Levi 11:25 - Tshwa Bible

²⁵ Kanilezi kani hi wihi loye a rwalako a xirumbi xa zona, i ta hlaza tinguwo takwe; ni kambe i tava a nga hlazekangi kala gambyeni.

Levi 11:25 Mawu Ofanana

Tisimu 51:2

Nzi hlaze nziku pa kugoheni ka mina, U nzi basisa kuonheni ka mina.

Tisimu 51:7

Nzi basise hi hisope lezaku nziva a hlazekileko; Nzi hlaze, nzi maha wo basa ku hunza gapongo. Levi 14:4, 6; Mitse. 19:18; Isa. 1:18

Eksodusi 19:10

Jehova i te ngalo ka Mosi: Famba ka vanhu u ya va basisa nyamutlha na manziko, va hlaza tinguwo tabye;

Eksodusi 19:14

Mosi i lo relela hi le xitsungeni, aya ka vanhu a ya va basisa, va hlaza tinguwo tabye.

Levi 11:24

Na zona zi ta mu nyenyezisa; hakuva kani hi wihi loye a khumbako a xirumbi xa zona, i tava a nga hlazekangi kala gambyeni.

Levi 11:26

Zontlhe zihari, hambu lezi zi nga ni makhanzu ya zinyonzwani zimbiri, ni lezi za makhanzu ya xinyonzwani xinwe, lezi zi nga hlafunhetiko, zi yilile ka nwina; kani hi wihi loye a zi khumbako, i tava a nga hlazekangiko.

Levi 11:28

Kani hi wihi loyi a khumbako a zirumbi za zona, i ta hlaza tinguwo takwe, hambu lezo i tava a nga hlazekangiko kala laha gambyeni; lezi zihari za yila ka nwina.

Levi 11:40

Loye a ta ngaga a nyama ya xirumbi xa kona, i ta hlaza a tinguwo takwe, hambu lezo i tava a nga hlazekangi kala laha gambyeni. Ni loye a ta nga rwala a xirumbi xa kona, i tava a nga hlazekangi kala laha gambyeni.

Levi 13:6

A mupristi i ta engeta a mu hlola ga wumbiri, lomu ka siku ga wuntlhanu ni mambiri; zonake, loku a sakaveti lego gi nga ha hatimi, gi nga anzangi lomu ka hlonge; a mupristi i ta byela a munhu loye lezaku u hlazekile; mbuhaka ntsena. A munhu i ta hlaza tinguwo takwe, zonake i tava a hlazekile.

Levi 14:46

Ka wontihe masiku laya a yindlu yi valilweko, loye a enghenako ka yona, i tava a nga hlazekangi kala laha gambyeni.

Levi 14:47

Loyi a etleleko ka yona i ta hlaza tinguwo takwe, ni loye a geleko ka yona i ta hlaza tinguwo takwe.

Levi 14:8

Loyi a to basiswa i ta hlaza tinguwo takwe, a cinga misisi yakwe yontlhe, a hlamba hi mati, zonake i tava a hlazekile; anzhako ka lezo yena i ta enghena lomu wugovelweni, kanilezi i ta tshama lahandle ka tenda gakwe ntlhanu wa masiku ni mambiri.

Levi 15:13

Loku a basisilwe loye a nga hi ni ntungu wo huma wubovu i ta hlaya ntlhanu wa masiku ni mambiri ya kubasiswa kakwe; zonake i ta hlaza a tinguwo takwe, a hlamba lomu matini ma hlazekileko, zonake ti tava a hlazekile.

Levi 15:15

A mupristi i ta ma nyikela, a ginwe gi ta maha ga muphahlelo wa kuonha, a ginwani gi ta maha muphahlelo wa kuhiswa; lezo a mupristi i ta mu mahela a nzhiho mahlweni ka Jehova hi kota ya wubabyi gakwe.

Levi 15:5

Kani hi wihi a henyako mubhedi wakwe, i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni.

Levi 16:26

Kasike inaloyi a nga heleketa a mhongo ya Azazeli, i ta hlaza a tinguwo takwe, a hlamba miri wakwe lomu matini, zonake a ta enghena lomu wugovelweni.

Levi 16:28

Loye a toya zi hisa i ta hlaza tinguwo takwe, a hlamba miri wakwe lomu matini, zonake a wuya a ta enghena lomu wugovelweni.

Levi 17:15

Kani hi wihi munhu loyi a nga xisumbulwa lomu tikweni, hambu muluveli, loku aga a xihari xofa, kutani xo dawa hi zivanza, yena i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni; zonake i tava a hlazekile.

Levi 22:6

yena i tava a nga hlazekangi kala laha gambyeni; a ngagi lezi zi basileko kala nzhako na a hlambile hi mati.

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

Mitsengo 19:10

Loyi a wolileko a khuma ga homu, i ta hlaza tinguwo takwe, a nga hlazeki kala laha gambyeni. Lexi xi tava xileletelo xa kala kupinzuka xikari ka vanana va ka Israeli, ni ka muluveli loyi a nga xikari kabye.

Mitsengo 19:19

A munhu loyi a hlazekileko i ta nwatsekela a munhu loyi a nyenyezileko hi siku ga wunharu, ni siku ga wuntlhanu ni mambiri. Zonake i ta hlaza tinguwo takwe, a hlamba lomu matini, laha gambyeni i tava a hlazekile.

Mitsengo 19:7

Zonake a mupristi i ta hlaza tinguwo takwe, a hlamba a miri wakwe lomu matini, zonake a nga enghena lomu wugovelweni; kanilezi i tava a nga hlazekangi kala laha gambyeni.

Mitsengo 19:8

Ni kambe a munhu loyi a hisileko a homu i ta hlaza tinguwo takwe lomu matini, a hlamba a miri wakwe; i tava a nga hlazekangi kala laha gambyeni.

Mitsengo 31:24

Nwina mu ta hlaza a tinguwo ta nwina hi siku ga wuntlhanu ni mambiri, zonake mu tava mi hlazekile, anzhako ka lezo mu ta wuya mu ta enghena lomu wugovelweni.

Johani 13:8

Pedro aku ka yena: Cima u nga ta hlambisa mina mikonzo. Jesu aku kakwe: Loku nzi nga ku hlambisi, a ku na xiavelo zinwe na mina.

Mitiro 22:16

Makunu wa ha hlwelela yini wena ke? Suka u bapatizwa, u hlaziwa a zionho za wena, na u kari u khongela vitweni gakwe. Xip. 2:38; Maheb. 10:22; Rom. 10:13

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Maheberu 9:10

hakuva zileletelo za mahanyela ntsena hi tlhelo ga mikhuwo ya zakuga ni kunwa ni mahlazela ma tsalangeneko, zi vekilweko kala xikhatini xa kuhunzuluswa luswa. Levi 11:2; Mitse. 19:7

1 Pedro 3:21

a ku fanana ni mati lawa ma mu hanyisako makunu hi kubapatizwa, na ku nga hi ku susa a chaka ga miri, kanilezi hi ku kombela a livalo li nene ka Nungungulu, hi kuvuka ka Jesu Kristu; Rom. 10:10; Efe. 5:26

1 Johani 1:7

Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9