Kuvululelwa 17:4 - Tshwa Bible

⁴ A wasati i wa ambele xiwunguwungu ni to pswhuka, a bombile hi nzalama ni maribye ya tsengo wa hombe ni maperola, na a khomile a gombe ga nzalama canjeni gakwe, legi gi nga wa la su hlafala hi manyala, ni chaka ga wubhayi gakwe. Jer. 51:7; Dan. 11:38; Xip. 18:12, 16

Kuvululelwa 17:4 Mawu Ofanana

1 Tihosi 14:24

Lomu tikweni ga ka Juda ku wa hi kona a vavanuna lava va nga wa hlawulelwe wubhayi. Va lo anzisa wontihe manyala ya matiko lawa Jehova a nga wa ma hlongole mahlweni ka vanana va ka Israeli. Deut. 18:9; 23:17

2 Tihosi 21:2

I lo maha lezi zi bihileko mahlweni ka Jehova, a lanzela a manyala ya matiko lawo Jehova a ma hlongoleko mahlweni ka vanana va ka Israeli.

Ezra 9:11

leyi u nga hi leletela hi malanza ya wena a vaprofeti, uku: A tiko legi mu yako mu ya enghena ka gona mu gi fumela, i tiko gi nyenyezisilweko hi kubiha ka vamatiko, ni manyala lawa va tatileko ha wona wontihe matlhelo ya gona. Levi 18:25; 20:23

Isaya 66:3

Loyi a tlhavako homu i fanana ni loyi a dayako munhu; Loyi a phahlelako hi yivana i fanana ni loyi a sokorotako a mbyana; Loyi a mahako munyikelo wa mapa i fanana ni loyi a nyikelako hi nkhata wa khumba; Loyi a hisako a libani i fanana ni loyi a khozelako xifananiso. Kota lezi va ranzako a tindlela tabye wutsumbu; Ni mihefemulo yabye yi tsakela manyalataniso,

Jeremia 51:7

Babuloni i wa hi gombe ga nzalama canjeni ga Jehova, legi gi nga popisa matiko wontihe. A matiko ma nwile; a vinya gakwe, hikwalaho a matiko ma hungukile.

Mikosi 1:9

A minzhungo ya tinguwo takwe yi wa hi ni chaka, a nga alakanyangi a magumo yakwe; A kuwa kakwe ka rewukisa, a nga na mutangalisi. Jehova, cuwuka a hlokiselelo wa mina, hakuva a nala wa ti kulisa.

Ezekieli 20:30

Hikwalaho wula ka yindlu ya ka Israeli, uku: Hosi Jehova i ngalo: Xana mu ta ti nyenyezisa hi mikhuwo ya vararu va nwina, na mu lanzela a manyalataniso yabye ke, ku wula Hosi Jehova.

Ezekieli 24:11

Zonake yi kungete laha ka makhala ya nzilo na yi hi phanga, kasi ya fela ku hisa, wuswa a suku wa kona, kasi a chaka ga yona gi ta nyeka, kuswa a kutshutshumbala ka yona.

Ezekieli 24:13

Kota lezi a chaka ga wena gi bihileko nguvu, ni kota lezi nzi nga ku hlaza kanilezi a ku basangi, hikwalaho a chaka ga wena gi nga ta hlaziwa kambe kala loku nzi rengisile a zanga ya mina hehla ka wena.

Ezekieli 28:13

U wa hi le Edeni, a sinwini ga Nungungulu, u fenengetwa hi maribye ya tsengo, ma nga marubisi, ni topaze, ni daimani, niberile, ni onikisi, ni jasperi, ni safira, ni emeraldi, ni karbunkele, ni nzalama. A ntiro wo maha tingoma ni maxava wu wa hi kona ka wena, a siku lego u nga vangiwa ha gona.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Danieli 11:38

Kanilezi i ta khozela a nungungulu wa makhokhola; i ta dzunza a nungungulu loyi a nga tibyiwangiko hi vadadani vakwe, hi nzalama ni siliva ni maribye ya tsengo ni zilo za lisima.

Hosea 9:10

Nzi thumbile Israeli khwatsi mauva ya lomu xiwuleni; nzi wonile a vadadani va nwina khwatsi mihanzu yo sangula ya nkuwu wa ha tewulako. Kanilezi vona va lota le Baal-peora, va ti nyikela ka nungungulu wa tingana, vave manyalataniso ku fanana ni loyi va nga mu ranza. Mitse. 25:3; Jer. 3:24

Deuteronome 29:17

nwina mu wonile manyala yabye, ni zifananiso zabye za chaka za tisinya, ni maribye, ni siliva, ni nzalama, lezi zi nga xikari ka vona.

Kuvululelwa 14:8

Ni ngelosi yinwani ya wumbiri, yi lo lanzela, yiku: I wile, i wile, Babuloni loyi wa hombe, loyi a nwisileko matiko wontihe a vinya ga zanga ga kubhaya kakwe. Isa. 21:9; Jer. 51:7; Xip. 19:2

Kuvululelwa 18:12

a zibya za nzalama ni siliva, ni maribye ya ntsengo wa hombe, ni maperola, ni tinguwo ta wukene, ni ziwunguwungu, ni seda, ni leti to pswhuka; ni tisinya tontlhe to nuhela, ni zibya zontlhe zi mahilweko hi timhonzo ta tindlovu ni tisinya ta ntsengo wa hombe, ni za suku ni ziketse ni maribye yo basa;

Kuvululelwa 18:16

vaku: Yowe, yowe, a muti lowu wa hombe, lowu wu nga ambele tinguwo ta wukene, ni ziwunguwungu ni to pswhuka, wu bombisilweko hi nzalama ni maribye ya ntsengo wa hombe ni maperola! Xip. 17:4

Kuvululelwa 19:2

hakuva a kulamula kakwe ku nene ku lulamile; hakuva i lamule a xibhayi leʼxa hombe, lexi xi nga holisa misava hi kubhaya ka xona, i photele a nkhata wa malanza yakwe ka xona. Deut. 32:43; Xip. 15:3

Kuvululelwa 21:21

A tinyangwa leti ta khume ni timbiri ti wa hi khume ga maperola ni mambiri; a nyangwa yinwe ni yinwani yi hi perola ginwe. A maphango ya muti ma wa hi nzalama yi basileko, yo fanana ni vidro go vangamela.

Kuvululelwa 9:21

A va hunzulukangi kudayeni kabye, ni kuloyeni kabye, ni kubhayeni kabye, ni kuyiveni kabye. Xip. 22:15