Kuvululelwa 7:3 - Tshwa Bible

³ yiku: Mu nga onhi misava, kutani bimbi, hambu ni tisinya, hi kala hi veka zifungo zimombyeni za malanza ya Nungungulu wa hina. Ezek. 9:4; Xip. 6:6; 22:4

Kuvululelwa 7:3 Mawu Ofanana

Eksodusi 12:13

A nkhata wu tava xikombiso xa nwina, ka tiyindlu leti mu nga ka tona; loku nzi wona nkhata, zonake nzi ta hunza; kasi a mhango yi nga engheni xikari ka nwina yi mu daya, xikhati lexi nzi dayako vaGipite.

Eksodusi 12:23

Hakuva Jehova i ta hunza kasi ku ya daya vaGipite; kasi loku a wona a nkhata lomu timhanzeni ta laha nyangweni ka tiyindlu ta nwina, i ta hunza basi hi lomu tinyangweni, na a nga vumeli mudayi ku enghena lomo a mu daya.

Isaya 27:8

U mu bile hi mpimo loku u mu hlongole kule, I mu kukuletile hi bhubhutsa gakwe ga ntamu hi siku ga xipupuri xa Mutsuwuka-gambo.

Isaya 54:17

A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Isaya 65:8

Jehova i ngalo: Loku ku hi ni dosi lomu ka xitata xa mauva, ve ngalo: U nga xi tsemi, hakuva xa ha hi ni zikatekiso! Minawo nzi ta mahisa lezo hi kota ya malanza ya mina: Nzi nga ta lovisa vontlhe.

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Ezekieli 9:6

Hihiritani vaku bhi a zikhosana za vavanuna, ni majaha, ni vanhwana, ni zivanana, ni vavasati. Kanilezi mu nga henyi loyi a nga ni xifungo. Sangulani hi le ndlwini ya mina yo basa. Zonake va lo sangula hi zikhosana lezi zi nga hi mahlweni ya yindlu.

Danieli 3:17

Loku zi koteka a kuva a Nungungulu wa hina loyi hi mu khozelako a hi ponisa nzhimbyeni wa pingo ga nzilo, i ta hi tlhatlhisa canjeni ga wena hosi.

Danieli 3:26

Zonake Nebukadnezzare i lo tshinela laha nyangweni ya nzhimbo wa pingo ga nzilo, a taku: Xadrake, Mexake, na Abed-nego, nwina malanza ya Nungungulu a Hunzeleleko Kutlakuka, humani, tanani leno! Zonake Xadrake na Mexake na Abed-nego va lo huma hi lomu xikari ka nzilo.

Danieli 6:16

A hosi yi lo rumisa lezaku Danieli a khomiwa a hoxwa nkeleni wa tinghala. A hosi yiku ka Danieli: A Nungungulu wa wena loyi u mu khozelako xontlhe xikhati ngha a ku ponisa!

Zefania 2:3

Hlotani Jehova nwina nwentlhe va koramileko va tiko, lava mumahako a zileletelo zakwe; hlotani kululama, mu hlota ku ti tsongahata; kutani mu ta fihlala a sikwini ga zanga ya Jehova.

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

Mateu 24:22

Loku lawo masiku ma wa nga komiswangi, ngha ku nga hi kona ni munwe a hanyisilweko; kanilezi hi kota ya vahlawulilweko a masiku lawo ma ta komiswa. Isa. 65:8, 9; Zak. 14:2, 3

Mateu 24:31

Yena i ta ruma a tingelosi, takwe na tiba mimpunzu yo vuma nguvu; ti ta tsombanyisa a vahlawulilweko vakwe hi ka mune wa matlhelo ya misava, kusukela magemeta-musi ya tilo kala ka manwani magemeta-musi. 1 Kor. 15:52; 1 Tes. 4:16

Johani 12:26

Loku munhu a nzi tirela, a nzi lanzele; ni laha nzi nga kona, i ta va kona loyi a nzi tirelako. Loku munhu a nzi tirela, yaloye i ta dzunziwa hi Dadani. Xip. 14:3; 1 Tes. 4:17

Johani 3:33

Loyi a amukelako a wukustumunyu gakwe, wa tiyisa lezaku Nungungulu i tsumbekile. Rom. 3:4; 1 Joh. 5:10

Va le Roma 6:22

Kanilezi makunu na mu tlhatlhisilwe kuonheni, na mu hi malanza ya Nungungulu, mu bhinzule a kubasiswa, ni magumeso ya kona hi wutomi ga pinzukelwa.

Kuvululelwa 13:16

Xi lo kurumeta vontlhe a vatsongwani ni vahombe, lava va fumileko ni lava va vumalako, a va tlhatlhekileko ni tikhumbi, lezaku va vekwa xifungo canjeni gabye ga xinene, kutani zimombyeni zabye; Xip. 19:20

Kuvululelwa 13:17

lezaku ku ngavi na munhu a zi kotako ku xava kutani ku xavisa, saseka loyi a na nga ni xifungo, gi nga vito ga xihari, kutani xihlayo xa vito ga xona. Xip. 14:11; 15:2

Kuvululelwa 14:1

Zonake nzi lo cuwuka nzi wona Yivana na yi yimile xitsungeni xa Zioni, na yi hi ni 144,000 lava va tsalilweko a vito ga yona ni vito ga Dadani wa yona laha zimombyeni zabye. Xip. 7:3, 4; 5:6

Kuvululelwa 14:9

Ni yinwani ngelosi, a ya wunharu yi ti lanzela, yiku hi gezu ga hombe: Loku munhu a khozela xihari ni xifananiso xa xona, a vekwa xifungo ximombyeni xakwe, kutani canjeni gakwe, Xip. 13:14-16

Kuvululelwa 19:2

hakuva a kulamula kakwe ku nene ku lulamile; hakuva i lamule a xibhayi leʼxa hombe, lexi xi nga holisa misava hi kubhaya ka xona, i photele a nkhata wa malanza yakwe ka xona. Deut. 32:43; Xip. 15:3

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16

Kuvululelwa 22:4

Ma ta wona nghohe yakwe, ni vito gakwe gi ta tsaliwa zimombyeni zabye. Mat. 5:8; 1 Joh. 3:2; Xip. 14:1

Kuvululelwa 6:6

Nzi lozwa ku khwatsi i gezu xikari ka zimahwa zi hanyako za mune, giku: A litro yinwe ya tirigo i cheleni, ni tilitro tinharu ta sevada i cheleni; kanilezi u nga onhi a mafura ni vinya. Xip. 9:4

Kuvululelwa 7:1

Anzhako ka lezo nzi lo wona mune wa tingelosi na ti yimile matlhelweni ya mune ya misava, na ti tsimbetela a mune wa timheho ta misava, lezaku ku nga pupuxi mheho misaveni, kutani le bimbini, hambu ni ka sinya yinwe. Dan. 7:2; Xip. 9:4

Kuvululelwa 7:2

Zonake nzi lo wona yinwani ngelosi na yi huma hi le Mutsuwuka-gambo, yi hi ni xifungo xa Nungungulu a hanyako. Yi loba hungu hi gezu ga hombe ka tingelosi leti ta mune ti nyikilweko a ntamu wa ku onha a misava ni bimbi,

Kuvululelwa 9:4

Yi lo leletelwa lezaku yi nga onhi a byanyi ga misava, hambu ni zibyalo zo nyuka, hambu ni tisinya, sine vanhu lava va nga hiko na xifungo xa Nungungulu zimombyeni zabye. Ekso. 12:23; Ezek. 9:4; Xip. 8:7