Levi 1:3 - Tshwa Bible

³ Loku a munyikelo wakwe wu hi muphahlo wa kuhiswa wa tihomu, i ta nyikela hi nkuzi yi nga hiko na bawa; i ta yi nyikela laha ngangweni ya tabemakeli ga mutlhangano, kasi a ta amukeleka mahlweni ka Jehova.

Levi 1:3 Mawu Ofanana

Genesisi 22:13

Abrahama i lo tlakusa a mahlo yakwe, i lo wona a hamba hi lenzhako kakwe na yi khwekele lomu likwareni hi timhonzo ta yona; Abrahama i lo ya teka a hamba, a yi maha munyikelo wa kuhiswa wutshanwini ga nʼwana wakwe.

Genesisi 22:2

Aku ngalo: Teka a nwanana wa wena Isaka, loyi u mu ranzako, uya tikweni ga le Moria, u ya mu nyikela laho, a kuva munyikelo wa kuhiswa le xitsungeni lexi nzi ta nga ku kombisa xona.

Genesisi 22:8

Abrahama aku ngalo: Nwananga, Nungungulu i ta ti lavela a yivana ya munyikelo wa kuhiswa; va wa, famba hi wumbiri gabye.

Genesisi 8:20

Zonake Noa i lo mu akela a ganzelo Jehova; i lo pambula xikari ka zontlhe zihari zi hlazekileko, ni ka tontlhe tinyanyani ti hlazekileko, a nyikela munyikelo wa kuhiswa laha alatini.

2 Kronekele 29:32

A tsengo wa minyikelo ya kuhiswa leyi yi nyikelweko hi tlhangano, ku wa hi 70 wa tihomu, ni 100 wa tihamba, ni 200 wa tiyivana, zontlhe lezi zi wa hi za munyikelo wa kuhiswa wa Jehova.

2 Kronekele 35:12

Va lo veka tlhelweni a minyikelo ya kuhiswa, kasi va fela ku nyikela ka mitlawa ya tiyindlu ta vadadani va vana va vanhu, a kuva va ta nyikela ka Jehova, khwatsi hi lezi ku tsalilweko lomu bhukwini ga Mosi; va lo maha zalezo hi tihomu kambe.

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

Tisimu 40:8

Nungungulu wa mina, nza nengela ku maha kuranza ka wena; A nawo wa wena wu lomu mbilwini ya mina.

Eksodusi 12:5

Ni yivana a yive ya hamba leyi yi nga lamalangiko, na yi hi ni lembe ginwe; mu ta yi hlawula xikari ka tiyivu kutani xikari ka timbuti.

Eksodusi 24:5

Zonake i lo ruma a majaha ya ka Israeli a ku nyikela a munyikelo wa kuhiswa, ni muphahlelo wa ku khesa Jehova hi tikuzi.

Eksodusi 29:18

U ta hisa a hamba yontlhe laha alatini; muphahlelo wa Jehova wa masema yo nanziha; muphahlelo wa munyikelo wa ku hiswa wa Jehova.

Eksodusi 29:4

Zonake u ta tshineta Aroni ni vana vakwe laha nyangweni ya tendeni ga mutlhangano, u va hlaza hi mati.

Eksodusi 29:42

Lowu wu tava wona muphahlo wa kuhiswa wa masiku wontihe lomu ka zizukulwana zontlhe, lowu wu nehiwako nyangweni ya tenda ga mutlhangano mahlweni ka Jehova, laha nai ta nga tlhangana na nwina nzi wulawula na wena.

Eksodusi 32:6

Zonake va lo vuka ni mixo va maha miphahlo yo hiswa ni miphahlo ya ku khesa. Zonake va lo tshama lahasi vaga, vanwa, va suka va hlakana.

Eksodusi 35:21

Zonake munhu ni munhu, lava va vuxilweko timbilwini tabye, ni vontlhe lava va zi ranzako, i lo neha minyikelo yakwe ka Jehova, kasi yi ta tira a ntiro wa tenda ga mutlhangano, ni zontlhe za ntiro wa gona, ni tinguwo ti basileko.

Eksodusi 35:29

A vanana vontlhe va ka Israeli, vavanuna kutani vavasati, vontlhe lava a timbilu tabye ti ranzako ku nyikela nchumu, kasi ku tira lezi Jehova a layeleko ha Mosi, va lo humesa hi matsenya a munyikelo ka Jehova.

Eksodusi 35:5

Humesani xikari ka nwina a hlengo ka Jehova. Munhu ni munhu loyi a ranzako hi mbilu yakwe, a neha ka Jehova a hlengo wakwe: a nzalama ni siliva ni suku;

Eksodusi 36:3

Va lo teka a mihlengo yontlhe ka Mosi, leyi yi nehilweko hi vana va ka Israeli, kasi ku tira a ntiro wa wutshamu go basa; kanilezi a vanhu va wa simamisa ku nyikela siku ni siku laha mixweni.

