Kuvululelwa 8:11 - Tshwa Bible

¹¹ A vito ga nyeleti hi Manonwe. A xipanze xa wunharu xa mati xi lo hunzuka xi maha manonwe; ni vanhu vanyingi va lofa hi mati, hakuva ma wa hunzukile manonwe. Ekso. 15:23; Rute 1:20; Jer. 9:15

Kuvululelwa 8:11 Mawu Ofanana

Eksodusi 15:23

Va loya chikela Mara, kanilezi va lo tsanzeka kunwa mati ya le Mara, hakuva ma wa bava; hikwalaho a wutshamu lego gi lo chuliwa vito ga Mara.

Mavingu 5:4

Kanilezi kugumeseni a timhaka takwe ti bava kukotisa manonwe, i kariha kukotisa a supado yi lotilweko matlhelo mambiri.

Jeremia 23:15

Hikwalaho zakunghahi a wulako Jehova xungetano hi vaprofeti: Nzi ta va gisa manonwe ni ku va gisa wutsulu; Hakuva a kungabasi ku thapela tiko gontlhe Na ku huma hi ka vaprofeti va le Jerusalema.

Jeremia 9:15

hikwalaho, ku wula Jehova wa tiyimpi, a Nungungulu wa Israeli, aku: Nzi ta va gisa manonwe ni ku va nwisa wutsulu.

Mikosi 3:19

Alakanya a hlokiselelo ya mina hi kupepetseka ka mina, A manonwe ni nyongwa.

Mikosi 3:5

I nzi bhiyele, A nzi vimbezela hi hlomulo ni kubayiseka.

Amosi 5:7

Nwina lava mu hunzulako a nongameto wu maha manonwe, a kululama mu chulula lahasi;

Amosi 6:12

A mahaxi ma ta tsutsuma maribyeni ke? Kutani ku nga rimiwa kona hi tihomu ke? lezi mu hunzulako a nongameto wu maha nyongwa, ni mihanzu ya kululama yi maha manonwe.

Zakaria 13:8

Lomu tikweni gontlhe, ku wula Jehova, a xipanze zimbiri za vanhu va kona zi tafa, ku sala a xipanze xa wunharu.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Deuteronome 29:18

Ku nga dzuki kuva kona xikari ka nwina a wanuna, kutani wasati, kutani i ngango, kutani lixaka leli a mbilu ya lona yi hambukileko legi siku ga Jehova Nungungulu wa hina, aya khozela vanungungulu va matiko lawo; ku nga taku kuva kona xikari ka nwina a mutsu lowu wu humesako nyongwa ni manonwe. Miti. 8:23; Maheb. 12:15

Maheberu 12:15

Ti woneleni lezaku ku ngavi kona munhu a kiyelelwako hi tipswalo ta Nungungulu; lezaku ku nga dzuki ku mila a mutsu wa kubava wu mu karata, ni lezaku a vanyingi va nyenyeziswa ha wona. 2 Kor. 6:1

Kuvululelwa 12:4

A nkila wakwe wu lo koka a xipanze xa wunharu xa tinyeleti ta tilo, a ti hoxa misaveni. A drako i lo yima mahlweni ka wasati loyi a nga lava ku beleka, kasi a fela ku khadamula nʼwana wakwe na a ha ku hefemula. Ekso. 1:16; Dan. 8:10; Xip. 17:18

Kuvululelwa 8:7

Leʼyo ranga yi loba a mpunzu wa yona, zonake kuna vula ya maralala ni nzilo, na zi patsilwe ni nkhata, zi hoxwa misaveni. Ku lo hiswa a xipanze xa wunharu xa misava, ku hiswa ni xipanze xa wunharu xa tisinya, ku hiswa ni byanyi gontlhe go nyuka. Isa. 2:13; Ezek. 38:22; Xip. 16:2

Kuvululelwa 9:15

Ku lo tlhatlhiwa a mune wa tingelosi, leti ti hlayiselweko hora leyi, ni siku, ni hweti, ni lembe, a kuva ti daya a xipanze xa wunharu xa vanhu.

Kuvululelwa 9:18

Ku lo dawa a xipanze xa wunharu xa vanhu hi zixaniso lezi zinharu, hi nzilo ni musi ni solufa, lezi zi nga huma milonwini ya wona.

Rute 1:20

Yena i lo va hlamula, aku: Mu nga nzi vitani kambe ku Naomi, nzi vitaneni ku Mara; hakuva Nyamintamu i nzi tlulisile mihumbo ya hombe nguvu.