Kuvululelwa 17:8 - Tshwa Bible

⁸ A xihari lexi u xi wonileko xi wa hi kona, kanilezi a xa ha hi kona; xi lava ku huma hi lomu nkeleni wa lieswila, xiya kulobyisweni. A vaaki va misava lava a mavito yabye ma nga tsaliwangiko bhukwini ga wutomi kusukela kuvangiweni ka misava, va ta hlamala loku va wona xihari, hakuva xi wa hi kona, zonake a xa ha hi kona, kasi xi ta tlhela xiva kona. Xip. 11:7; 13:8, 10

Kuvululelwa 17:8 Mawu Ofanana

Tisimu 69:28

Ngha va vinyiwa bhukwini ga wutomi, Va nga tsaliwi zinwe ni valulamileko. Ekso. 32:32; Fil. 4:3

Danieli 11:45

I ta gwimba matenda yakwe ya wuhosi xikari ka bimbi ni xitsunga xa kubasa leʼxo saseka nguvu. Kanilezi i taya gumelwa, a nga kona a to mu vunetela.

Danieli 7:11

Nzi wa kari nzicuwukela hi kota ya magezu ya matshanza ma nga wuliwa hi limhonzo; nzi cuwuka kala a xihari xi dawa, a miri wa xona wu lobyiswa hi ku hoxwa nzilweni.

Danieli 7:26

Kanilezi a lamulelo wu tata, i ta tekelwa mufumo wakwe, wu hahlulwa wu lovela magumo.

Danieli 7:3

A mune wa zihari za hombe zi lo huma hi lomu bimbini, na zi nga hi zo fanana.

Danieli 7:7

Anzhako ka lezo nzi lo wona lomu miwonisweni ya wusiku a xihari xa wumune xo tshisa, xingonzomu xa ntamu wa hombe; xi wa hi ni meno ya xiketse. Xi wa khadamula xi phura, xi ganyetela a misalela hi mikonzo ya xona. Xi wa nga fanani ni zontlhe zihari leʼzo ranga; xi wa hi ni khume ga timhonzo.

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Luka 10:20

Ahemba-lokoke, mu nga tsaki hi lezi a mimoya yi mu ingisako; kanilezi tsakani hakuva a mavito ya nwina ma tsalilwe le tilweni. Ekso. 32:32; Tis. 89:28; Dan. 12:1

Luka 8:31

Ma lo mu khongotela lezaku a nga ma layi a kuya nkeleni wa lieswila. Kuv. 20:3

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

Mitiro 15:18

Ku wula Hosi, leyi yi tivekisako lezi zilo hi kale ka matiko.

Va le Efesusi 1:4

kota lezi a nga hi hlawula ka yena na ku nga se ku seketelwa misava, lezaku hi tava va kubasa, hi nga hiko na bawa mahlweni ka yena. Lu. 1:75; 1 Ped. 1:2, 20

Titusi 1:2

hi ku tsumba a wutomi ga pinzukelwa, legi Nungungulu loyi a nga hembiko a nga tsumbisa hi kaleloko ka matiko; 2 Tim. 1:9

1 Pedro 1:20

Yena i wa yimiselwe a ntiro lowu hi mahlweni a misava na yi nga se ku vangiwa, kanilezi i lo wonekeliswa zikhatini zo gumesa hi kota ya nwina. Mat. 22:21; Gal. 4:4

Kuvululelwa 11:7

Zonake loku va hetile wukustumunyu gabye a xihari lexi xi humako nkeleni wa lieswila xi talwa navo, xi va hlula, xi va daya. Dan. 7:21; Xip. 17:8

Kuvululelwa 17:11

A xihari lexi xi nga hi kona, lexi xi nga hiko kona makunu, hi yona a hosi ya wuntlhanu ni tinharu, na yi hi yinwe ya leti ta ntlhanu ni timbiri; xiya kulobyisweni.

Kuvululelwa 17:2

lexi a tihosi ta misava ti nga bhaya naxo, lexi a vaaki va misava va nga popiwa hi vinya ga kubhaya ka xona. Jer. 51:7

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10

Kuvululelwa 20:15

Ni wihi loyi ku nga tsaliwangiko a vito gakwe lomu bhukwini ga wutomi, i lo hoxwa tiveni ga nzilo.

Kuvululelwa 3:10

Kota lezi u hlayisileko a mhaka ya kutimisela ka mina, minawu nzi ta ku hlayisa zikhatini xa kuringwa, lexi xi ta nga chikela tikweni gontlhe, kasi ku ringa lava va akileko misaveni. Isa. 24:17; Lu. 2:1; 2 Ped. 2:9

Kuvululelwa 3:5

Loyi a hlulako i ta ambexwa tinguwo to basa; cima nzi nga ta vinya a vito gakwe bhukwini ga wutomi, nzi ta vumela vito gakwe mahlweni ka Dadani wa mina, ni mahlweni ka tingelosi takwe, Ekso. 32:32; Mat. 10:32; Fil. 4:3