Kuvululelwa 2:7 - Tshwa Bible

⁷ Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a kuva aga sinya ya wutomi, leyi yi nga kona Paradiseni ga Nungungulu. Gen. 2:9; Mat. 11:15; Xip. 22:2, 14

Kuvululelwa 2:7 Mawu Ofanana

Genesisi 2:9

Jehova Nungungulu i lo milisa laha misaveni tontlhe tisinya ti sasekileko kucuwukekeni, na ti sasekile ku giwa; ni sinya ya wutomi xikari ka simu, ni sinya ya ku tiva kusaseka ni kubiha.

Mavingu 11:30

A mbhanzo ya loyi a lulamileko i sinya ya wutomi; i loyi a tlharihileko wa kanyara mihefemulo.

Mavingu 13:12

A kuhlwela ka lexi xi langutelako ku bayisisa mbilu; anilezi a kutatiseka ka mixuvo i sinya ya wutomi.

Mavingu 15:4

A lirimi li mbheleleko i sinya ya wutomi; anilezi loku li bihile li goha muhefemulo.

Mavingu 3:18

I sinya ya wutomi ka lava va gi kumako, katekile loyi a gi hlayisako.

Ezekieli 28:13

U wa hi le Edeni, a sinwini ga Nungungulu, u fenengetwa hi maribye ya tsengo, ma nga marubisi, ni topaze, ni daimani, niberile, ni onikisi, ni jasperi, ni safira, ni emeraldi, ni karbunkele, ni nzalama. A ntiro wo maha tingoma ni maxava wu wa hi kona ka wena, a siku lego u nga vangiwa ha gona.

Ezekieli 31:8

A tisedare ta simu ga Nungungulu ti wa nga zi koti kuyi sireta, A misululwani yi wa nga ringani ni maravi ya yona, A tisinya ta xiwulane ti wa nga ringani ni maravi ya yona; Ku wa nga hi na sinya sinwini ga Nungungulu yi nga ringana na yona hi wumbhuri.

Mateu 11:15

Loyi a nga ni tindleve ta kuzwa, ngha a ingisa.

Mateu 13:43

Zonake a valulamileko va ta ngangamela kotisa gambo mufunweni wa Raru wabye. Loyi a nga ni tindleve, ngha a ingisa. Dan. 12:3; 1 Kor. 15:42, 43, 58

Mateu 13:9

Loyi a nga ni tindleve, ngha a ingisa.

Marku 4:9

A engeta aku: Loyi a nga hi tindleve ta kuzwa, ngha a ingisa.

Marku 7:15

A ku na nchumu xi tako hi lahandle ka munhu, xi enghenako nzeni kakwe, xi zi kotako ku mu bihisa; kanilezi lezi zi humako ka munhu, hi zona zi mu bihisako.

Marku 7:16

Loyi a nga ni tindleve ta kuzwa, ngha a ingisa.

Luka 23:43

Jesu aku ngalo kakwe: Hizinene nziku ka wena; Inyamutlha u tava na mina Paradiseni.

Luka 8:8

Kanilezi a tinwani ti lo wela misaveni yo saseka, ti kula, ti pswala hi ka 100. Loku a wulile lezo, i lo vitana, aku: Loyi a nga ni tindleve ta kuzwa, ngha a ingisa.

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

1 Va le Korinte 2:10

Hakuva Nungungulu i zi wonekelisile ka hina hi Moya wakwe; hakuva a Moya wu kamba zilo zontlhe, ina ni zilo zi etileko za Nungungulu. Mat. 16:17; 1 Joh. 2:27

2 Va le Korinte 12:4

leyo i lozwa a magezu ma nga wulekiko, lawa ma nga faneliko ku ruliwa hi munhu. Lu. 23:43

1 Johani 2:13

Nza tsala ka nwina, vadadani, hakuva ma mu tiva loyi a nga hi kona hi le kusanguleni. Nza tsala ka nwina, majaha, hakuva mu hlulile loyi wa kubiha. Vanana, nzi mu tsalele, hakuva ma mu tiva Dadani.

Kuvululelwa 13:9

Loyi a nga ni tindleve, ngha a ingisa.

Kuvululelwa 14:13

Nzi lozwa a gezu ga le tilweni, giku: Tsala uku: Va katekile a vafileko lava va felako Hosini ku sukela lezi! A Moya wuku: Ina, va ta humula mitirweni yabye, hakuva a mitiro yabye ya va lanzela. 1 Tes. 4:16; 2 Tes. 1:7; Maheb. 4:9, 10

Kuvululelwa 15:2

Nzi lo wona xo khwatsi i bimbi ga vidro gi patsilweko ni nzilo; nzi wona ni lava va nga hlula xihari ni xifananiso xa xona, ni xihlayo xa vito ga xona, na va yimile mbhirini ya bimbi ga vidro, na va hi ni magubhu ya Nungungulu mandleni yabye. Xip. 13:15-17; 21:18

Kuvululelwa 2:11

Loyi a nga ni tindleve, ngha a ingisa lezi a Moya wu byelako mabandla. Loyi a hlulako a nga ta bayiswa hi kufa ka wumbiri. Xip. 20:14; 21:8

Kuvululelwa 2:17

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a manna ma fihlilweko, nzi mu nyika ni ribye go basa, legi ku tsalilweko ka gona a vito giswa; a ku na munhu a gi tivako, saseka loyi a gi amukelako. Xip. 19:12

Kuvululelwa 21:7

Loyi a hlulako i taga a tshomba ya lezi zilo; nzi tava Nungungulu wakwe, yena i tava nwananga. Maheb. 8:10

Kuvululelwa 22:14

Va katekile lava va hlazako tinguwo tabye, lezaku va fela kuva ni ntamu wa kuga a sinya ya wutomi, va enghena mutini hi tinyangwa ta wona. Dan. 12:12

Kuvululelwa 22:17

A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9

Kuvululelwa 22:2

wu khulunga xikari ka maphango ya muti. Seno ni seno ka congo ku wa hi ni sinya ya wutomi, leyi yi pswalako mihanzu ya khume ni yimbiri, a ku kheta hi tihweti; ni matluka ya sinya ma wa tira ku holisa matiko. Gen. 2:9; Ezek. 47:12; Xip. 2:7