Levi 16:29 - Tshwa Bible

²⁹ Lowu wu tava nayo wa kala kupinzuka a ka nwina: Hi hweti ya wuntlhanu ni timbiri, ka siku ga wukhume ga hweti, nwina mu ta va ni hlo mulo, mu nga tiri ni ntiro munwe, hambu ni wa ka nwina, hambu ni wamatiko loyi a luvelako xikari ka nwina.

Levi 16:29 Mawu Ofanana

1 Tihosi 8:2

Ni vavanuna vontlhe va ka Israeli va lo tsombana le ka hosi Solomoni, le mubuzweni hi hweti ya Etanim, leyi yi nga hweti ya wu 7.

Ezra 3:1

Hi siku yi nga woneka a hweti ya wu 7, a va ka Israeli lava va nga wa hi lomu mitini yabye, va lo tsombana le Jerusalema, kukotisa loku va hi munhu munwe. Vala. 20:1; Neh. 8:1

Ezra 8:21

Na ha hi le Congweni wa Ahava, nzi lo tiyisa a siku ga kuyila, hi ti koramisa mahlweni ka Nungungulu wa hina, a ku kasi hi ti kombelela ka yena hi pfhumba ga hina go saseka, ni vanana va hina, ni zontlhe zilo za hina.

Tisimu 35:13

Kasilezi laha va nga babya nzi wa ambala tinguwo ta xirilo; Na nzi hlokisa a muhefemulo wa mina hi kuyila, Nzi va kombelela a hloko ya mina na yi koramile.

Tisimu 69:10

Nzi lo rila nzi hlokisa a muhefemulo wa mina hi kuyila, Lezi kambe nzi lo rukiwa ha zona.

Eksodusi 12:16

Hi siku go ranga mu tava ni ntlhangano wa kubasa; wu tava kona kambe hi siku ga wuntlhanu ni mambiri; ka lawo masiku mu nga tiri hambu ni ntiro munwe, sine a ntiro wo longisa a kuga ka vanhu basi.

Eksodusi 20:10

kanilezi a siku ga wuntlhanu ni mambiri i sabado ga Jehova, Nungungulu wa wena. U nga tiri ntiro hi siku lego, wena ni mufana wa wena, ni nhanyana wa wena, ni xitiri xa wena xa wanuna ni xa wasati, ni homu ya wena, ni muluveli wa wena loyi a nga mutini wa wena.

Eksodusi 30:10

Aroni i ta maha nzhiho lomu ka timhonzo ta alati siku ginwe hi lembe hi nkhata wa munyikelo wa zionho. Kanwe hi lembe i ta maha a nzhiho wa gona ka zontlhe zizukulwana za nwina. A alati legi gi tava ga kubasa nguvu mahlweni ka Jehova. Levi 16:18; Maheb. 9:7; 10:14

Eksodusi 31:14

Mu ta hlayisa a sabado, hakuva a ka nwina i siku gi basileko. Loyi a nga gi hlayisiko i ta dawa; hakuva loku a munhu a tira a ntiro hi lego siku, i ta humeswa xikari ka lixaka la ka kabye.

Eksodusi 31:15

Ku ta tiriwa ntlhanu wa masiku ni ginwe, zonake a ga wuntlhanu ni mambiri gi tava ga sabado ga kuhumula, legi gi basiselweko Jehova. Kani hi wihi loye a tirako hi siku ga sabado, i ta dawa.

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Isaya 58:3

Vaku; Zi hi vuna yini a ku yila, loku wena u nga hi woni? Ni ku hlokisa a mihefemulo ya hina, loku u nga wuli nchumu ha zona? Langutani, a siku legi mu yilako zakuga mu tira mitiro ya nwina, Mu tirisa hi ntamu a zitiri za nwina.

Isaya 58:5

Hi kona kuyila loku ku nzi tsakisako ke? Xana i siku legi munhu a hlokisako muhefemulo wakwe? Kasi hi ku koramisa hloko khwatsi lihlanga, Ni ku etlela laha sakweni ni lomu khumeni, Hi zona u zi vitako aku kuyila, Lezaku i siku gi tsakisako Jehova ke? Zak. 7:5; Mat. 6:16

Danieli 10:12

Zonake aku ka mina: Danieli, u nga chavi, hakuva kusukela a siku go ranga legi a mbilu ya wena yi nga pika ku pimisisa ni ku ti tsongahata mahlweni ka Nungungulu wa wena, a timhaka ta wena ti zwilwe; nzi tile hi kota ya timhaka ta wena.

Danieli 10:3

Nzi wa ngagi kuga ko nanziha, a nyama ni vinya a zi na nga enghena nonwini wa mina, ge hambu ku ti tota kala ma mbhela maviki lawo ya manharu.

Levi 23:21

Ka gwalego siku mu ta ramba mutlhangano lowu wu basileko; mu nga tiri hambu ni ntiro munwe wo tika. Lexi xi tava xileletelo xa kala kupinzuka ka zizukulwana za nwina, ka wontihe matlhelo lawo mu ta nga aka ka wona.

Levi 23:3

Ku ta tiriwa ntlhanu wa masiku ni ginwe; kanilezi hi siku ga wuntlhanu ni mambiri i sabado go humula, ga mutlhangano wu basileko; mu nga tiri ntiro ha gona. I sabado ga kubasa ga Jehova lomu mitini ya nwina yontlhe. Deut. 5:12; Lu. 13:14

Levi 23:36

Lomu ka ntlhanu wa masiku ni mambiri mu ta nyikela ka Jehova a muphahlelo wa kuhiswa. Hi siku ga wuntlhanu ni manharu mu tava ni mutlhangano wa kubasa, mu nyikela ka Jehova a muphahlelo wa kuhiswa. Mutlhangano wa ximuse, mu nga tiri ntiro wo tika ha gona.

Levi 25:9

Zonake hi hweti ya wuntlhanu ni timbiri, ka siku ga 10 ga hweti, u taba mpunzu lomu tikweni ga nwina gontlhe, wu biwa hi siku ga nzhiho.

Levi 3:17

Ku tava xileletelo xa kala kupinzuka zizukulwaneni za nwina, kontlhe lomu mu ta nga aka kona; mu nga dzuki muga mafura, hambu ni nkhata. Gen. 9:4; Deut. 12:16; Miti. 15:20

Mitsengo 29:7

Hi siku ga wukhume ga hweti leyi ya wuntlhanu ni timbiri, mu tava ni mutlhangano wu basileko, mu ti koramisa lomu mihefemulweni ya nwina; mu nga tiri hambu ni ntiro munwe.

Mitiro 27:9

Kota lezi ku nga hunzile a xikhati xa hombe, ku wa hi mhango ku famba hi bimbi, hakuva a masiku ya Kuyila ma wa sina ma hunzile, Paule i lo va khongotela,

1 Va le Korinte 11:31

Kanilezi loku hina wutsumbu hi wa ti lamula, ngha hi nga lamulwi. 1 Joh. 1:9

Maheberu 4:10

Hakuva yena loyi a enghenileko kuhumuleni ka Nungungulu, i humule na yena mitirweni yakwe, kota lezi Nungungulu a nga humula ka yakwe.

1 Samueli 7:6

Va lo tsombana le Mizpa, vakha mati va ma cheletela mahlweni ka Jehova. Va lo yila va ngagi nchumu siku lego, vaku: Hi gohele Jehova! Samueli i lo lamula a vanana va ka Israeli le Mizpa.