Kuvululelwa 4:5 - Tshwa Bible

⁵ Laha xitshanwini xa wuhosi ku lo huma kuhatima ni magezu ni kudzinza. Ku wa hi ni ntlhanu wa minwenge ni mimbiri yi nga vura mahlweni ka xitshamu xa wuhosi, leyi yi nga mimoya ya ntlhanu ni mimbiri ya Nungungulu Ekso. 37:23; Ezek. 1:13; Zak. 4:2

Kuvululelwa 4:5 Mawu Ofanana

Genesisi 15:7

Yena i te ngalo ka yena: Hi mina Jehova loyi a nga ku humesa le Ure wa maKaldea, kasi nzi ku nyika legi tiko kuva tshomba ya wena.

2 Kronekele 4:20

ni timeza ta tikandiya ta nzalama yo saseka, ni tikandiya ta kona, leti ti nga wa lumekiwa hi nayo wa kona mahlweni ka wutshamu ga kubasabasa.

Tisimu 68:35

Nungungulu, wa chaveka le wu tshanwini ga wena go basa; Nungungulu wa Israeli i nyika ntamu ni kufuma ka vanhu vakwe. A khesiwe Nungungulu!

Eksodusi 19:16

Hi siku ga wunharu laha na gi cile, ku wa hi kona kudzinza ni kuhatima, ni refu legi ga ntima na gi hi hehla ka xitsunga; ni kuvuma loku ka hombe ka punzu ku lo tinga. Zonake a vanhu vontlhe lava va nga hi lomu wugovelweni va lo rurumela.

Eksodusi 20:18

A vanhu vontlhe va lozwa kudzinza ni kuvuma ka punzu; va wona a kuhatima, ni xitsunga loku xi kari xi tuvika musi. Laha a vanhu va nga wa wona lezo, va lo rurumela nguvu, va yima kule. Maheb. 12:18

Eksodusi 25:37

U ta yi mahela a ntlhanu wa tikandiya ni timbiri; zonake va ta tihomeka a tikandiya ta kona le hehla ka yona, ti ta woningela a tlhelo ga le mahlweni ka yona.

Eksodusi 37:23

Zonake i lo maha tikandiya ta yona ta ntlhanu ni timbiri, ni zitimo za kona, ni zimbitana za kona za khuma; i lo zi maha hi nzalama yi basileko.

Ezekieli 1:13

A zivangwa zi hanyako zi wa woneka kota a makhala ma vurako, ni kuwoninga ka minwenge; a nzilo na wu fambafamba xikari ka zivangwa zi hanyako; a nzilo lowu wu wa kwezima ni lomu nzilweni ku huma tihlahle.

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Zakaria 4:2

Yiku ka mina: Xini u xi wonako? Nzi hlamula nziku: Nzi wona a meza ya tikandiya yo mahiwa hi nzalama basi; le hehla ka yona ku hi ni xibya xo chela kona mafura, na yi hi ni ntlhanu wa tikandiya ni timbiri; ku na ni ntlhanu wa mipuva ni mimbiri yi yako ka tikandiya ti nga hehla ka yona.

Mateu 25:1

Hi xikhati lexo a mufumo wa tilo wu ta fanana ni khume ga vanhwana, lava va nga teka tikandiya tabye, va huma ku ya khinga muyeni. Efe. 5:29, 30; Kuv. 21:2, 9

Mateu 3:11

Mina nzi mu bapatiza hi mati kasi ma hunzuluka; kanilezi loyi a tako nzhako ka mina i na ni ntamu ku nzi hunza mina; a nzi faneli ni ku rwala zilato zakwe; yena i ta mu bapatiza hi Moya wa ku Basa ni nzilo. Mar. 1:8; Lu. 3:16; Isa. 4:4; 44:3; Miti. 1:5

Mitiro 2:3

Ku lo woneka kabye a tirimi to fanana ni nzilo, ti nga avanyeka ku tshama linwe hehla ka munwe ni munwani.

Kuvululelwa 1:4

Johani a rungula a mabandla ya ntlhanu ni mambiri ma nga le Asia, aku: A tipswalo ni kurula a zive na nwina zi tako hi ka yena Loyi a nga kona, Loyi a nga hi kona, Loyi a ta ngata, ni ka mimoya ya ntlhanu ni mimbiri leyi yi nga mahlweni ka xitshamu xakwe xa wuhosi; Ekso. 3:14; Zak. 3:9; Joh. 1:1

Kuvululelwa 10:3

Yi lo kanyuluka hi gezu ga hombe, ku khwatsi hi kudzuma ka nghala; laha na yi kanyulukile, ku lo zwakala a magezu ya ntlhanu wa kudzinza ni kumbiri.

Kuvululelwa 11:19

Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

Kuvululelwa 3:1

Tsalela a ngelosi ya bandla ga le Sardisi, uku: Loyi a nga ni ntlhanu wa mimoya ni mimbiri ya Nungungulu, ni tinyeleti ta ntlhanu ni timbiri, i ngalo: Nza yi tiva mitiro ya wena, lezaku u na ni vito gaku wa hanya, kasi lezo u file. Efe. 2:1, 5

Kuvululelwa 5:6

Nzi lo wona a Yivana na yi yimile xikari ka xitshamu xa wuhosi ni mune wa zimahwa zi hanyako, ni xikari ka manghanakana, na yiku khwatsi yi tlhabyilwe. Yi wa hi ni ntlhanu wa timhonzo ni timbiri, ni ntlhanu wa mahlo ni mambiri, ma nga mimoya ya ntlhanu ni mimbiri ya Nungungulu, leyi yi rumilweko misaveni yontlhe. Isa. 53:7; Zak. 3:9; Joh. 1:29

Kuvululelwa 8:5

Zonake a ngelosi yi lo teka a xibya, yi xi tatisa hi nzilo wa laha alatini, yi xi hoxa misaveni; laho ku wa hi kona a kudzinza, ni kuvuma, ni zingwalangwanza, ni kutsekatseka ka misava. 2 Sam. 22:8; 1 Tih. 19:11; Miti. 4:31