Levi 14:10 - Tshwa Bible

¹⁰ Hi siku ga wuntlhanu ni manharu, i ta teka tihambana timbiri leti ti nga hiko na bawa, ni kundlwana wa lembe ginwe wu nga hiko na bawa, ni xipanze xa wunharu xa za wukhume xa efa ya mapa yo saseka, ma vuvilweko hi mafura, a kuva munyikelo, ni loga yinwe ya mafura.

Levi 14:10 Mawu Ofanana

Eksodusi 29:40

U ta yi nyikela zinwe ni lipinwana la mapa ma nanaselweko, ma kanyangilweko hi khihlanya ga hini ya mafura ya maoliva ma kamilweko, ni khihlanyana ga hini ya vinya, akuva munyikelo wa zakunwa.

Levi 1:10

Loku a munyikelo wakwe wu hi wa xifuyo xa xitsongwani, ti nga tiyivu kutani timbuti na ti hi ta munyikelo wa kuhiswa, i ta nyikela ya matsune a nga hiko na bawa.

Levi 1:3

Loku a munyikelo wakwe wu hi muphahlo wa kuhiswa wa tihomu, i ta nyikela hi nkuzi yi nga hiko na bawa; i ta yi nyikela laha ngangweni ya tabemakeli ga mutlhangano, kasi a ta amukeleka mahlweni ka Jehova.

Levi 14:11

Ni mupristi loyi a basisako, i ta neha a munhu loye a basiswako zinwe ni zilo lezi mahlweni ka Jehova, laha nyangweni ya tabemakeli ga mutlhangano.

Levi 14:12

Zonake mupristi i teka a hambana yinwe, a nyikela a kuva muphahlo wa milanzu, ni loga ya mafura, a zi nziwitela a kuva munyikelo wa kunziwitela mahlweni ka Jehova.

Levi 14:15

Zonake kambe a mupristi i ta teka a loga ya mafura a ma chela lomu canjeni gakwe ga xibhabha.

Levi 14:21

Kasi loku xi hi xisiwana, na a nga ringani ku kuma lezo, i ta teka a hambana yinwe leyi yi ta nga nyikelwa a ku maha muphahlelo wa milanzu; yi tava munyikelo wa kunziwitela, kasi ku mu mahela nzhiho. I ta teka ni za wukhume za efa ga mapa yo saseka, laya ma vuvilweko hi mafura zi maha munyikelo wa zakuga, a teka ni loga ya mafura,

Levi 2:1

Loku a munhu a nyikela ka Jehova a munyikelo wa zakuga, a munyikelo lowo wu tava wa mapa yo saseka; i ta ma chela mafura ni libani lo nuhela.

Levi 2:11

A minyikelo yontlhe ya zakuga leyi mu nyikelako ka Jehova, yi nga dzuki yiva ya zibaba zi comelweko, hakuva mu nga dzuki mu hisela Jehova a comelo ni wulombe laha maganzelweni.

Levi 2:13

Yontlhe minyikelo ya wena ya zakuga u ta lunga hi munyu; wu nga dzuki wu vumaleka a munyu wa xivumelwano xa Nungungulu wa wena laha ka munyikelo wa wena; u ta lunga hi munyu yontlhe minyikelo ya wena. Ezek. 43:24

Levi 23:13

Mu ta engetela a muphahlo wa zakuga hi tipimo timbiri ta wukhume ta efa ga mapa yo saseka laya ma vuvilweko hi mafura; zi ta nyikelwa ku maha muphahlelo wa kuhiswa lowu wu nga ni masema yo nuhela ka Jehova; a munyikelo wa kunwa wu tava xipanze xa wumune xa hini ga vinya.

Levi 4:32

Kanilezi loku a neha a yivana kasi ku maha ha yona muphahlo wa kuonha kakwe, i ta neha ya kati yi nga hiko na bawa.

Levi 9:1

Hi siku ga wuntlhanu ni manharu, Mosi i lo vitana Aroni ni vana vakwe, ni masingalakati ya va ka Israeli,

Mitsengo 28:20

Zinwe ni munyikelo wa zakuga wu nga mapa ma nanaselweko ma vuvilweko hi mafura; mu ta nyikela hi xipanze xa wukhume xi wuyetilweko kanharu ka nkuzi yinwe ni yinwani, ni xipanze xa wukhume xi wuyetilweko kambiri ku longoloka ni hamba.

Mitsengo 6:14

Zonake i ta nyikela ka Jehova a yivana ya lembe ginwe a wukale, leyi yi nga hiko na bawa; yi tava munyikelo wa kuhiswa, ni yivu ya lembe ginwe a wukale ya nkati, leyi yi nga hiko na bawa, yi tava ya muphahlelo wa kuonha, ni hamba yi nga hiko na bawa, yi tava muphahlelo wa kubonga.

Mitsengo 7:43

Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, mukhelo wa siliva wa 70 wa maxekeli, hi xekeli ga wutshamu ga kubasa, ni mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga.

Mateu 8:4

Jesu aku ngalo kakwe: U nga byeli munhu; kanilezi famba u ya ti kombisa ka mupristi, u nyikela a munyikelo lowu Mosi a nga wu yimisa, wuva wukustumunyu ka vona. Levi 14:3; Mar. 5:43; Lu. 5:14

Marku 1:44

aku kakwe: U nga dzuki u wula nchumu ka munhu; kanilezi ti fambele, u ya ti wonisa ka mupristi, u ya nyikela hi kota ya kubasiswa ka wena lezi Mosi a nga zi laya, kasi giva wukustumunyu kabye. Levi 14:2-32; Lu. 5:14

Luka 5:14

I lo mu laya a kuva a nga byeli munhu, aku: Famba, u ya ti kombisa ka mupristi, u nyikela hi kota ya kubasiswa ka wena lezi zi nga layiwa hi Mosi, kasi kuva wukustumunyu ka vona. Mat. 8:4; Levi 14:4, 10, 21, 22

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Johani 6:33

Hakuva a xibaba xa Nungungulu hi xona lexi xi relelako hi le tilweni, xi nyikako tiko wutomi.

Johani 6:51

Mina nzi xibaba lexi xi hanyako, lexi xi nga relela hi le tilweni; loku munhu aga xibaba lexi, i ta hanya kala kupinzuka. Ni xibaba lexi nzi ta nga nyika xona, hi nyama ya mina, yi nyikilweko kasi tiko ga hanya. Xip. 3:13; Maheb. 10:5, 10

1 Pedro 1:19

na ku nga hi hi zilo zi bolako, a siliva kutani nzalama, kanilezi mu tirulwe hi nkhata lowu wa malongo, wo kota wa yivana yi nga hiko na khwanga ni bawa, wu nga wona nkhata wa Kristu. Ekso. 12:5; Joh. 1:29; Kuv. 5:9