Kuvululelwa 2:10 - Tshwa Bible

¹⁰ U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Kuvululelwa 2:10 Mawu Ofanana

Tisimu 31:23

Ranzani Jehova nwina nwentlhe vobasa vakwe. Jehova wa hlayisa lava vo tsumbeka, A tlhelisela loyi a ti kulisako lezi zi mu faneleko.

Mikosi 3:57

U lo tshinela a siku nzi nga ku vitana, Uku ka mina: U nga chavi!

Danieli 1:12

Nza ku kombela, wa nga ringa malanza ya wena a masiku ya khume, va hi nyika kuga matsawu ni kunwa mati.

Danieli 1:14

Zinghaho i lo vumela mhaka yabye, a va ringa khume ga masiku.

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Mateu 10:22

Mu ta vengiwa hi vanhu vontlhe hi kota ya vito ga mina; kanilezi loyi a timiselako kala magumo, hi yena a ta nga hanyiswa. Lu. 21:17; Mar. 13:13

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Mateu 24:13

Kanilezi loyi a timiselako kala kugumesa, yaloye i ta hanyiswa. Mar. 13:13; Maheb. 3:6, 14; Kuv. 2:10

Marku 13:13

Mu ta vengiwa hi vanhu vontlhe hi kota ya vito ga mina; kanilezi loyi a timiselako kala kugumeseni, hi yena a ta nga poniswa. Dan. 12:12; Mat. 24:9; Kuv. 2:10

Marku 8:35

Hakuva loyi a ranzako ku hlayisa a kuhanya kakwe, i ta lahlekelwa ha kona; ni loyi a lahlekelwako hi kuhanya kakwe hi kota ya mina ni ya ivangeli, i ta ku lonzowota. Joh. 12:25

Luka 21:12

Kanilezi na zi nga se ku humelela zontlhe lezi, Va ta mu khoma, va mu xanisa, va mu nyikela masinagogeni ni le mapaxweni, va mu yisa mahlweni ka tihosi ni vafumeli hi kota ya vito ga mina. Mar. 13:9; Kuv. 2:10; Miti. 4:3; 12:4; 1 Ped. 2:13

Johani 12:25

Loyi a ranzako kuhanya kakwe i ta lahlekelwa ha kona; kanilezi loyi a vengako kuhanya kakwe lomu tikweni, i ta ku hlayisela wutomini ga pinzukelwa. Mat. 10:39; Mar. 8:35; Lu. 9:24

Johani 13:2

Kwalaho xilalelweni, Satani i wa sina a vekile mbilwini ya Judasi Iskarioti nʼwana Simoni, aku a mu tokometa. Lu. 22:3

Johani 13:27

Laha na a amukele xikhemu, Satani i lo enghena kakwe. Jesu aku kakwe: Lezi u zi mahako, hatlisa u zi maha. Lu. 22:3; Xip. 6:70

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Mitiro 21:13

Kanilezi Paule i lo hlamula aku: Hikuyini mu rilako mu panza a mbilu ya mina ke? Kasi mina a nzi longelangi ku bohiwa ntsena, kanilezi ni ku fela a vito ga Hosi Jesu le Jerusalema. Xip. 20:24

1 Va le Korinte 9:25

Vontlhe vanhu va palisanako va ti khoma ka zilo zontlhe. Makunu va maha lezo kasi ku kuma a xidlodlo lexi xi bolako, kanilezi hina hi tirela a xidlodlo lexi xi nga boliko. 1 Tim. 6:12; 2 Tim. 1:5; Jak. 1:12

Va le Efesusi 2:2

lezi mu nga famba ha zona kale, kukotisa a mahanyela ya misava leyi, mu lanzela a hosana ya mintamu ya lomu ndengelengeni, wu nga moya lowu wu tirako makunu ka lava va nga ingisiko. Kol. 3:6; 1 Joh. 5:19

Va le Efesusi 6:12

Hakuva a kulwa ka hina a hilwi ni nyama ni nkhata, kanilezi hilwa ni tihosana ta mimoya, ni mintamu, ni tihosi ta munyama lowu, ni mimoya ya kubiha ya le hehla. Joh. 12:31; Rom. 8:38; Kol. 1:13; 2:15

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12

1 Pedro 5:8

Ti khomeni, mu rinzela; hakuva a nala wa nwina Satani wa fambafamba kota nghala leyi yi dzumako, a hlota loyi a ta nga mu khadamula. Joba 1:7; Lu. 21:34

Kuvululelwa 13:14

Xi pengisa lava va akileko misaveni hi masingita lawa xi nyikilweko ntamu ku maha wona mahlweni ka xihari; xi byela a vaaki va misava lezaku va xi mahela a xifananiso a xihari lexi xi nga hi ni phanja ya supado, xi tlhela xi hanya. 2 Tih. 20:7; 2 Tes. 2:9; Xip. 19:20

Kuvululelwa 13:2

A xihari lexi nzi nga xi wona xi wa kotisa yingwe, a milenge ya xona kotisa ya ursu, ni nomu wa xona wu ku khwatsi i nomu wa nghala. Drako i lo xi nyika ntamu wakwe, ni xitshamu xakwe xa wuhosi, ni wuhosi ga hombe. Dan. 7:4-6; Xip. 12:9

Kuvululelwa 13:7

Xi lo nyikiwa ntamu wa kuva zilwa ni vobasa, xi va hlula: xi nyikiwa ni ntamu hehla ka tontlhe tixaka, ni mifumo, ni tirimi, ni matiko. Dan. 7:21

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 2:13

Nza ku tiva laha u tshamako kona, laha xi nga kona a xitshamu xa wuhosi xa Satani. Hambu zi hi tano, u khomisile a vito ga mina, a ku kanetangi a kukholwa ka mina, hambu masikwini ya Antipasi, a kustumunyu wa mina a kholekileko, loyi a nga dawa xikari ka nwina, laha Satani a akileko kona.

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9