Kuvululelwa 4:1 - Tshwa Bible

¹ Zonake nzi lo wona a nyangwa yi vululekileko le tilweni, a gezu go sangula legi nzi nga gizwa gi lo wulawula na mina, na gi zwala kota mpunzu, giku: Kanziha uta laha, nzi ta ku wonisa lezi zi ta nga maheka anzhako ka lezi. Xip. 11:12; 22:6

Kuvululelwa 4:1 Mawu Ofanana

Eksodusi 1:1

Laya hi mavito ya vana va Israeli, lava va ngaya Gipite zinwe na Jakobe, lava loyi ni loyi a yileko ni ngango wakwe:

Eksodusi 19:24

Zonake Jehova aku ka yena: Tlhela, u ta kanziha na Aroni; kanilezi a vapristi ni vanhu va nga kanzihi vaya ka Jehova, kasi va ngati va ta dawa.

Eksodusi 24:12

Zonake Jehova aku ka Mosi: Kanziha uta leno xitsungeni u ta yima kona; nzi ta ku nyika a timbila ta maribye laya ma nga ni milayo ni zileletelo za mina lezi nzi zi tsalileko, kasi u va gonzisa zona.

Mavingu 25:7

Hakuva zi sasekile ka wena loku vaku: Tshinela leno, ku hunza ku tsongahatiwa mahlweni ka hosi eyi u yi wonako hi mahlo. Lu. 14:8

Ezekieli 1:1

Hi lembe ga 30, hi siku ga wuntlhanu ga hweti ya wumune, khwatsi hilezi nzi nga hi xikari ka lava va nga hi wukhumbini, le congweni wa Kebare, a matilo ma lo vululeka, nzi wona a miwoniso ya ka Nungungulu.

Mateu 3:16

Jesu laha na a bapatizilwe i lo huma zalezo hi lomo matini, languta, a tilo gi lo vululeka, a wona Moya wa Nungungulu wu relela kota tuva hehla kakwe. Isa. 11:2; Mar. 1:10; Lu. 3:22

Marku 1:10

Na a ha huma hi lomo matini, i lo wona tilo na gi avanyeka, ni Moya wu relela hehla kakwe kota tuva. Mat. 3:16; Joh. 1:32

Luka 3:21

Laha vanhu vontlhe va nga bapatizilwe, Jesu kambe i lo bapatizwa. Na a kari a kombela, a tilo gi lo vululeka, Mat. 3:13; Joh. 1:32

Johani 16:13

Kanilezi loku a chikele, loye a nga Moya wa zinene, i ta mu rangela zineneni zontlhe; hakuva a nga ta wulawula a za wutsumbu gakwe; kanilezi ni zihi lezi a ta nga zizwa i ta wulawula ha zona; ni zilo lezi zi ta ngata i ta mu tivisa zona. Xip. 14:17; 1 Joh. 2:27

Mitiro 10:11

a wona tilo na gi vululekile, ku relela a xibya xo khwatsi i nguwo ya hombe, na yi releliswa hi mune Wa tichoka. Ezek. 1:1; Xip. 7:56; Kuv. 19:11

Mitiro 7:56

aku ngalo: Mangabye, nzi wona tilo na gi vululekile, ni Nʼwana wa munhu na a yimile hi le canjeni ga xinene ga Nungungulu. Mat. 3:16; Dan. 7:13

Kuvululelwa 1:10

Nzi wa hi le moyeni hi siku ga Hosi, nzi lozwa lenzhako ka mina a gezu ga hombe, go khwatsi ga mpunzu, giku: Joh. 20:26; 2 Kor. 12:2

Kuvululelwa 1:12

Nzi lo hunzuluka a kuva nzi wona loyi nzi zwileko gezu gakwe na gi wulawula ka mina; na nzi hunzulukile nzi lo wona a ntlhanu ni timbiri a timeza ta nzalama to veka tikandiya. Zak. 4:2

Kuvululelwa 1:19

Hikwalaho tsala lezi u zi wonileko, u tsala lezi zi nga kona makunu, ni lezi zi ta nga maheka anzhako ka lezi.

Kuvululelwa 11:12

Va lozwa a gezu ga hombe gita hi le tilweni giku ka vona: Ngonani leno hehla. Va lo tlakukela tilweni hi refu, na va woniwa hi valala vabye. Isa. 14:13; Miti. 1:9

Kuvululelwa 11:19

Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

Kuvululelwa 16:17

Leʼya wuntlhanu ni timbiri yi lo halata mukhelo wa yona ndengelengeni; ku lo huma a gezu ga hombe gita hi le xitshanwini xa wuhosi lomu tempeleni, giku: Zi mbhelile. Xip. 21:6

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5

Kuvululelwa 22:6

Yi te ngalo ka mina: A timhaka leti ti tsumbekile ti nene; Hosi a Nungungulu wa mimoya ya vaprofeti, i rumele a ngelosi yakwe a ku komba malanza yakwe lezi zi yimelweko hi ku maheka lokuloku.