Levi 16:2 - Tshwa Bible

² Jehova i te ngalo ka Mosi; Byela nakuloni Aroni, lezaku a nga dzuki a enghena zontlhe zikhati lomu ka wutshamu ga kubasa, lomu nzeni ka nguwo leyi yi sirelako, a mahlweni ka xitshamu xa wuxinji lexi xi nga laha ka arke, a nga dzuka afa; hakuva nzi ta ti wonekelisa hi refu le hehla ka xitshamu xa wuxinji.

Levi 16:2 Mawu Ofanana

1 Tihosi 6:16

I lo aka lomu xikari ka yindlu hi mapulango ya sedare kusukela lahasi kala le langweni, 20 wa mikono; a longisa kota lezo kasi gi maha wutshamu ga kubasa ga lomu nzeni, giva wutshamu ga kubasabasa.

1 Tihosi 8:6

Zonake a vapristi va lo enghenisa a arke ga xivumelwano xa Jehova lomu wutshanwini ga gona, lomu ka wutshamu go basabasa, hi lahasi ka tipapa ta makerubima. Ekso. 26:33

2 Kronekele 5:14

laha kaku a vapristi va tsanzeka ku yima lomo, va maha a ntiro wa kukhozela hi kota ya refu, hakuva a kungangamela ka Jehova ku wa tatile a yindlu ya Nungungulu.

Eksodusi 30:10

Aroni i ta maha nzhiho lomu ka timhonzo ta alati siku ginwe hi lembe hi nkhata wa munyikelo wa zionho. Kanwe hi lembe i ta maha a nzhiho wa gona ka zontlhe zizukulwana za nwina. A alati legi gi tava ga kubasa nguvu mahlweni ka Jehova. Levi 16:18; Maheb. 9:7; 10:14

Levi 16:13

Yena i ta chela a libani laha makhaleni mahlweni ka Jehova, kasi a refu ga musi wa libani gi fela ku fenengeta a xitshamu xa wuxinji lexi xi nga hehla ka Wumboni, kasi a ngafi.

Levi 16:34

Lexi xi tava xileletelo xa nwina xa kala kupinzuka, lezaku a vana va ka Israeli va mahelwa a nzhiho kanwe hi lembe, kasi va fela ku ruliwa zontlhe zionho zabye. Yena i lo maha khwatsi hi lezi Jehova a leleteleko Mosi.

Levi 23:27

Hi siku ga 10 ka hweti leyi ya wuntlhanu ni timbiri ku tava a siku ga miphahlelo ya nzhiho; mu tava ni ntlhangano wa kubasa, muva ni hlomulo, mu nyikela ka Jehova a miphahlelo ya kuhiswa.

Levi 8:35

Mu ta tshama ntlhanu wa masiku ni mambiri laha nyangweni ya tabemakeli ga mutlhangano, mumu ni wusiku, mu hlayisa lezi Jehova a leleteleko zona, kasi mu ngafi; hakuva nzi byelisilwe lezo.

Mitsengo 17:10

Jehova i te ngalo ka Mosi: Tlhelisa a nhonga ya Aroni mahlweni ka wumboni, yi ta hlayiswa lomo, kasi yi maha xialakanyiso ka vanana va ku hluwuka; u fuvisa zisolo xikari kabye hi kumbheleleko, lezaku va ngafi.

Mitsengo 18:7

Kanilezi wena ni vana va wena, mu ta tira a ntiro wa wupristi ga nwina ka zontlhe za alati, ni ka lezi zi nga lomu nzeni ka xisirelo; mu tira a ntiro wa nwina lomo. A wupristi i ntiro wu nga xinyikiwo xa nwina ntsena, kanilezi a mupfhumba loyi a tshinelako lomo i ta dawa.

Mitsengo 4:19

Kanilezi lezi mu ta nga va mahela hi lezaku va hanya, va ngafi, a xikhati lexo va tshinelako ka wutshamu ga kubasa, mu ta maha lezi: Aroni ni vana vakwe va ta yimisa munwe ni munwani ka ntiro wakwe ni ka nzhwalo wakwe.

Mitsengo 4:5

Loku a wugovelo gi andlamuka, Aroni ni vana vakwe va ta chisa a xisirelo, va fenengeta ha xona a arke ga wumboni,

Mateu 27:51

Languta, a xisirelo xa tempeli xi lo hanzuka hi laha xikari, kusukela hehla kala lahasi; a misava yi lo tsekatseka, a maribye ma panzeka; Ekso. 26:31; 2 Kro. 3:14; Lu. 23:45

Maheberu 6:19

A kutsumbeni loku hi na ni xirikhiso xa muhefemulo, lexi xi tsumbekileko ni ku tiya, lexi xi enghenako hi lenzhako ka xisirelo, Levi 16:15

Maheberu 9:25

Tlhatakumbiri, a nga enghenangi kanyingi kasi ku maha nzhiho hi wutsumbu gakwe, khwatsi hilezi a mupristi wa hombe a enghenako Wutshanwini go Basabasa lembe ni lembe, na hi ni nkhata lowu wu nga hiko wakwe.

Maheberu 9:3

Lenzhako ka xisirelo xa wumbiri ku wa hi ni xipetso xi tibyiwako a Wutshamu go Basabasa; Ekso. 26:33

Maheberu 9:5

Le hehla ka nghaxa ku wa hi kona a makerubima ya kungangamela, lawa ma nga sirela a xitshamu xa wuxinji; kanilezi a hi na xikhati makunu ku wulawula hi xinwe ni xinwani xa zona. Ekso. 25:22

Kuvululelwa 15:8

Zonake a tempeli yi lo tala hi musi wu humako kungangameleni ka Nungungulu ni ntanwini wakwe; ku wa nga hi kona ni munwe a nga zi kota ku enghena tempeleni kala zi tatiseka a ntlhanu wa zixaniso ni zimbiri za tingelosi leti ta ntlhanu ni timbiri. Ekso. 40:34; Isa. 6:42; Tes. 1:9