Kuvululelwa 6:12 - Tshwa Bible

¹² Nzi lo wona laha yi nga namula a xifungo xa wuntlhanu ni xinwe, ku wa hi kona a kutsekatseka ka hombe ka misava; a gambo gi lo hunzuka gi maha ntima khwatsi hi nguwo ya xirilo, a hweti yontlhe yi lo maha ku khwatsi i nkhata. Joeli 2:31; Mat. 24:29

Kuvululelwa 6:12 Mawu Ofanana

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Isaya 29:6

Jehova wa tiyimpi i ta ku tsayisa hi kudzinza Ni kutsekatseka ka misava ni guwa ga hombe, Hi xipupuri ni bhubhutsa, ni langavi ga nzilo wu hisako.

Isaya 34:4

A xidlemo xontlhe xa le tilweni xi ta nyunguluka, Ni matilo ma ta songiwa kukotisa a papilo, A zidlemo zontlhe za wona zi tawa khwatsi ku tlhatlheka ka matluka ya vina, Kukotisa matluka ma wunileko ya nkuwu.

Isaya 50:3

Nzi ambexa matilo hi munyama, Nzi ma fenengeta hi nguwo ya xilenda. Ekso. 10:22; Mat. 24:29; Kuv. 6:12

Joeli 2:10

A misava yi rurumela mahlweni kabye, a matilo ma tsekatseka; a gambo ni hweti za pfhupeliswa, a tinyeleti ta timeka.

Joeli 3:15

A gambo ni hweti zi pfhupelisilwe, ni tinyeleti ta timeka.

Amosi 1:1

A timhaka ta Amosi, a munwe wa varisi va le Tekoa, leti a ti wonileko xungetano na Israeli masikwini ya Uzzia hosi ya ka Juda, ni masikwini ya Jerobpamu a nʼwana wa Joaxi a hosi ya ka Israeli, hi mahlweni ka xitsekatseka xa misava lexi xi humeleko anzhako ka malembe mambiri.

Amosi 8:9

Hosi Jehova i ngalo: Hi siku lego nzi ta pelisa gambo laha munwini, nzi vanga munyama laha misaveni xikhatini xa hlikanhi. Mik. 3:6

Zakaria 14:5

Mu ta tsutsuma hi minzhelelo ya zitsunga za mina, hakuva a minzhelelo ya zitsunga za mina yi ta chikela ni le Azeli. Mu ta tsutsuma khwatsi hi lezi mu nga tsutsuma a xitsekatseka xa misava masikwini ya Uzzia a hosi ya ka Juda. Zonake Jehova a Nungungulu wa mina i tata, ni vontlhe va basileko zinwe na wena.

Mateu 11:21

Khombo a give ka wena Korazini! Khombo a give ka wena Betsaida! Hakuva a zirewukiso lezi zi mahilweko ka wena, loku zi wa mahilwe le Tire ni Sidoni, ngha va hunzulukile a kale na va ambele tisakwa va tola khuma. Jona 3:7, 8

Mateu 24:29

Loku ku mbhelile a kuxaniseka ka lawo masiku; a gambo gi ta pfhupeliswa, ni hweti yi nga ta humesa a kuwoninga ka yona, ni tinyeleti ti tawa hi le tilweni, ni mintamu ya matilo yi ta tsekatsekiswa, Isa. 13:10; Ezek. 32:7; Am. 5:20; Joeli 2:10; Lu. 21:25

Mateu 24:7

Hakuva a tiko gi ta vukela tiko, ni mufumo wu ta vukela mufumo; ku tava kona tindlala ni kutsekatseka ka misava matshanwini ma tsalangeneko. Isa. 19:2

Mateu 27:45

A kusukela hora ya wuntlhanu ni yinwe ku wa hi ni munyama misaveniyontlhe ku kala a hora ya wuntlhanu ni mune. Am. 8:9; Lu. 23:44

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Mateu 28:2

Zonake ku wa hi kona a kutsekatseka ka hombe ka misava, hakuva a ngelosi ya Hosi yi lo relela hi le tilweni, yi ta wumbuluta a ribye, yi tshama hehla ka gona. Lu. 24:4; Joh. 20:12

Marku 15:33

Hi xikhati xa wuntlhanu ni xinwe ku wa hi kona munyama tikweni gontlhe, ku kala xikhati xa wuntlhanu ni mune.

Kuvululelwa 11:13

Hi xwalexo xikhati ku wa hi kona a kutsekatseka ka hombe ka misava, ku lo khungumuka a xipanze xa wukhume xa muti; ku dawa a 7,000 wa vanhu hi kutsekatseka loko; lava va nga sele va lo chava, va dumisa Nungungulu wa tilo. Jox. 7:19; Xip. 14:7; 16:19

Kuvululelwa 16:18

Ku wa hi kona a kuhatima, ni kuvuma, ni kudzinza, ni kutsekatseka ka hombe ka misava, loku cima ku nga tsekatsekisangiko nguvu kota lezo a ku sukela lezi vanhu va nga vangiwa laha misaveni. Dan. 12:1; Xip. 11:13

Kuvululelwa 16:8

Leʼya wumune yi lo halata mukhelo wa yona a gambyeni; gi nyikwa ntamu wa ku tlahulela vanhu hi nzilo.

Kuvululelwa 8:12

Ni ngelosi ya wumune yi loba mpunzu wa yona, ku biwa xipanze xa wunharu xa gambo, ni xipanze xa wunharu xa hweti, ni xipanze xa wunharu xa tinyeleti; lezaku a xipanze xa wunharu xa zona xi phumiswa, a hlikanhi wu vumala a xipanze xa wunharu xa kuwonekela ka wona, ziva tano ni wusiku. Isa. 13:10; Am. 8:9

Kuvululelwa 8:5

Zonake a ngelosi yi lo teka a xibya, yi xi tatisa hi nzilo wa laha alatini, yi xi hoxa misaveni; laho ku wa hi kona a kudzinza, ni kuvuma, ni zingwalangwanza, ni kutsekatseka ka misava. 2 Sam. 22:8; 1 Tih. 19:11; Miti. 4:31