Kuvululelwa 3:4 - Tshwa Bible

⁴ Kanilezi wa ha hi navo a vanwani le Sardisi lava va nga kala ku nyenyezisa tinguwo tabye; va ta famba na mina na va ambele zo basa, hakuva va fanele lezo. Miti. 1:15; Juda 23; Xip. 6:11

Kuvululelwa 3:4 Mawu Ofanana

1 Tihosi 19:18

Kasike mina nzi ti siyele 7,000 wa vanhu a xikari ka va ka Israeli, lava vontlhe va nga khizamangiko ka Baali ni ku mu pswopswa. Joba 31:27; Hos. 13:2; Rom. 11:4

Estere 8:15

Mordekai i lo Suka mahlweni ka hosi na ambele a tinguwo ta wukosi ta wukuxe ni to basa, na hi ni xidlodlo xa hombe xa nzalama, ni bhaji go saseka go mahiwa hi wukene go zirila. A muti wa Xuxani wu lo kanyuluka hi kutsaka.

Tisimu 68:14

Laha Nyamintamu a nga hangalasa a tihosi laha tikweni, Ku wa hi ni gapongo hehla ka Salmoni.

Mutshawuteli 9:8

A tinguwo ta wena ngha tiva leti ti basileko masiku wontihe, a hloko ya wena yi nga tshami yi nga hi na mafura.

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Isaya 59:6

A wupe gabye a gi vuni ku ma ha tinguwo, A va zi koti ku ti fenengeta hi mitiro yabye; A mitiro yabye mitiro ya kubiha, Ni mitiro ya tihanyi yi le mandleni yabye.

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Isaya 64:6

Hina hontlhe hi fanana ni loye a nga hlazekangiko, Ni kontlhe kululama ka hina ku fanana ni nguwo yi nga ni chaka; Hina hontlhe hi wuna kukotisa matluka, Ni zigoho za hina za hi kukuleta ku fanana ni mheho.

Levi 13:48

kutani leyi yi lukilweko, kutani hi laha ka mawoya, hambu laha ka bhebhe, kutani hi ka wihi ntiro wu mahilweko hi bhebhe;

Mateu 10:11

Kani hi wihi muti ni mutana mu to enghena ka wona, mu ta wutisa lezaku himani a faneleko ku mu amukela; tshamani ka yena mu kala mu suka.

Marku 16:5

Na va enghena nkeleni, va lo wona a jaha gi nga tshamile hi le tlhelweni ga xinene, na gi ambele a nguwo yo basa; vona va lo dzuka. Lu. 24:3; Joh. 20:11, 12

Luka 20:35

kanilezi lava va ta nga vumelwa ku wona a xikhati xi tako, ni kuvuka hi ka vafileko, va nga ha ta teka, hambu ni ku tekiwa;

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Mitiro 1:15

Hi lawo masiku Pedro i lo yima xikari ka vamakabye, laha ku nga wa tsombene a tsengo wa 120 wa vanhu, aku ngalo: Kuv. 3:4

2 Va le Tesalonika 1:5

Lezo za komba lezaku a kulamula ka Nungungulu ku lulamile; aku kasi ma fela ku hlayelwa lezaku mu fanelwe hi mufumo wa Nungungulu, lowu mu xanisekelako wona. Fil. 1:28; Kuv. 3:4

Juda 1:23

mu hanyisa vanwani, mu va okola nzilweni; a vanwani mu va hawukela hi kuchava, na mu venga hambu ni nguwo leyi yi nyenyezisilweko hi nyama. Zak. 3:2, 4; Rom. 11:14; 1 Tim. 4:16

Kuvululelwa 1:11

Lezi u zi wonako zi tsale bhukwini, u gi rumela ka mabandla ya ntlhanu ni mambiri: le Efesusi; ni le Sinima, ni le Pergamumi, ni le Tiatira, ni le Sardisi, ni le Filadelfia, ni le Loadikea.

Kuvululelwa 11:13

Hi xwalexo xikhati ku wa hi kona a kutsekatseka ka hombe ka misava, ku lo khungumuka a xipanze xa wukhume xa muti; ku dawa a 7,000 wa vanhu hi kutsekatseka loko; lava va nga sele va lo chava, va dumisa Nungungulu wa tilo. Jox. 7:19; Xip. 14:7; 16:19

Kuvululelwa 14:4

Lava hi vona va nga kala ku ti nyenyezisa hi vavasati, hakuva va basile; hi lava va lanzako Yivana ni kwihi laha yi yako kona. Va xabyilwe vanhwini a kuva mbhanzo wo ranga ka Nungungulu ni ka Yivana. 2 Kor. 11:2; Jak. 1:18; Xip. 5:9

Kuvululelwa 19:14

Ni mabutho ya le tilweni ma lo mu lanzela, na ma khilele mahaxi yo basa, na ma ambele a tinguwo to saseka ta wukene ti basileko tiku pa. Mat. 28:3; Xip. 14:20

Kuvululelwa 19:8

I lo nyikiwa ku ambala tinguwo to saseka ta wukene, ti basisilweko tiku pa! A tinguwo to saseka ta wukene hi mitiro ya kululama ya vobasa. Tis. 45:13, 17; 132:9

Kuvululelwa 3:18

Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3

Kuvululelwa 3:5

Loyi a hlulako i ta ambexwa tinguwo to basa; cima nzi nga ta vinya a vito gakwe bhukwini ga wutomi, nzi ta vumela vito gakwe mahlweni ka Dadani wa mina, ni mahlweni ka tingelosi takwe, Ekso. 32:32; Mat. 10:32; Fil. 4:3

Kuvululelwa 4:4

A xitshamu xa wuhosi xi wa ranzelwe hi 24 wa zitshamu za wuhosi; a hehla ka zona ku wa tshamile a 24 wa manghanakana, na ma ambele a tinguwo to basa, ma hi ni zidlodlo za nzalama tihlokweni ta wona.

Kuvululelwa 6:11

Ku lo hiwa ka munwe ni munwani wa vona a nguwo yo basa yo leha; va lo byeliwa a kuva va humula xikhatanyana, wu kala wu tatiseka a ntsengo wa malanza-kulobye ni vamakabye lava va ta nga dawa khwatsi hi vona. Tis. 68:17; Maheb. 12:22

Kuvululelwa 7:9

Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11