Kuvululelwa 2:2 - Tshwa Bible

² Nza yi tiva mitiro ya wena, ni kupinyama ka wena ni kutimisela ka wena, ni lezaku a ku na kuhonisela hi vanhu va kubiha; u va hlolile lava va ti wulako vaku vapostoli, na va nga hi vona, u kumile lezaku vo hemba. Tis. 1:6; 2 Kor. 11:18; 1 Joh. 4:1

Kuvululelwa 2:2 Mawu Ofanana

Tisimu 1:6

Hakuva Jehova wa tiva a ndlela ya valulamileko, Kanilezi a ndlela ya vakubiha yi ta lova. Mal. 3:18; 2 Tim. 2:19

Mateu 7:23

Zonake nzi taku ka vona: Cima nzi wa nga mu tivi; sukani ka mina, nwina vaonhi: Tis. 5:5; Lu. 13:25, 27; 2 Tim. 2:19

Johani 6:6

Makunu i lo wula lezo kasi ku mu doma; hakuva yena i wa zi tiva lezi a ta nga zi maha.

Va le Galatia 1:7

Kunene ku hava yinwani ivangeli, kanilezi va kona vanhu vanwani lava va mu vilinganyisako, va xuvako ku onha a ivangeli ya Kristu. Miti. 15:1; 2 Kor. 11:4

Va le Efesusi 4:14

lezaku hi nga ha mahi zihlangi, hi ndlengandlengiswa kukotisa mabyandlati ya bimbi hi timheho tontlhe ta tigonzo, kutani hi kukanganyisa ka vanhu, ni wumbyori gabye ga ku khohlisa. Mat. 11:7

1 Va le Tesalonika 1:3

Xontlhe xikhati hi alakanya a ntiro wa nwina wa kukholwa, ni kupinyama ka liranzo, ni kutiya ka nwina kutsumbeni ka Hosi ya hina Jesu Kristu, a mahlweni ka Nungungulu a Dadani wa hina. Joh. 6:29; Gal. 5:6; Xip. 3:6; 2 Tes. 1:11; Maheb. 6:10; Jak. 2:17

1 Va le Tesalonika 5:21

kanilezi hlotani zontlhe, mu khomisisa lezi za zinene. 1 Joh. 4:1

2 Timote 2:19

Kanilezi a xiseketelo xi tiyileko xa Nungungulu xi yimile, na xi hi ni xifungo lexi xaku: A Hosi ya va tiva lava va nga va yona; niku: Ngha munwe ni munwani a kumbukako a vito ga Hosi a suka kungalulameni. Nah. 1:7; Mat. 24:24; Rom. 8:35; 1 Joh. 2:19

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3

1 Johani 4:1

Varanzekako, mu nga kholwi mimoya yontlhe, kanilezi hlotani a mimoya mu tiva loku yi huma ka Nungungulu; hakuva a vaprofeti vanyingi va mawunwa va la suga fenemete laha tikweni. Jer. 29:8; Mat. 24:24; Kuv. 2:2

Kuvululelwa 2:5

Hikwalaho alakanya laha u wileko ha kona, u hunzuluka, u maha mitiro yo sangula; loku u nga mahi lezo nzi tata ka wena, nzi ta susa a meza ya wena ya kandiya a wutshanwini ga yona, loku u nga hunzuluki. Mat. 21:41

Kuvululelwa 2:6

Kanilezi wudzunzo ginwe u nga nago, gaku wa venga a mitiro ya vaNikolatani, leyi nzi yi vengako na minawu.

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9

Kuvululelwa 3:1

Tsalela a ngelosi ya bandla ga le Sardisi, uku: Loyi a nga ni ntlhanu wa mimoya ni mimbiri ya Nungungulu, ni tinyeleti ta ntlhanu ni timbiri, i ngalo: Nza yi tiva mitiro ya wena, lezaku u na ni vito gaku wa hanya, kasi lezo u file. Efe. 2:1, 5

Kuvululelwa 3:15

Nza yi tiva mitiro ya wena, lezaku a ku titimeli, a ku hisi; zi wa ta saseka loku u wa titimela, kutani u hisa.

Kuvululelwa 3:8

Nza yi tiva mitiro ya wena. Nzi vekile a nyangwa yi vululekileko mahlweni ka wena leyi a nga hiko kona a zi kotako ku yi vala. U na ni ntamu wu tsongwani, kanilezi u hlayisile a mhaka ya mina, a ku kanetangi a vito ga mina. 2 Kor. 2:12