ni nkhata, lowu a phahlelako ha wona hi kota ya wutsumbu gakwe, ni zihambuko za vanhu. Ekso. 30:10; Xip. 7:27