Kuvululelwa 7:4 - Tshwa Bible

⁴ Nzi lozwa a ntsengo wa lava va nga vekwa zifungo, va wa hi 144,000 va nga fungiwa va tixaka tontlhe ta vanana va ka Israeli: Xip. 9:16; 14:1

Kuvululelwa 7:4 Mawu Ofanana

Genesisi 15:5

Yena i lo mu humesa lahandle aku ngalo: Cuwuka le tilweni, u hlaya tinyeleti, loku u zi kota ku ti hlaya. Yena i te ngalo kakwe: Zi tava nghaho ni pswalo wa wena. Deut. 10:22; Maheb. 11:12

Eksodusi 28:21

A maribye ma ta vekiwa hi kulanzelana ka mavito ya vana va, ka Israeli va khume ni vambiri; ma tava khume ni mambiri khwatsi hi tsengo wa mavito yabye; a ginwe ni ginwani gi tava ni vito ga lixaka la ka Israeli, a mavito ma ta tsaliwa hi ku kehla kota phera ya xifungo.

Ezekieli 47:13

Hosi Jehova i ngalo: Lowu wu tava a mbhingano wu ta nga avanyisa a misava leyi yi ta nga avelwa ka khume ga tixaka ni timbiri ta ka Israeli, Josefa i tava ni zipanze zimbiri. Gen. 48:5; Mitse. 34:2; Jox. 17:17

Ezekieli 48:19

Xi ta rimiwa hi zitiri za muti lezi zi tako hi ka tontlhe tixaka ta ka Israeli.

Ezekieli 48:31

A tinyangwa ta muti ti ta chuliwa a mavito ya tixaka ta ka Israeli. Hi tlhelo ga Nwalungu ku na ni tinyangwa tinharu: a yinwe ya ka Rubeni, yinwe ya ka Juda, ni yinwe ya ka Levi.

Zakaria 9:1

A xiprofeto xa Jehova hi tiko ga Hadrake, xi ta tshama ni hehla ka Damasku; hakuva a tihlo ga Jehova gi cuwuka a vanhu vanwani kukotisa loku a cuwuka tontlhe tixaka ta ka Israeli; Isa. 17:1; Jer. 32:19

Mateu 19:28

Jesu i lo va hlamula, aku: Hizinene nziku ka nwina: Hi xikhatini xa ku vuxetwa luswa ka zontlhe, laha a Nʼwana wa munhu a ta nga tshama xitshanwini xakwe xa wuhosi, nwina lava mu nzi lanzeleko mu ta tshama ka 12 wa zitshamu za wuhosi, mu lamula a 12 wa tixaka ta Israeli.

Luka 14:22

Zonake a nanza gi te ngalo: Hosi, lezi u zi layileko zi mahekile, kanilezi ga ha hi kona wutshamu.

Luka 22:30

kasi ma fela kuga ni kunwa mezeni ya mina le mufunweni wa mina; mu ta tshama zitshanwini za wuhosi, mu lamula khume ga tixaka ni timbiri ta Israeli. Tis. 49:14; Mat. 8:11; Kuv. 19:9

Mitiro 26:7

xi nga xitsumbiso lexi a tixaka ta hina ta khume ni timbiri ti tsumbako ku nyikiwa xona na ti pinyatnile ku khozela Nungungulu a mumu ni wusiku. Hosi Agripa, mina nzi kecarilwe hi vaJuda hi kota ya kutsumba loko. Jak. 1:1; Lu. 2:37; 1 Tim. 5:5

Va le Roma 9:27

Na Isaya iba hungu ha Israeli, aku: Hambu loku a tsengo wa vanana va Israeli wuku khwatsi i seke ga bimbi, misalela basi yi ta nga hanyiswa. Isa. 10:22

Jakobe 1:1

Mina Jakobe, a nanza ga Nungungulu, ni ga Hosi Jesu Kristu, nza rungula ka khume ga tixaka ni timbiri leti ti hangalakileko. Miti. 12:17; 26:7; Juda 1

Kuvululelwa 14:1

Zonake nzi lo cuwuka nzi wona Yivana na yi yimile xitsungeni xa Zioni, na yi hi ni 144,000 lava va tsalilweko a vito ga yona ni vito ga Dadani wa yona laha zimombyeni zabye. Xip. 7:3, 4; 5:6

Kuvululelwa 14:3

Va wa yimbelela lisimu liswa mahlweni ka xitshamu xa wuhosi, ni mahlweni ka mune wa zimahwa zi hanyako ni manghanakana; ku wa nga hi kona munhu a zi kotako ku gonza lisimu lelo, saseka lava va 144,000, lava va xabyilweko misaveni. Xip. 5:9

Kuvululelwa 7:5

Le lixakeni la ka Juda lava va nga vekiwa xifungo va wa hi 12,000; Le lixakeni la ka Rubeni lava va nga vekiwa xifungo va wa hi 12,000; Le lixakeni la ka Gadi lava va nga vekiwa xifungo va wa hi 12,000;

Kuvululelwa 9:16

A ntsengo wa mitlawa ya lava va khileleko mahaxi wu wa hi 200,000,000, nzi zwile a ntsengo wabye. Tis. 68:17; Ezek. 38:4; Xip. 7:4