Kuvululelwa 22:2 - Tshwa Bible

² wu khulunga xikari ka maphango ya muti. Seno ni seno ka congo ku wa hi ni sinya ya wutomi, leyi yi pswalako mihanzu ya khume ni yimbiri, a ku kheta hi tihweti; ni matluka ya sinya ma wa tira ku holisa matiko. Gen. 2:9; Ezek. 47:12; Xip. 2:7

Kuvululelwa 22:2 Mawu Ofanana

Genesisi 2:9

Jehova Nungungulu i lo milisa laha misaveni tontlhe tisinya ti sasekileko kucuwukekeni, na ti sasekile ku giwa; ni sinya ya wutomi xikari ka simu, ni sinya ya ku tiva kusaseka ni kubiha.

Tisimu 147:3

Wa tangalisa lava va timbilu ti tshovekileko, A bohelela timbanga tabye.

Mavingu 3:18

I sinya ya wutomi ka lava va gi kumako, katekile loyi a gi hlayisako.

Isaya 6:10

Nonohisa a timbilu ta vanhu la va, U vala tindleve tabye, u tsunya mahlo yabye, Va ngazwi hi tindleve tabye, va nga pimi hi timbilu tabye, Kasi va nga hunzuluki va hanyiswa. Deut. 29:3; Rom. 11:8

Jeremia 17:14

Nzi chume Jehova, nzi tava nzi chumilwe, Nzi hanyise, nzi tava nzi hanyisilwe; Hakuva hi wena a wudzunzo ga mina.

Ezekieli 47:1

I lo nzi wuyisa nyangweni ya yindlu; laho nzi lo wona a mati na ma huma hi lahasi ka xipimbitsi xa nyangwa ya yindlu hi tlhelo ga Mutsuwuka-gambo, hakuva a yindlu yi wa cuwukile Mutsuwuka-gambo. A mati ma wa relela hi tlhelo ga xinene ga yindlu, a Dzongeni ga alati. Joeli 3:18; Zak. 13:1; Kuv. 22:1

Hosea 14:4

Nzi ta chuma a kutlhelela kabye nzhako, nzi va ranza hi mbilu yontlhe ya mina, hakuva a zanga ya mina yi sukile kabye.

Zakaria 14:8

Hi siku lego a mati ya xibuka xi nga pswhiko ma ta huma Jerusalema, a khihlanya ga wona ma ta khulungela bimbini ga Muhuma-gambo, a ginwani khihlanya gi khulungela bimbini ga Mupela-gambo. Ma tava tano laha ximunwini ni laha wuxikeni. Deut. 11:24; Joh. 4:14; Kuv. 22:1

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Luka 4:18

A Moya wa Hosi wu le hehla ka mina, Hakuva yi nzi totile a kuva nzi kanela a mahungu yo saseka ka lava va vumalako; Yi nzi rumile a kuba hungu hi kutlhatlhiswa ka laʼva bohilweko, Ni kutlheliselwa kuwona ka zikhumu, Ku tlhatlhisa lava va giswako mbhukutsa, Isa. 61:1

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

Kuvululelwa 2:7

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a kuva aga sinya ya wutomi, leyi yi nga kona Paradiseni ga Nungungulu. Gen. 2:9; Mat. 11:15; Xip. 22:2, 14

Kuvululelwa 21:21

A tinyangwa leti ta khume ni timbiri ti wa hi khume ga maperola ni mambiri; a nyangwa yinwe ni yinwani yi hi perola ginwe. A maphango ya muti ma wa hi nzalama yi basileko, yo fanana ni vidro go vangamela.

Kuvululelwa 21:24

A vamatiko va ta famba kuwonekeleni ka wona, ni tihosi ta misava ti neha ka wona a wukosi ga tona. Isa. 60:3, 5, 11

Kuvululelwa 22:1

Zonake yi lo nzi komba a congo wa mati ya wutomi, na ma vangamela khwatsi hi kristali, wu huma xitshanwini xa wuhosi xa Nungungulu ni xa Yivana, Ezek. 47:1; Zak. 14:8

Kuvululelwa 22:14

Va katekile lava va hlazako tinguwo tabye, lezaku va fela kuva ni ntamu wa kuga a sinya ya wutomi, va enghena mutini hi tinyangwa ta wona. Dan. 12:12

Kuvululelwa 22:19

Loku munhu a susa timhaka tinwani bhukwini ga loku kuprofeta, Nungungulu i ta susa xiavelo xakwe sinyeni ya wutomi, ni lomu mutini wo basa, ku tsalilweko ha zona bhukwini legi. Ekso. 32:33; Tis. 69:28; Xip. 3:5; 21:2