Levi 11:44 - Tshwa Bible

⁴⁴ Hakuva hi mina Jehova, Nungungulu wa nwina; hikwalaho mu ta ti basisa, muva lava va basileko, hakuva mina nzi basile. Mu nga ti nyenyezisi mimiri ya nwina hi ziharana lezi zi kokakokako laha misaveni. 1 Ped. 1:16

Levi 11:44 Mawu Ofanana

Tisimu 99:5

Kulisani Jehova, a Nungungulu wa hina, Khizamani xitsikelweni za mikonzo yakwe; I basile.

Tisimu 99:9

Kulisani Jehova, Nungungulu wa hina, Khozelani xitsungeni xakwe xo basa, Hakuva Jehova, Nungungulu wa hina i basile.

Eksodusi 16:12

Nzi zwile kubhonga ka vanana va ka Israeli; va byele uku: Ni gambo mu taga nyama; ni mixo mu ta xura hi zibaba, kasi ma fela ku tiva lezaku hi mina Jehova, Nungungulu wa nwina.

Eksodusi 19:10

Jehova i te ngalo ka Mosi: Famba ka vanhu u ya va basisa nyamutlha na manziko, va hlaza tinguwo tabye;

Eksodusi 19:6

Mu tava tiko ga vapristi, a tiko gi basileko. Leti hi timhaka leti u ta nga byela a vanana va ka Israeli. Deut. 7:6; 1 Ped. 2:9; Kuv. 1:6; 5:10

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 22:30

U ta maha zalezo hi tihomu ta wena, ni tiyivu ta wena; zi ta tshama ni nyine wa zona ntlhanu wa masiku ni mambiri; hi siku ga wuntlhanu ni manharu mu ta zi nyikela ka mina.

Eksodusi 22:31

Nwina mu tava vanhu va mina va basileko: mu ngagi a nyama leyi yi hanzulweko khwatini hi zivanza, mu ta yi cukunyeta le timbyaneni. Ezek. 44:31

Eksodusi 23:25

Khozelani Jehova, Nungungulu Wa nwina, zonake i ta katekisa a zakuga za nwina, ni mati ya nwina, a susa mababyi xikari ka nwina.

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Isaya 43:3

Hakuva mina nzi Jehova a Nungungulu wa wena, Loyi a Basileko wa ka Israeli, a muhanyisi wa wena. Nzi nyikile Gipite a kuva nzhiho wa wena, Na Etiopia na Seba wutshanwini ga wena.

Isaya 51:15

Hakuva nzi Jehova a Nungungulu wa wena, Loyi a vindlusako a bimbi lezaku ma gobhoza a mabyandlati ya gona; A vito gakwe hi Jehova wa tiyimpi.

Levi 10:3

Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!

Levi 11:43

Mu nga ti nyenyezisi hi zontlhe zikokakoka; mu nga ti nyenyezisi hi ku zi khumba; mu ngava lava mu nga hlazekangiko.

Levi 18:2

Byela a vanana va ka Israeli, uku ka vona: Hi mina Jehova, Nungungulu wa nwina.

Levi 19:10

U nga khayi lezi zi seleko xivineni xa wena, hambu ni ku rolela mihanzu leyi yi wileko lomu masinwini ya wena. U ta yi siyela zisiwana ni valuveli. Hi mina Jehova, Nungungulu wa nwina.

Levi 19:2

Byela a hlengeletano wontihe wa vanana va ka Israeli, uku ka vona; Basani, hakuva mina rizi basile, mina Jehova, Nungungulu wa nwina.

Levi 19:3

Loyi ni loyi a chave a mamani wakwe ni dadani wakwe; ni lezaku a hlayisa masabado ya mina. Hi mina Jehova, Nungungulu wa nwina.

Levi 19:4

Mu nga khizameli zifananiso, ge hambu ku ti mahela zifananiso zi chululweko. Hi mina Jehova, Nungungulu wa nwina.

Levi 20:26

Nwina mu tava va basileko ka mina, hakuva mina Jehova nzi basile; nzi mu hambanyisile xikari ka manwani matiko, kasi mu fela kuva vanhu va mina.

Levi 20:7

Hikwalaho mu ta ti basisa, muva lava va basileko; hakuva hi mina Jehova, Nungungulu wa nwina. 1 Ped. 1:18

Levi 21:8

U ta mu hlaya loyi a basileko, hakuva hi yena a nyikelako a zakuga ka Nungungulu wa wena; i tava a basile ka wena, hakuva nzi basile, mina Jehova loyi a mu basisako.

Amosi 3:3

A vanhu vambiri va nga famba zinwe, ahandle ka kuva va kari va zwanana ke?

Mitsengo 15:40

Mu ta alakanya milayo yontlhe ya mina, mu yi maha, zonake mu tava lava va basileko ka Nungungulu wa nwina.

Mateu 5:48

Hikwalaho ngha na nwina mu mbhelela, khwatsi hi Raru wa nwina wa le tilweni a mbheleleko. Gen. 17:1; Efe. 5:1; Jak. 1:4

Deuteronome 14:2

Hakuva nwina mu vanhu va basileko va Jehova Nungungulu wa nwina, ni kambe Jehova i mu hlawulile lezaku mu hi vanhu vakwe yena wutsumbu, a xikari ka wontihe matiko lawa ma nga hehla ka misava. Ekso. 19:5

1 Va le Tesalonika 4:7

Hakuva Nungungulu a nga hi vitanelangi zivini, kanilezi i hi vitanele kubasisweni. Levi 11:44

Joxua 24:19

Na Joxua i te ngalo ka vanhu: Nwina a mu zi koti ku khozela Jehova, hakuva yena i Nungungulu wa kubasa, ni Nungungulu wo pinyama. Yena a nga ta timisela a zihambuko za nwina ni zionho za nwina. Ekso. 23:21

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Kuvululelwa 22:11

Loyi a nga lulamangiko, a simamise a maha kungalulami; loyi a nyenyezileko, a simamise a ti nyenyezisa; loyi a lulamileko, a simamise a maha kululama; ni loyi a basileko, a simamise a ti basisa. Ezek. 3:22; Dan. 12:10; 2 Tim. 3:13

1 Samueli 2:2

Ku hava a basileko khwatsi hi Jehova; Hakuva a nga kona munwani ahandle ka wena; Ge hambu kuva kona ginwani ribye go fana ni Nungungulu wa hina.

1 Samueli 6:20

A vanhu va le Beti-Xemexe va te ngalo: Himani a ta nga zi kota ku yima mahlweni ka Jehova Nungungulu loyi a basileko ke? Gi taya ka mani a arke loku gi suka lomu ka hina ke?