Levi 10:1 - Tshwa Bible

¹ A vana va Aroni, Nadabe, na Abihu, loyi ni loyi i lo teka a xibya xakwe xa ku hisela libani, va lo oka a nzilo ka zona, va vekela a libani hehla ka zona, zonake va lo nyikela mahlweni ka Jehova a nzilo wu nga hiko wona, va maha lezi a nga va leletelangiko.

Levi 10:1 Mawu Ofanana

1 Tihosi 18:38

Zonake a nzilo wa Jehova wu lota wu ta mbhetisa a muphahlelo wa kuhiswa, ni tihunyi ni maribye, ni misava; wu pswonga ni mati ya lomu nkeleni. Levi 9:24; Vala. 6:21; 2 Kro. 7:1

Tisimu 141:2

A mukombelo, a wute mahlweni ka wena khwatsi libani; Ni kutlakuswa ka mandla ya mina a ku fane ni muphahlo wa laha gambyeni. Ekso. 30:7; 1 Tim. 2:8; Kuv. 5:8

Eksodusi 24:1

Nungungulu aku ka Mosi: Kanziha ka Jehova, wena na Aroni, na Nadabi, na Abihu, ni masingalakati ya ka Israeli ya 70, mu ta khizama na ma ha hi kule.

Eksodusi 24:9

Zonake Mosi, na Aroni; na Nadabi, na Abihu, ni 70 wa masingalakati ya ka Israeli, va lo kanziha va ya wona Nungungulu wa ka Israeli.

Eksodusi 27:3

U ta maha ni zibya za gona zo wola ha zona khuma, ni mafoxola, ni minzheko, ni mafoloko, ni timbita ta makhala; zontlhe a zibya za kona u ta zi maha hi suku.

Eksodusi 28:1

U ta tshineta nakuloni Aroni ni vana vakwe kusuhani ka wena, u va hlawula xikari ka vanana va ka Israeli, kasi va tira a ntiro wa wupristi mahlweni ka mina: ku tava yena Aroni, ni vana vakwe, Nadabi, na Abihu, na Eleazari, na Itamari.

Eksodusi 31:11

ni mafura yo tola, ni libani lo nuhela la wutshamu go basa. Va ta maha zontlhe khwatsi hilezi nzi ku leleteleko.

Eksodusi 37:29

I lo maha kambe a mafura ma basileko yo tola, ni libani lo nuhela li hlazekileko, a zi maha hi wutlhari.

Eksodusi 38:3

I lo maha ni zontlhe zibya za alati; a timbita, ni mafoxola, ni minzheko, ni zihayeko za nyama, hi mahati ya khuma; i lo maha zontlhe zibya lezi hi suku.

Eksodusi 40:27

a hisa libani lo nuhela hehla ka gona, kota lezi Jehova a leleteleko Mosi.

Eksodusi 6:23

Aroni i lo teka Elixeba, nʼwana Aminadaba, a makabye wa Naxoni, a beleka naye Nadaba, na Abihu, na Eliazari, na Itamari.

Eksodusi 8:27

Hi ta famba xiwuleni a pfhuka wa masiku manharu, hi laho hi ta ngaya phahlela ka Jehova, Nungungulu wa hina, kota lezi a ta nga hi byelisa zona.

Jeremia 19:5

na va akele Baali a matshamu ma tlakukileko, kasi va hisa kona a vana vabye hi nzilo a kuva miphahlo yo hiswa ya Baali; lezi nzi nga va layangiko, hambu a ku va byela, ne ni ku zi alakanya.

