Levi 11:8 - Tshwa Bible

⁸ Mu ngagi a nyama ya zona, hambu ni ku khumba zirumbi za zona; zi yilile ka nwina.

Levi 11:8 Mawu Ofanana

Isaya 52:11

Sukani, sukani, humani lomo! Mu nga khumbi ni xilo xinwe xi nga hlazekangiko! Humani xikari ka gona; ti basiseni! Nwina lava mu rwalako a zibya za Jehova. 2 Kor. 6:17; Kuv. 18:4

Hosea 9:3

Va nga ta tshama lomu tikweni ga Jehova, kanilezi Efraime i ta tlhelela Gipite, ni le Assiria va taga kuga ku nga hlazekangiko, Deut. 28:68; 2 Tih. 25:26; Dan. 1:8

Levi 11:7

Ni khumba, hakuva hambu lezi gi nga ni khanzu ga zinyonzwani zimbiri, kanilezi a gi hlafunheti; ga yila ka nwina.

Levi 11:9

Xikari ka lezi zi nga lomu matini, mu taga lezi zi nga ni zipapilo ni magwaru: lezi za lomu matini ya bimbi, ni lomu micongweni: lezo ganani.

Levi 5:2

Kutani loku a munhu a khumba a xilo xo yila na a nga xi tivi, ku khwatsi hi xirumbi xa xihari xi yilako, kutani xirumbi xa xifuyo xi yilako, hambu a xirumbi xa xikokakoka xi yilako, na a nga zi tivi, i tava a ti nyenyezisile, ava ni nanzu.

Mateu 15:11

Lezi zi enghenako nonwini a hi zona zi bihisako munhu: kanilezi lezi zi humako nonwini, hi zona zi bihisako munhu. Miti. 10:15; Rom. 14:14, 17, 20

Mateu 15:20

Hi zona lezi zi bihisako munhu; kanilezi a kuga hi mandla ma nga hlaziwangiko a zi bihisi munhu.

Marku 7:15

A ku na nchumu xi tako hi lahandle ka munhu, xi enghenako nzeni kakwe, xi zi kotako ku mu bihisa; kanilezi lezi zi humako ka munhu, hi zona zi mu bihisako.

Marku 7:18

I te ngalo kabye: Na nwinawu a mu na kupima ke? A mu zi tivi lezaku kani hi xihi xi tako hi lahandle xi enghena ka munhu, a xi na ku mu bihisa ke?

Marku 7:2

hilezi va wa wonile vanwani va vapizani vakwe na va kari vaga hi mandla ya chaka, hi lezaku lawa ma nga hlaziwangiko.

Mitiro 10:28

aku ngalo kabye: Nwina ma zi tiva lezaku a muJuda a nga faneli a ku tlhangana ni wamatiko, hambu ku enghena ndlwini yakwe; kanilezi Nungungulu i nzi wonisile lezaku nzi nga vitani munhu nziku wa nyalidede kutani a nga hlazekangi. Joh. 4:9; Efe. 3:6

Mitiro 15:29

zi nga lezaku mu tsika lezi zi phahlelweko ka zifananiso, ni nkhata, ni lezi zi fileko hi ku tlimbiwa, ni kubhaya. Loku mu ti wonela ka lezo, mu tava mu mahile khwatsi. Salani khwatsi! Levi 17:14; Xip. 21:25; Kuv. 2:14

Va le Roma 14:21

Zi sasekile ku kala u ngagi nyama, hambu kunwa vinya, hambu ku maha xilo lexi a makabye wa wena a ta nga khunguvanyeka ha xona.

1 Va le Korinte 8:8

Kanilezi a zakuga a hi xilo hi nga tsakisako Nungungulu ha xona; loku hi ngagi, a hi lahlekelwi hi nchumu; hambu loku higa, a hi na chukwana wa nchumu.

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Va le Efesusi 5:11

Ngha mu nga hlengeli ni mitiro ya munyama leyi yi nga hiko na mihanzu, kanilezi yi tsetsuleni; Levi 19:17; 1 Kor. 5:9

Va le Efesusi 5:7

Hikwalaho ngha nwina mu nga hlengeli zinwe navo. Isa. 9:2; Lu. 16:8; Joh. 8:12; 1 Joh. 2:9

Va le Kolosi 2:16

Hikwalaho ngha ku nga hi kona munhu a mu lamulako hi kota ya zakuga kutani kunwa, kutani hi siku ga ximuse, kutani hi kuwoneka ka hweti, kutani hi masabado; Rom. 14:3; Gal. 4:10

Maheberu 9:10

hakuva zileletelo za mahanyela ntsena hi tlhelo ga mikhuwo ya zakuga ni kunwa ni mahlazela ma tsalangeneko, zi vekilweko kala xikhatini xa kuhunzuluswa luswa. Levi 11:2; Mitse. 19:7