Levi 16:21 - Tshwa Bible

²¹ Aroni i ta tlhateka mandla yakwe laha hlokweni ya mhongo leyi yi hanyako, zonake i ta wulela hehla ka yona zontlhe zionho za vanana va ka Israeli, ni milanzu yabye yontlhe, hambu ni xihi xihambuko i ta xi veka hlokweni ya mhongo, zonake yi ta heleketwa le xiwuleni hi munhu loyi a yimiselweko ntiro lowo.

Levi 16:21 Mawu Ofanana

Ezra 10:1

Makunu laha Ezra a nga wa ha khongela, a ti wulela na a kari a rila, na a khizamile mahlweni ka yindlu ya Nungungulu, ku lo tsombana kakwe a gotsovanyano wa hombe nguvu wa va ka Israeli, vavanuna ni vavasati ni vanana, hakuva a vanhu va lo rila hi kubayiseka ka hombe nguvu.

Tisimu 32:5

Nzi ku tivisile a kuonha ka mina, A kugoha ka mina a nzi ku fihlangi. Nzi te ngalo: Nzi ta vumela a zihambuko za mina ka Jehova; Zonake u tsetselele a nanzu wa kuonha ka mina. (Sela.) 2 Sam. 12:13; 1 Joh. 1:9

Tisimu 51:3

Hakuva nza vumela a zihambuko za mina, A kuonha ka mina ku kona mahlweni ka mina xontlhe xikhati.

Eksodusi 29:10

Zonake u ta tshineta a rogana mahlweni ka tenda ga mutlhangano, Aroni ni vana vakwe va ta tlhateka mandla laha hlokweni ya gona.

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Isaya 53:6

Hina hontlhe hi wa hambukile khwatsi hi tiyivu, Munwe ni munwani a famba hi ndlela yakwe; Kanilezi Jehova i mu rwexile a kubiha ka hina hontlhe,

Levi 1:4

I ta tlhateka a canja gakwe le hlokweni ya munyikelo wo hiswa, zonake yi ta amukelwa a mahelwa a nzhiho ha yona.

Levi 16:20

Loku a mbhetile ku maha a nzhiho wa wutshamu ga kubasa, ni wa tabernakeli ga mutlhangano, ni wa alati, zonake i ta neha a mhongo leyi yi hanyako.

Levi 16:22

A mhongo yi ta rwala hehla ka yona zontlhe zionho zabye yi famba nazo le xiwuleni; zonake a munhu loye i taya tsika a mhongo le xiwuleni.

Levi 26:40

Kanilezi loku vona va wulela kuonha kabye, ni kuonha ka vadadani vabye loku va nzi goheleko; va vumela lezaku va hambene na mina;

Levi 5:5

A munhu loyi a onhileko kota lezo, i ta wulela kuonha kakwe;

Va le Roma 10:10

Hakuva munhu wa hlayelwa kululama hi kota ya kukholwa ka mbilu, a hanyiswa hi kuvumela hi nomu.

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26