Eksodusi 38:1

Zonake i lo maha a alati ga miphahlelo ya kuhiswa hi sinya ya munga, a kuleha ka gona ku wa hi ntlhanu wa mikono, ni kuanama ka gona ku wa hi ntlhanu wa mikono; wontihe matlhelo ya gona ya mune ma wa ecana; a kutlakuka ka gona ku wa hi mikono minharu.

Isaya 1:11

Yi nzi vuna yini a miphahlo ya nwina yo tala ke? ku wula Jehova. Nzi kolilwe hi minyikelo ya kuhiswa ya timhamba, ni mafura ya marole yo kuluka; a nzi xalaliswi hi nkhata wa tikuzi, ni wa tiyivana ni timhongo. Tis. 50:8; Jer. 6:20; Am. 5:21

Ezekieli 20:40

Hakuva vontlhe va yindlu ya ka Israeli, vontlhe lava va nga lomu tikweni, va ta nzi khozela lomu xitsungeni xa mina xo basa, a xitsunga xo tlakuka xa ka Israeli, ku wula Hosi Jehova. Laho nzi ta va tsakela, nzi amukela kona a minyikelo ya nwina, ni milangelwa ya zinyikiwo za nwina, ni zontlhe lezi mu zi basiselako mina.

Ezekieli 40:39

Lomu ligumbagumbeni la nyangwa ku wa hi ni timeza timbiri, yinwe hi tlhelo ga seno, a yinwani hi tlhelo ga seniya, laha va nga dayela kona a zihari za miphahlo ya kuhiswa, ni minyikelo ya kuonha, ni minyikelo ya zihambunyeto.

Levi 1:10

Loku a munyikelo wakwe wu hi wa xifuyo xa xitsongwani, ti nga tiyivu kutani timbuti na ti hi ta munyikelo wa kuhiswa, i ta nyikela ya matsune a nga hiko na bawa.

Levi 14:10

Hi siku ga wuntlhanu ni manharu, i ta teka tihambana timbiri leti ti nga hiko na bawa, ni kundlwana wa lembe ginwe wu nga hiko na bawa, ni xipanze xa wunharu xa za wukhume xa efa ya mapa yo saseka, ma vuvilweko hi mafura, a kuva munyikelo, ni loga yinwe ya mafura.

Levi 16:7

Zonake i ta teka a timhongo timbiri, a ti neha mahlweni ka Jehova laha nyangweni ya tabemakeli ga mutlhangano.

Levi 17:4

na a nga yi nehi laha nyangweni ya tabemakeli ga mutlhangano, a kuva a yi nyikela ka Jehova mahlweni ka wutshamu ga kubasa ga Jehova, i tava ni nanzu wa nkhata: hakuva i halatile a nkhata: loye munhu i ta susiwa xikari ka vanhu va ka kabye.

Levi 17:8

U ta va byela ku ngalo: Kani hi wihi munhu wa lixaka la ka Israeli, hambu muluveli loyi a akileko xikari kabye, a nyikelako a munyikelo wa kuhiswa, kutani muphahlo,

Levi 17:9

na a nga wu nehi laha nyangweni ya tabemakeli ga mutlhangano, kasi ku ta maha munyikelo ka Jehova, loye munhu i ta susiwa xikari ka va ka kabye.

Levi 23:12

A siku lego mu nziwitelako a nyanza mu ta nyikela a hambana yi nga hiko na bawa, ya lembe ginwe a wukale, a kuva munyikelo wo hiselwa Jehova.

Levi 23:18

Mu ta nyikela zibaba, zinwe ni ntlhanu wa ziyivana ni zimbiri za lembe ginwe a wukale, lezi zi nga hiko na bawa, ni role, ni tihamba timbiri ta munyikelo wa kuhiswa wa Jehova, zinwe ni minyikelo ya zakuga ni zakunwa; ziva muphahlo lowu wu hiselwako Jehova, lowu wu nga ni masema yo nuhela ka Jehova.

Levi 3:1

Loku a munyikelo wa munhu wu hi muphahlo wa kurula, ni loku a nyikela a homu, hambu yi hi ya matsune kutani kati, i ta yi nyikela na yi nga hi na bawa mahlweni ka Jehova.

Levi 4:15

A masingalakati ya ntlhangano ma ta tlhateka a mandla yabye hlokweni ya nkuzi mahlweni ka Jehova, zonake yi tlhabyiwa mahlweni ka Jehova.

