Levi 15:5 - Tshwa Bible

⁵ Kani hi wihi a henyako mubhedi wakwe, i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni.

Levi 15:5 Mawu Ofanana

Tisimu 26:6

Nzi ta hlamba mandla ya mina kululameni, Nzi renzelekela a nganzelo ga wena, Jehova.

Tisimu 51:2

Nzi hlaze nziku pa kugoheni ka mina, U nzi basisa kuonheni ka mina.

Tisimu 51:7

Nzi basise hi hisope lezaku nziva a hlazekileko; Nzi hlaze, nzi maha wo basa ku hunza gapongo. Levi 14:4, 6; Mitse. 19:18; Isa. 1:18

Eksodusi 19:10

Jehova i te ngalo ka Mosi: Famba ka vanhu u ya va basisa nyamutlha na manziko, va hlaza tinguwo tabye;

Isaya 1:16

Hlambani, mu ti basisa; susani mitiro ya nwina yo biha mahlweni ka mina; tsikani ku maha kubiha.

Isaya 22:14

Jehova wa tiyimpi i nzi hlevele, aku: Hakunene, mu nga ta tsetselelwa loku kugoha kala mufa, ku wula Hosi Jehova wa tiyimpi.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Ezekieli 36:29

Nzi ta mu ponisa ka kontlhe a ku nga hlazeki ka nwina. Nzi ta vitana a mavele, nzi ma enzelekisa, nzi nga ha vangi a ndlala xikari ka nwina. Hos. 2:21; Joeli 2:21

Levi 11:24

Na zona zi ta mu nyenyezisa; hakuva kani hi wihi loye a khumbako a xirumbi xa zona, i tava a nga hlazekangi kala gambyeni.

Levi 11:25

Kanilezi kani hi wihi loye a rwalako a xirumbi xa zona, i ta hlaza tinguwo takwe; ni kambe i tava a nga hlazekangi kala gambyeni.

Levi 11:28

Kani hi wihi loyi a khumbako a zirumbi za zona, i ta hlaza tinguwo takwe, hambu lezo i tava a nga hlazekangiko kala laha gambyeni; lezi zihari za yila ka nwina.

Levi 11:32

Loku a xihari xa kunghahi xi file, xi dzuka xi wela lomu ka zilo, zi tava zi nga hlazekangi, hambu loku zi wela lomu ka zibya lezi mu gelako ka zona, kutani ka nguwo, kutani ka bhebhe, kutani ka sakwa, hambu ni ka xihi lexi mu tirako ha xona, xi ta hlaziwa, lomu matini, hambu lezo xi tava xi nga hlazekangi kala gambyeni; zonake xi tava xi hlazekile.

Levi 13:34

Zonake hi siku ga wuntlhanu ni mambiri, a mupristi i ta hlola a tshasi lego; kasi loku gi nga yangi mahlweni, ni loku gi nga etangi lomu hlongeni, a mupristi i ta mu byela lezaku i hlazekile; na yena i ta hlaza tinguwo takwe, zonake i tava a hlazekile.

Levi 13:6

A mupristi i ta engeta a mu hlola ga wumbiri, lomu ka siku ga wuntlhanu ni mambiri; zonake, loku a sakaveti lego gi nga ha hatimi, gi nga anzangi lomu ka hlonge; a mupristi i ta byela a munhu loye lezaku u hlazekile; mbuhaka ntsena. A munhu i ta hlaza tinguwo takwe, zonake i tava a hlazekile.

Levi 14:27

zonake mupristi i ta nwatsekela ntlhanu wa zikhati ni zimbiri mahlweni ka Jehova hi mafura laya ma nga lomu canjeni gakwe ga xibhabha, a maha lezo hi litiho lakwe la canja ga xinene.

Levi 15:18

Ni wasati loye a etlelako ni wanuna loyi yi humileko a mbewu ya libeleko ka yena, vona vambiri va ta hlamba lomu matini, hambu lezo va tava va nga hlazekangi kala laha gambyeni.

Levi 15:4

Lezi a etleleko ka zona loyi a nga ni ntungu wo huma wubovu a zi hlazekangi, ni zilo zontlhe lezi a tshamileko ka zona a zi hlazekangi.

Levi 15:6

Ni loyi a tshamako hehla ka xilo lexi xi tshamelweko hi loyi a nga ni ntungu wo buma wubovu i ta hlaza a tinguwo takwe, a hlamba lomu matini, hambu lezo i tava a nga hlazekangi kala laha gambyeni.

Levi 16:26

Kasike inaloyi a nga heleketa a mhongo ya Azazeli, i ta hlaza a tinguwo takwe, a hlamba miri wakwe lomu matini, zonake a ta enghena lomu wugovelweni.

Levi 16:28

Loye a toya zi hisa i ta hlaza tinguwo takwe, a hlamba miri wakwe lomu matini, zonake a wuya a ta enghena lomu wugovelweni.

Levi 17:15

Kani hi wihi munhu loyi a nga xisumbulwa lomu tikweni, hambu muluveli, loku aga a xihari xofa, kutani xo dawa hi zivanza, yena i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni; zonake i tava a hlazekile.

Mitsengo 19:10

Loyi a wolileko a khuma ga homu, i ta hlaza tinguwo takwe, a nga hlazeki kala laha gambyeni. Lexi xi tava xileletelo xa kala kupinzuka xikari ka vanana va ka Israeli, ni ka muluveli loyi a nga xikari kabye.

Mitsengo 19:22

Ni zontlhe lezi zi khumbilweko hi munhu a nyenyezileko zi tava zi nga hlazekangi; ni loyi a mu khumbako i tava a nga hlazekangi kala laha gambyeni.

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Maheberu 9:26

Loku zi wa hi lezo ngha a yimelwe hi ku xaniseka kambe ni kambe kusukela kuvangiweni ka misava; kanilezi makunu i wonekile kanwe kugumeseni ka tintanga, kasi ku fuvisa kuonha hi ku maha muphahlelo hi wutsumbu gakwe. Gal. 4:4; 1 Ped. 3:18

Jakobe 4:8

Tshinelani ka Nungungulu, na yena i ta tshinela ka nwina. Hlambani mandla, nwina vaonhi; mu basisa timbilu ta nwina, nwina va timbilu timbiri. 2 Kro. 15:2; Isa. 1:16; 1 Ped. 1:22

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9

1 Samueli 20:26

Saule a nga wulangi nchumu lego siku hakuva i waku: Ku lo humelela a xilo ka yena xa ku mu maha a nga hlazeki; hakunene a nga hlazekangi. Levi 7:19; Deut. 23:10