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Jeremia 44:15

Zonake vontlhe vavanuna lava va nga zi tiva lezaku a vasati vabye va hisele vanwani vanungungulu a tibani, ni vavasati vontlhe lava va nga yimile laho xi nga xidlemo xa hombe, vontlhe lava ya nga akile tikweni ga Gipite le Patrosi, va lo hlamula Jeremia,

Jeremia 44:8

Mu vindlusela yini a zanga ya mina hi mitiro ya mandla ya nwina, mu hisela vanwani vanungungulu a tibani lomu tikweni ga Gipite, lomu mu tileko mu ta luvela, kasi mu fela ku susiwa mu mahiwa xiruko, mu tseketselwa xikari ka matiko wontihe ya misava ke?

Jeremia 7:31

A matshamu ma tlakukileko ya Tofeti va ma akile lomu nkoveni wa nʼwana wa Hinome, kasi ku hisela kona a vafana ni vanhanyana vabye hi nzilo; lezo cima na nga layangiko, ne ni ku zi alakanya. Levi 18:21; 2 Tih. 23:10

Levi 16:1

Jehova i lo wulawula ka Mosi anzhako ka kufa ka vana vambiri va Aroni, lava va ngafa a siku va nga tshinela mahlweni ka Jehova.

Levi 16:12

Zonake i ta teka a njhalo lowu wu teleko hi makhala ya nzilo ma humako hi lomu alatini mahlweni ka Jehova, ni mandla mambiri ma teleko hi libani lo nuhela li kuyilweko; na yena i ta neha lezi zilo lomu nzeni ka nguwo ya xisirelo; Maheb. 9:7

Levi 22:9

Hikwalaho va ta hlayisa milayo ya mina, kasi va nga kumi nanzu hi kota ya lezi zilo, vafa hi kota ya ku ti nyenyezisa kabye. Hi mina Jehova loyi a va basisako.

Levi 9:24

Ni nzilo wu lo huma mahlweni ka Jehova wu hisa a muphahlo wa kuhiswa, ni mafura laha alatini. Ni vanhu vontlhe va lo zi wona, zonake va lo kanyuluka hi kutsaka, va ti wisa lahasi hi tinghohe tabye. 2 Kro. 7:1

Mitsengo 16:46

Zonake Mosi aku ka Aroni: Teka a xibya xa ku hisela a libani u oka a nzilo wa lomu ka alati, u vekela lomo a libani, u hatlisa uya xikari ka tlhangano, uya maha muphahlelo wa nzhiho; hakuva ku kona a zanga yi tako hi mahlweni ka Jehova, a ntungu wu sangulile.

Mitsengo 26:61

Makunu Nadabe na Abihu va wa file xikhatini lexi va nga nyikela mahlweni ka Jehova hi nzilo wa hava.

Mitsengo 4:18

Chelani kota lezaku a nyangwa ya tiyindlu ta ka Kohati yi nga dzuki yi tsemiwa xikari ka vaLevi.

Deuteronome 12:32

Zontlhe lezi nzi mu leleteleko mu ta zi hlayisa, mu zi maha. Mu nga engeteli nchumu, ge ni ku hungula nchumu.

Deuteronome 17:3

a khozela vanwani vanungungulu, a khizama mahlweni ka vona, kutani mahlweni ka gambo ni ka hweti, kutani hi ka handla gontlhe ga tilo, lezi mina nzi nga leletelangiko,

Deuteronome 4:2

Mu nga engeteli ka lezi nzi mu leleteleko zona; ni kambe mu nga hunguli nchumu xa zona; kanilezi mu ta hlayisa a milayo ya Jehova Nungungulu wa nwina, leyi nzi mu leleteleko yona. Jox. 1:7; Mav. 30:6; Kuv. 22:18

Maheberu 9:4

legi gi nga hi ni alati ga nzalama go hisela kona mpepo, ni Nghaxa ya Xivumelwano, leyi yi nameketelweko nzalama matlhelo wontihe. Lomo nzeni ka yona ku wa hi ni mbita ya nzalama leyi yi nga hi ni manna, ni nhonga ya Aroni leyi yi nga hluka, ni timbila ta xivumelwano. Ekso. 16:33; Mitse. 17:10; Deut. 10:2, 5