Levi 4:23

ku taku loku yi tibyisilwe hi nanzu wa yona, yi ta neha a mhongo yi nga hiko na bawa, a kuva munyikelo wa yona.

Levi 4:3

loku a hi mupristi loyi a totilweko hi mafura yo basa a onhileko, a vangele vanhu kuonha, hi kota ya zionho lezi a zi mahileko i ta nyikela ka Jehova a honwana leyi yi nga hiko na bawa, yiva muphahlo wa kuonha.

Levi 4:32

Kanilezi loku a neha a yivana kasi ku maha ha yona muphahlo wa kuonha kakwe, i ta neha ya kati yi nga hiko na bawa.

Levi 5:15

Loku a munhu a hambunyeta a onha hi kuhoheta, hi ku kala a nga humesi lezi zi basiselweko Jehova, i ta neha a munyikelo wa nzhiho, a hamba yi nga hiko na bawa, yi hlawulweko lomu tlhambini, zinwe ni mali ya xekeli, gi nga xekeli ga lipimo la wutshamu go basa; ku tava muphahlelo wa nzhiho.

Levi 5:18

I ta neha ka mupristi a nzhiho wa nanzu wakwe, a hamba yi nga hiko na bawa, yi hlawulweko lomu tlhambini wakwe, leyi u yi ringanyisileko; a mupristi i ta mu mahela a muphahlo wa hamba hi kota ya nanzu lowu a nga wu maha na a nga zi tivi; zonake i ta tsetselelwa.

Levi 6:2

Loku munhu a onhile, a mahile lezi zi nga faneliko mahlweni ka Jehova, hi kukhohlisa muakelane wakwe hi zilo zi vekilweko mandleni yakwe, kutani hi zilo zi lombilweko, kutani hi lezi zi wutlilweko, kutani i yivile a zilo za muakelane wakwe,

Levi 6:8

Jehova i lo wulawula ka Mosi; aku:

Levi 7:16

Kanilezi loku muphahlo wu humeswa hi kota ya xifungo, kutani ku mahiwa hi kuranza kakwe ntsena, wu ta giwa gona siku lego va phahlelako ha gona, ni lezi zi ta nga sala zi ta ta giwa a siku gi lanzelako.

Levi 8:18

Zonake i lo neha a hamba ya munyikelo wa kuhiswa; Aroni ni vana vakwe va lo tlhateka mandla yabye hlokweni ya hamba.

Levi 8:21

I lo hlaza marumbu ni masonzo lomu matini. Zonake Mosi i lo hisa a hamba yontlhe laha alatini. Wu lo maha a muphahlo wa kuhiswa wa masema yo nuhela, lowu wu hiselwako Jehova, khwatsi hi lezi Jehova a leleteleko Mosi.

Levi 9:2

aku ka Aroni: Teka a role gi tava ga muphahlelo wa kuonha, ni hamba yi nga hiko na bawa, yi tava ya muphahlelo wa kuhiswa, u phahlela ka Jehova.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Malaki 1:14

Kanilezi a rukiwe a mukhohlisi, loyi a phahlelako hi lexi xi nga ni bawa laha a ti bohako hi xifungo, kasilezo i na ni matsune ntlhambini wakwe! Hakuva mina nzi Hosi ya hombe, ku wula Jehova wa tiyimpi, a vito ga mina ga chaveka xikari ka vamatiko.

Mitsengo 15:3

ku taku loku mu humesa munyikelo ka Jehova, wu mahiwako nzilweni, a muphahlelo wa kuhiswa, kutani muphahlelo wa ku tatisa xifungo, kutani munyikelo wa kuranza ka nwina, kutani hi lomu mibuzweni ya nwina; na mu xuva ku nyikela ka Jehova a masema yo nanziha, hi zifuyo lezi za hombe, kutani hi lezi za zitsongwani; Levi 22:21

Mitsengo 15:8

Loku u nyikela a nkuzi yo maha muphahlo wo hiswa kutani muphahlo wo tatisa xifungo, kutani muphahlo wa kubonga ka Jehova;

Mitsengo 19:2

Lexi hi xilayelo xa nayo lowu Jehova a leleteleko lezaku: Byela a vanana va ka Israeli va ku nehela a pswele ga homu yo pswhuka, yi nga hiko na bawa, yi nga solekiko, yi nga tlhatekwangiko muyoko.

Mitsengo 23:19

Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Mitsengo 23:27

Balake aku ngalo ka Balaami: Ngone hi famba hi ka ginwani wutshamu; kutani Nungungulu i ta vumela ku va fumba ka gona.

Mitsengo 23:3

Zonake Balaami aku ngalo ka Balake: Yima kwalaho kusuhani ni muphahlo wa wena wo hiswa, mina nzi taya tlhelweni; kutani Jehova i tata woneka ka mina; zonake nzi ta ku byela lezi a ta nga nzi kombisa. I lo tlakukela kuya laha ku basileko.

