Kuvululelwa 9:1 - Tshwa Bible

¹ A ngelosi ya wuntlhanu yi loba mpunzu wa yona, zonake nzi lo wona a nyeleti ya le tilweni na yi wile misaveni; yi lo nyikiwa a pfhungulo ya nkele wa lieswila. Lu. 8:31; 10:18; Xip. 8:10; 17:8

Kuvululelwa 9:1 Mawu Ofanana

Isaya 14:12

U wisile kuyini hi le tilweni, wena mahlahle wa mixo, U wisisilwe kuyini lahasi, wena loyi u wisileko matiko.

Luka 10:18

Yena aku ngalo kabye: Nzi lo wona Satani na a wile hi le tilweni kota xingwalangwanza. Joh. 12:31; 16:11; Kuv. 9:1

Luka 8:31

Ma lo mu khongotela lezaku a nga ma layi a kuya nkeleni wa lieswila. Kuv. 20:3

Va le Roma 10:7

Kutani: Himani a ta nga relela le nkeleni? (hi lezaku, kasi ku humesa Kristu hi ka vafileko.) 1 Kor. 15:3, 4

Kuvululelwa 1:18

ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9

Kuvululelwa 1:20

A fihlakalo wa tinyeleti ta ntlhanu ni timbiri leti u nga ti wona canjeni ga mina ga xinene, ni timeza ta nzalama ta ntlhanu ni timbiri to veka tikandiya hi lowu: A tinyeleti ta ntlhanu ni timbiri hi tingelosi ta ntlhanu wa mabandla ni mambiri, ni timeza leti ta ntlhanu ni timbiri to veka tikandiya hi mabandla lawa ya ntlhanu ni mambiri. Zak. 4:2; Mat. 5:15

Kuvululelwa 11:7

Zonake loku va hetile wukustumunyu gabye a xihari lexi xi humako nkeleni wa lieswila xi talwa navo, xi va hlula, xi va daya. Dan. 7:21; Xip. 17:8

Kuvululelwa 17:8

A xihari lexi u xi wonileko xi wa hi kona, kanilezi a xa ha hi kona; xi lava ku huma hi lomu nkeleni wa lieswila, xiya kulobyisweni. A vaaki va misava lava a mavito yabye ma nga tsaliwangiko bhukwini ga wutomi kusukela kuvangiweni ka misava, va ta hlamala loku va wona xihari, hakuva xi wa hi kona, zonake a xa ha hi kona, kasi xi ta tlhela xiva kona. Xip. 11:7; 13:8, 10

Kuvululelwa 20:1

Zonake nzi lo wona a ngelosi na yi relela hi le tilweni, yi hi ni pfhungulo ya nkele wa lieswila ni ngenje ga hombe canjeni ga yona. Xip. 1:18

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11

Kuvululelwa 6:13

A tinyeleti ta tilo ti lowa misaveni, kotisa nkuwu wu tlhatlhako a makuwu ya wona ya mambisi, loku wu ninginizwa hi mheho ya hombe.

Kuvululelwa 8:10

Ni ngelosi ya wunharu yi loba mpunzu wa yona, ku lowa a nyeleti ya hombe hi le tilweni, yi vura kota xihlahle, yi wela ka xipanze xa wunharu xa micongo, ni lomu tihlobyeni ta mati. Isa. 14:12; Xip. 9:1; 16:4

Kuvululelwa 8:12

Ni ngelosi ya wumune yi loba mpunzu wa yona, ku biwa xipanze xa wunharu xa gambo, ni xipanze xa wunharu xa hweti, ni xipanze xa wunharu xa tinyeleti; lezaku a xipanze xa wunharu xa zona xi phumiswa, a hlikanhi wu vumala a xipanze xa wunharu xa kuwonekela ka wona, ziva tano ni wusiku. Isa. 13:10; Am. 8:9

Kuvululelwa 8:2

Zonake nzi lo wona a ntlhanu wa tingelosi ni timbiri leti ti yimileko mahlweni ka Nungungulu, ti nyikwa a ntlhanu wa mimpunzu ni mimbiri. 2 Kro. 29:25-28; Mat. 18:10

Kuvululelwa 9:2

Yi lo vulula a nkele wa lieswila; ku tuvika musi hi lomu nkeleni kota musi wa nzhimbo wa hombe; ku lo pfhupeliswa a gambo ni ndengelenge hi musi lowu wu humako hi lomu nkeleni.