Kuvululelwa 7:9 - Tshwa Bible

⁹ Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11

Kuvululelwa 7:9 Mawu Ofanana

Genesisi 13:16

Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Tisimu 2:8

Kombela ka mina, nzi ta ku nyika a matiko a kuva tshomba ya wena, Ni magemetamusi ya misava ma ta lumba wena.

Tisimu 22:27

Wontihe matlhelo ya misava ma ta alakanya Jehova, ma hunzuluka; Tixaka tontlhe ta vamatiko ti ta khizama mahlweni ka wena.

Tisimu 76:4

U vangamela ni kuva ni ntamu, Ku hunza a zitsunga za vaphangi.

Tisimu 77:2

Hi siku ga kuxaniseka nzi lo lava Hosi, Nzi lo nawuluta a woko ga mina ni wusiku, nzi nga karali; A muhefemulo wa mina wu lo ala ku tangaliswa.

Tisimu 98:3

I alakanyile a wuxinji gakwe ni kutsumbeka kakwe ka yindlu ya Israeli, A magemetamusi ya misava ma wonile a kuhanyisa ka Nungungulu wa hina. Lu. 1:54

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Jeremia 3:17

A ka xikhati lexo va ta vitana Jerusalema aku xitshamu xa wuhosi xa Jehova; a matiko wontihe ma ta tsombana le Jerusalema a vitweni ga Jehova; cima va nga ta ba famba hi kunonoha ka timbilu tabye.

Ezekieli 47:5

Anzhako ka lezo i lo pima a 1,000 wa mikono; makunu ku wa hi congo nzi nga wu kotiko ku tlhatuka, hakuva a mati ma wa tele lezaku ma fela ku hlambeliwa; wu wa hi congo wu nga tlhatukiwiko.

Danieli 4:1

Mina hosi Nebukadnezzare nza mu tsalela nwina nwentlhe matiko, tixaka ni tirimi, lava mu akileko misaveni yontlhe, nziku: A kurula a ku anze xikari ka nwina.

Danieli 6:25

Zonake hosi Dariusi i lo tsalela a va matiko wontihe ni tixaka ni tirimi, ka vontlhe lava va akileko laha misaveni, aku: A kurula a ku anze xikari ka nwina!

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Levi 23:40

Hi siku go ranga mu ta teka a mihanzu ya tisinya to saseka, ni maravi ya micinzu, ni maravi ya tisinya ta lomu khwatini, ni maravi ya mironwa ya micongo, mu ti tsakela mahlweni ka Jehova, Nungungulu wa nwina, lomu ka ntlhanu wa masiku ni mambiri. Neh. 8:14

Zakaria 10:8

Nzi ta va swiyota, nzi tlhela nzi va tsombanyisa, hakuva nzi va tirule; va ta enzeleka va tala kota kale.

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Luka 12:1

A xikhatini lexo, laha a mazanazana ya vanhu va nga wa tsombene, laha ka kuva va kanzihelana, Jesu i lo sangula ku wulawula ka vapizani vakwe, aku: Tlharihani a comelo ga vaFarisi, legi gi nga wuxengeteli. Mat. 16:6, 12; Mar. 8:15

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Johani 12:13

va lo teka mahanga ya micinzu, va huma ku ya mu tlhangaveta, va kanyuluka, vaku: Hozana; a ku khesiwe yena loyi a tako vitweni ga Hosi, loyi a nga Hosi ya vaIsraeli. Tis. 118:25, 26

Va le Roma 11:25

Hakuva vamakabye, a nzi ranzi lezaku mu kohlwa hi fihlakalo lowu, mu nga dzuka mu alakanya lezaku mu tlharihile; lezaku a vaIsraeli va nonohisile a xipanze xa vona, va kala va enghena a vamatiko vontlhe; Lu. 21:24; Kuv. 7:9

Va le Efesusi 6:13

Hikwalaho hlomani a matlhari wontihe ya Nungungulu, lezaku mu tava ni ntamu wa ku yima hi siku ga khombo, mu simama mu yima loku mu hlulele magumo.

Maheberu 11:12

Hikwalaho ka wanuna munwe, loyi a ngaku khwatsi i file, ku lo huma vanyingi khwatsi hi tinyeleti ta tilo, ni ku khwatsi hi seke ga le fungwini wa bimbi, legi gi nga hiko na ku hlayiwa. Gen. 22:17; Rom. 4:18, 19

Maheberu 12:22

Kanilezi nwina mu tile xitsungeni xa Zioni, ni le mutini wa Nungungulu a hanyako, a Jerusalema ga le tilweni, ni ka tingelosi ti nga hlayiwiko, Fil. 3:20; Kuv. 3:12

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 22:3

A nzhukano yi nga tava kona kambe. A xitshamu xa wuhosi xa Nungungulu ni xa Yivana xi tava kona ka wona; ni malanza yakwe ma ta mu tirela. Ezek. 48:35; Zak. 14:11

Kuvululelwa 3:18

Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3

Kuvululelwa 4:4

A xitshamu xa wuhosi xi wa ranzelwe hi 24 wa zitshamu za wuhosi; a hehla ka zona ku wa tshamile a 24 wa manghanakana, na ma ambele a tinguwo to basa, ma hi ni zidlodlo za nzalama tihlokweni ta wona.

Kuvululelwa 5:11

Zonake nzi lo cuwuka, nzizwa a magezu ya tingelosi to tala, na ti ranzele a xitshamu xa wuhosi ni ximahwa zi hanyako ni manghanakana; a tsengo wa tona wu wa hi mazanazana ya mazana, ni mazana ya mazana ya tsanza-vahlayi; Tis. 68:17; Maheb. 12:22

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24

Kuvululelwa 6:11

Ku lo hiwa ka munwe ni munwani wa vona a nguwo yo basa yo leha; va lo byeliwa a kuva va humula xikhatanyana, wu kala wu tatiseka a ntsengo wa malanza-kulobye ni vamakabye lava va ta nga dawa khwatsi hi vona. Tis. 68:17; Maheb. 12:22

Kuvululelwa 7:8

Le lixakeni la ka Zebuloni lava va nga vekiwa xifungo va wa hi 12,000; Le lixakeni la ka Josefa lava va nga vekiwa xifungo va wa hi 12,000; Le lixakeni la ka Benjamini lava va nga vekiwa xifungo va wa hi 12,000.