Mitsengo 23:30

Balake i lo maha kota lezi Balaami a mu byelileko; i lo tlhava a nkuzi ni hamba hehla ka alati ginwe ni ginwani.

Mitsengo 28:11

Kusanguleni ka hweti yinwe ni yinwani mu ta nyikela ka Jehova a munyikelo wa kuhiswa wa tinkuzi timbiri, ni hamba, ni 7 wa tihambana ta lembe ginwe a wukale, ti nga hiko na bawa;

Mitsengo 28:19

Kanilezi mu ta nyikela ka Jehova a miphahlelo ya kuhiswa; mu nyikela tinkuzi timbiri, ni hamba, ni 7 wa tihambana ta lembe ginwe a wukale; mu teka leti ti nga hiko na bawa.

Mitsengo 28:31

Mu ta nyikela lezi zilo zinwe ni munyikelo wa kuhiswa wa kala kupinzuka ni munyikelo wa kona wa zakuga; mu ta zi basisa zi ngavi na bawa, zinwe ni munyikelo wa kona wa zakunwa.

Mitsengo 29:13

Mu ta nyikela a munyikelo wa kuhiswa a kuva masema yo nanziha ka Jehova; mu ta nyikela hi 13 wa tinkuzi, ni tihamba timbiri, ni 14 wa tihambana ta lembe ginwe a wukale, leti ti nga hiko na bawa.

Mitsengo 29:2

Mu ta nyikela a munyikelo wa kuhiswa wa masema yo nanziha ka Jehova; mu ta nyikela a nkuzi, ni hamba, ni 7 wa tihambana ta lembe ginwe a wukale, ti nga hiko na bawa;

Luka 1:35

A ngelosi yi lo hlamula yiku ka yena: A Moya wa ku Basa wu tata hehla ka wena, ni ntamu wa loyi a nga Hehla-Hehla wu ta ku fenengeta; hikwalaho a nʼwana wo basa loyi a ta nga belekiwa i ta vitanwa a Nʼwana wa Nungungulu. Mat. 1:20; Joh. 1:34; Rom. 1:4

Johani 1:36

Laha a nga wona Jesu na a kari a famba, aku: Wonani Yivana ya Nungungulu!

Johani 10:7

Hikwalaho Jesu i lo engeta aku ka vona: Hizinene nziku ka nwina: Mina nzi nyangwa ya tiyivu.

Johani 10:9

Mina nzi nyangwa, loku munhu a enghena ha mina, i ta hanyiswa; i ta enghena a huma, a kuma mikova. Xip. 14:6; Efe. 2:18

2 Va le Korinte 8:12

Hakuva loku ku hi kona kuxuva ku nyika, a xinyikiwo xa amukeleka kotisa lezi munhu a nga nazo, na ku nga kotisi lezi a nga hiko nazo. Mar. 12:43, 44; Lu. 21:3

2 Va le Korinte 9:7

A munwe ni munwani a nyike kota lezi a xuvako mbilwini yakwe; na a nga karateki, kutani ku kurumetwa; hakuva Nungungulu wa ranza loyi a nyikako na a xalele. Ekso. 25:2; 35:5; Deut. 15:7; Rom. 12:8

Va le Efesusi 2:18

Hakuva ha yena ha zi kota ku enghena hi wumbiri ga hina hi Moya munwe ka Dadani.

Va le Efesusi 5:27

lezaku a fela ku gi yimisa mahlweni kakwe na gi hi bandla ga kungangamela, gi nga hi na hala ni nkonyi, hambu xilo xinwani xa kunghaho; kanilezi giva legi gi basileko gi nga hiko na kusoleka.

Deuteronome 12:27

Zonake u ta ya nyikela laho a munyikelo wa wena wa kuhiswa, a nyama ni nkhata alatini ga Jehova Nungungulu wa wena. Loku yi hi yinwani miphahlo ya wena, a nkhata wu ta chululwa laha alatini ga Jehova Nungungulu wa wena, zonake a nyama ya kona u taga.

Deuteronome 15:21

Ni loku a xifuyo xi lamele, kutani na xi khwita, kutani na xi file mahlo, kutani na xi ni wulema ginwani ga hombe, u nga xi nyikeli ka Jehova Nungungulu wa wena laha maganzelweni. Mal. 1:8, 13

Deuteronome 17:1

U nga mu tlhaveli Jehova Nungungulu wa wena a xifuyo xa hombe, hambu xa xitsongwani lexi xi nga ni bawa kutani mbulema, hakuva lezo za yila nguvu mahlweni ka Jehova Nungungulu wa wena.

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14