Kuvululelwa 21:4 - Tshwa Bible

⁴ I ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa; hakuva a zilo zo sangula zi hunzile. Isa. 25:8; 35:10; 1 Kor. 15:26

Kuvululelwa 21:4 Mawu Ofanana

Tisimu 144:4

Munhu o fana ni mhehwana, A masiku yakwe me khwatsi i nzhuti loʼwu hunzako.

Isaya 25:8

I ta fuvisa kufa kala ku pinzuka; Hosi Nungungulu i ta hlanguta mihloti tinghoheni tontlhe; I ta susa tingana ta vanhu vakwe misaveni yontlhe, Hakuva Jehova i wulile lezo. 1 Kor. 15:26, 54; 2 Tim. 1:10; Kuv. 7:17

Isaya 30:19

Hakuva wena tiko u akileko lomu Zioni ni Jerusalema, u nga ha rili! Loku u kanyuluka i ta ku tsetselela; loku azwa gezu ga wena i ta ku hlamula.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Isaya 60:20

A gambo ga wena cima gi nga ta ha pela, Ni hweti ya wena yi nga ta hafa kambe; Hakuva Jehova i tava kuwonekela ka wena ka pinzukelwa, Ni masiku ya nkosi wa wena ma ta mbhela.

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Jeremia 31:13

Zonake a vanhanyana va ta ti xa lalisa hi kukina, A majaha ni zikhosana va tsaka khatiginwe; Hakuva nzi ta hunzulusa kurila kabye kuva litsako, Nzi ta ya tangalisa nzi va tsakisa kuxanisekeni kabye.

Hosea 13:14

Nzi ta va tirula ntanwini wa Xeoli, nzi va tlhatlhisa kufeni. Kufa, yi kwihi mitungu ya wena ke? Xeole, ku kwihi kulovisa ka wena ke? A nzi na kuhunzuluka kupimeni ka mina.

Mateu 24:35

A tilo ni misava zi ta hunza, kanilezi a timhaka ta mina ti nga ta hunza. Isa. 51:6; Mar. 13:31

1 Va le Korinte 15:26

A nala wo gumesa loyi a ta nga lobyiswa hi kufa. Maheb. 2:14

1 Va le Korinte 7:31

ni lava va tirisako a za misava vaku khwatsi a va zi tirisi nguvu; hakuva a matshamela ya misava leyi ma hunza. Tis. 39:6; Xip. 9:18; Jak. 4:14

2 Va le Korinte 5:17

Hikwalaho loku munhu a hi ka Kristu, ximahwa xiswa; a za kale zi hunzile, zi mahile ziswa. Isa. 43:19; Kuv. 21:5

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Maheberu 12:27

A mhaka leyi yaku: A kanwe kambe, yi kombisa a kususiwa ka zilo lezi zi zi kotako ku tsekatsekiswa, kota lezi zi nga zilo zi mahilweko, kasi ku fela ku sala lezi zi nga zi kotiko ku tsekatsekiswa. Mat. 24:35; Kuv. 21:1

2 Pedro 3:10

Kanilezi a siku ga Hosi gi tata kota khamba; a matilo ma ta hunza ha gona hi guwa ga hombe, ni tinyeleti ti ta nyunguluka hi kuhisa ka hombe, a misava ni mitiro yi nga ka yona yi taswa yi mbhela. Tis. 102:26; Mat. 24:43; Kuv. 20:11

1 Johani 2:17

Kanilezi a tiko ga hunza, ni kunavela ka gona; kanilezi loyi a mahako kuranza ka Nungungulu i ta tshama kala kupinzuka. 1 Kor. 7:31; Jak. 4:14; 1 Ped. 1:24

Kuvululelwa 20:13

A bimbi gi lo humesa a vafileko lava va nga hi ka gona, a lifu ni wutshamu ga vafileko zi lo humesa lava va nga hi ka zona; zonake munwe ni munwani i lo lamulwa hi mitiro yakwe. Xip. 6:8

Kuvululelwa 20:14

A lifu ni wutshamu ga vafileko zi lo hoxwa tiveni ga nzilo: a tiva ga nzilo hi kufa ka wumbiri. 1 Kor. 15:26, 54, 55

Kuvululelwa 21:1

Nzi lo wona a tilo giswa ni misava yiswa; hakuva a tilo go sangula ni misava yo sangula zi wa hunzile, ni bimbi gi wa nga ha hi kona. Isa. 65:17; 2 Ped. 3:13

Kuvululelwa 22:3

A nzhukano yi nga tava kona kambe. A xitshamu xa wuhosi xa Nungungulu ni xa Yivana xi tava kona ka wona; ni malanza yakwe ma ta mu tirela. Ezek. 48:35; Zak. 14:11

Kuvululelwa 7:17

Hakuva a Yivana yi nga laha xikari mahlweni ka xitshamu xa wuhosi yi tava murisi wabye, yi va hletela tihlobyeni ta mati ya wutomi; Nungungulu i ta hlanguta mihloti yontlhe mahlweni yabye. Tis. 23:1; 36:8; Isa. 25:8