Levi 16:27 - Tshwa Bible

²⁷ A nkuzi ni mhongo, lezi za muphahlelo wa kuonha, lezi a nkhata wa zona wu nga yiswa lomu ka wutshamu ga kubasa a kuya mahiwa nzhiho, zi ta yiswa lahandle ka wugovelo; a mabhebhe ya kona ni nyama ya kona ni swanyi wa kona zi ta hiswa laha nzilweni.

Levi 16:27 Mawu Ofanana

Levi 4:21

I ta yisa a nkuzi lahandle ka wugovelo, a yi hisa laha va hisileko a nkuzi yo ranga. Lowu muphahlelo Wa kuonha ka mutlhangano.

Levi 6:11

Anzhako ka lezo i ta tlhatlha a tinguwo takwe, a ambala tinwani, zonake i ta ya halata a khuma lahandle ka wugovelo, wutshanwini gi basileko.

Levi 6:23

Hakuva a minyikelo yontlhe ya zakuga ya vapristi, yi ta hiswa yontlhe, yi nga dzuki yi giwa.

Levi 6:30

Kanilezi ngha ku nga giwi a muphahlo wa kuonha, lowu va nehileko a nkhata wa wona lomu ka tenda ga mutlhangano a ku ta maha a nzhiho lomu ka Wutshamu go Basabasa; wona wu ta hiswa nzilweni. Maheb. 13:11

Levi 8:17

Kanilezi a nkuzi ni bhebhe ga yona, ni nyama ya kona, ni swanyi wa kona, i loya zi hisa lahandle ka wugovelo, khwatsi hi lezi Jehova a leleteleko Mosi.