Kuvululelwa 21:3 - Tshwa Bible

³ Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16

Kuvululelwa 21:3 Mawu Ofanana

1 Tihosi 8:27

Xana hakunene Nungungulu a nga tshama misaveni ke? Languta, a tilo ga matilo a gi zi koti ku ku kangatela wena; nguvunguvu a yindlu leyi nzi ku akeleko yona! Isa. 66:1; Jer. 23:24; Miti. 7:48

2 Kronekele 6:18

Kona Nungungulu hakunene a nga aka ni vanhu laha misaveni ke? Languta, a tilo, ni tilo ga matilo a ma ku ringani; ku ta kuyini ka yindlwana levi nzi yi akileko ke? Joba 11:7; Isa. 66:1; Miti. 17:24

Eksodusi 25:8

A va nzi mahele a yindlu yo basa, kasi nza fela ku tshama xikari kabye.

Eksodusi 29:45

Nzi ta aka xikari ka vanana va ka Israeli, nziva Nungungulu wabye. Levi 26:11; 2 Kor. 6:16

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Jeremia 32:38

Vona va tava vanhu va mina, na mina nzi tava Nungungulu wabye.

Ezekieli 37:27

Ni wuakelo ga mina gi tava xikari kabye; nzi tava Nungungulu wabye, na vona va tava vanhu va mina. Levi 26:11; 2 Kor. 6:16; Kuv. 21:3

Ezekieli 43:7

I te ngalo ka mina: Nʼwana wa munhu, hi laha ku nga ni xitshamu xa mina xa wuhosi, a wutshamu legi nzi yimileko hi mikonzo ya mina, lomu nzi ta nga tshama xikari ka vanana va ka Israeli kala kupinzuka. A yindlu ya ka Israeli yi nga ta ha nyenyezisa a vito ga mina ga kubasa, vona ni tihosi tabye, hi wubhayi gabye ni zirumbi za tihosi tabye a kufeni ka tona, 2 Tih. 21:18, 26

Ezekieli 48:35

Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Zakaria 8:8

Nzi ta va wuyisa, va ta tshama xikari ka Jerusalema; va tava vanhu va mina, mina nzi maha Nungungulu wabye, hi zinene ni kululama.

Mitsengo 9:16

Ku lo mahisa lezo masiku wontihe; a refu gi wa fenengeta a tabemakeli, ni laha wusikwini ku wa ku khwatsi i nzilo.

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 14:23

Jesu i lo mu hlamula, aku: Loku munhu a nzi ranza, i ta hlayisa timhaka ta mina; Dadani i ta mu ranza, zonake hi tata ka yena, hi tshama zinwe naye. 1 Joh. 2:24; Kuv. 3:20

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

2 Va le Korinte 6:18

Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7

1 Va le Tesalonika 3:11

Makunu ngha Nungungulu a Dadani wa hina, ni Hosi ya hina Jesu Kristu, va hi lulametela a ndlela ya kuta ka nwina.

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20

Maheberu 8:10

Hakuva lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Hosi: Nzi ta veka milayo ya mina kupimeni kabye, Nzi yi tsala timbilwini tabye; Nzi tava Nungungulu wabye, Na vona va tava vanhu va mina. Zak. 8:8; Xip. 10:16

Maheberu 8:2

loyi a khozelako lomu ndlwini yo basa yi nga tabernakeli ga zinene, legi gi yimisilweko hi Hosi, na ku nga hi munhu.

Kuvululelwa 10:4

Laha a ntlhanu wa kudzinza ni kumbiri na ku zwatile a magezu ya kona, mina nzi wa lava ku tsala. Kanilezi nzi lozwa a gezu ga le tilweni giku; Vala hi zifungo a timhaka leti ti kanelweko hi kudzinza ka ntlhanu ni kumbiri, u nga ti tsali. Dan. 8:26; 12:4, 9

Kuvululelwa 10:8

Zonake a gezu legi nzi nga gizwa gi huma le tilweni, gi lo engeta gi wulawula ka mina, giku: Famba, u ya teka a bhuku legi gi vululekileko canjeni ga ngelosi leyi yi yimileko le bimbini ni le misaveni.

Kuvululelwa 12:10

Nzi lozwa a gezu ga hombe le tilweni, giku: Makunu ku chikele a kuhanyiswa, ni ntamu, ni mufumo wa Nungungulu wa hina, ni ntamu wa Kristu wakwe; hakuva a muranisi wa vamakabye va hina i hoxilwe lahasi, loyi a nga va ranisa mumu ni wusiku mahlweni ka Nungungulu wa hina. Joba 1:9; Zak. 3:1; Xip. 11:15

Kuvululelwa 21:7

Loyi a hlulako i taga a tshomba ya lezi zilo; nzi tava Nungungulu wakwe, yena i tava nwananga. Maheb. 8:10

Kuvululelwa 22:3

A nzhukano yi nga tava kona kambe. A xitshamu xa wuhosi xa Nungungulu ni xa Yivana xi tava kona ka wona; ni malanza yakwe ma ta mu tirela. Ezek. 48:35; Zak. 14:11

Kuvululelwa 7:15

Hikwalaho va yimile mahlweni ka xitshamu xa wuhosi xa Nungungulu, va mu tirela mumu ni wusiku tempeleni yakwe. Loyi a tshamileko xitshanwini xa wuhosi i ta tshambuluta tabernakeli gakwe hehla kabye. Isa. 4:5, 6; Xip. 21:3