Levi 1:14 - Tshwa Bible

¹⁴ Loku a munyikelo wakwe ka Jehova wu hi muphahlo wa kuhiswa wa tinyanyani, i ta nyikela a munyikelo wa zipomba kutani mavinyani ya matuva.

Levi 1:14 Mawu Ofanana

Genesisi 15:9

Jehova i te ngalo: Nzi tekele a role ga malembe manharu, ni mbuti ya phaphakazi yi nga ni malembe manharu, ni hamba ya malembe manharu, ni tuva ni vinyani ga xipomba.

Levi 12:8

Kanilezi loku a nga zi koti ku kuma a yivana, i ta neha matuva mambiri, kutani mavinyani mambiri ya zipomba; ginwani ga muphahlelo wa kuhiswa, ni ginwani ga muphahlelo wa kuonha. A mupristi i ta mu mahela a muphahlo wa nzhiho, zonake i ta basiswa.

Levi 5:10

A xinyanyani lexi xa wumbiri, i ta maha muphahlo wa kuhiswa hi nayo wa kona. Hi ndlela leyo a mupristi i ta maha a nzhiho wa xionho lexi a munhu loye a xi mahileko, zonake i ta tsetselelwa.

Levi 5:11

Loku a vumala a matuva mambiri, kutani mavinyani mambiri ya zipomba, loye a onhileko i ta neha a munyikelo wakwe hi za wukhume ka efa ya mapa yo basa, ma tava muphahlo wa kuonha. A nga dzuki a chela mafura hehla ka wona, hambu ni libani lo nuhela, hakuva muphahlo wa kuonha.

Levi 5:7

Kasi loku a vumala a yivu kutani i mbuti, i ta neha ka Jehova a muphahlo wa xionho xakwe a matuva mambiri, kutani mavinyani mambiri ya zipomba, ginwe ga muphahlo wa kuonha, ni ginwani ga muphahlo wa kuhiswa.

Mateu 11:29

Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21

Mateu 21:12

Jesu i lo enghena tempeleni ya Nungungulu, a hlongola vontlhe lava va nga kari va xavisa ni ku xava tempeleni; i lo khubhunyeta a timeza ta vaxavisi va mali, ni zitshamu za lava va nga Xavisa zipomba; Mar. 11:11; Lu. 9:45; Deut. 14:25

Luka 2:24

va ya humesa a munyikelo kota lezi ku layilweko nayweni wa Hosi, ku ngalo: A patswa wa matuva, kutani mavinyani mambiri ya zipomba. Levi 12:2, 6, 8

2 Va le Korinte 8:12

Hakuva loku ku hi kona kuxuva ku nyika, a xinyikiwo xa amukeleka kotisa lezi munhu a nga nazo, na ku nga kotisi lezi a nga hiko nazo. Mar. 12:43, 44; Lu. 21:3

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10