Kuvululelwa 14:1 - Tshwa Bible

¹ Zonake nzi lo cuwuka nzi wona Yivana na yi yimile xitsungeni xa Zioni, na yi hi ni 144,000 lava va tsalilweko a vito ga yona ni vito ga Dadani wa yona laha zimombyeni zabye. Xip. 7:3, 4; 5:6

Kuvululelwa 14:1 Mawu Ofanana

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Isaya 49:14

Kanilezi Zioni i te ngalo: Jehova i nzi tsikile, A Hosi ya mina yi nzi rivele!

Jeremia 1:11

A mhaka ya Jehova yi lota ka mina, yiku: Jeremia, u wona yini ke? Nzi lo hlamula, nziku: Nzi wona a ravi ga sinya ya almonde.

Ezekieli 1:4

Nzi lo cuwuka nzi wona a mheho ya xipupuri na yita hi Nwalungu, ni refu ga hombe gi nga hi ni nzilo wa hombe wu nga woninga matlhelo wontihe, ku huma hi lomu xikari ka wona a kungangamela ko fanana ni ka suku.

Ezekieli 10:1

Zonake nzi lo wona a pfhukeni lowu wu nga hi hehla ka tihloko ta makerubima, nzi wona a xilo xo khwatsi i ribye ga safira, na gi woneka kota a xitshamu xa wuhosi.

Ezekieli 10:9

Nzi lo wona a mune wa maranzani kusuhani ni makerubima, a ranzani ginwe gi wa hi laha reveni ga kerubima ginwe ni ginwani. A maranzani lawo ma wa hi ya muvala wo fanana ni wa ribye ga krisolite.

Ezekieli 2:9

Laha nzi nga cuwuka, nzi lo wona a woko na gi nawulutilwe ka mina, na gi khomile a bhuku gi songilweko.

Ezekieli 44:4

Zonake i lo nzi yisa mahlweni ka yindlu hi ndlela ya nyangwa ya tlhelo ga Nwalungu, nzi lo wona a kungangamela ka Jehova na ku tatile a yindlu ya Jehova. Nzi lowa hasi nghoheni ya mina.

Ezekieli 8:7

I lo nzi neha laha nyangweni ya hubye; laha nzi nga cuwuka nzi lo wona a mole laha khurisini.

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Danieli 12:5

Laha mina Danieli nzi nga cuwuka nzi lo wona a vambiri vanwani va nga yimile laha Congweni, munwe hi tlhelo ga seno ni munwani hi tlhelo ga seniya.

Joeli 2:32

Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13

Amosi 8:2

Yena aku ka mina: Amosi, xini u xi wonako? Mina nziku: Xirunzu xo tala hi mihanzu yi buvileko. Zonake Jehova aku ka mina: A kugumelwa ka vanhu va mina va Israeli ku chikele. Nzi nga ta ha va tsetselela kambe. Am. 7:8

Mika 4:7

Lava va khwitako nzi ta va maha misalela, ni lava va hlongolilweko kule nzi ta va maha a mufumo wa ntamu. Jehova i ta va fumela le xitsungeni xa Zioni kusukela lezi kala kupinzuka. Dan. 7:14; Lu. 1:33

Zakaria 4:2

Yiku ka mina: Xini u xi wonako? Nzi hlamula nziku: Nzi wona a meza ya tikandiya yo mahiwa hi nzalama basi; le hehla ka yona ku hi ni xibya xo chela kona mafura, na yi hi ni ntlhanu wa tikandiya ni timbiri; ku na ni ntlhanu wa mipuva ni mimbiri yi yako ka tikandiya ti nga hehla ka yona.

Luka 12:8

Nziku ka nwina: Kani hi mani a ta nga nzi vumela mahlweni ka vanhu, na yena Nʼwana wa munhu i ta mu vumela mahlweni ka tingelosi ta Nungungulu. Mat. 10:32; Mar. 8:38; 2 Tim. 2:12; Kuv. 3:5

Va le Roma 9:33

khwatsi hi lezi ku tsalilweko, ku ngalo: Langutani, nza veka a ribye ga xikhunguvanyiso le Zioni, A ribye legi gi ta nga va wisa; Loyi a kholwako ka gona a nga tawa tingana. Tis. 118:22; Isa. 8:14; Mat. 21:42

Kuvululelwa 14:14

Nzi lo cuwuka nzi wona a refu go basa, hehla ka refu ku wa tshamile munwe wo fana ni Nʼwana wa munhu, na hi ni xidlodlo xa nzalama hlokweni yakwe, ni sikela go kariha canjeni gakwe. Dan. 7:13; Xip. 1:13

Kuvululelwa 14:3

Va wa yimbelela lisimu liswa mahlweni ka xitshamu xa wuhosi, ni mahlweni ka mune wa zimahwa zi hanyako ni manghanakana; ku wa nga hi kona munhu a zi kotako ku gonza lisimu lelo, saseka lava va 144,000, lava va xabyilweko misaveni. Xip. 5:9

Kuvululelwa 15:5

Anzhako ka lezo nzi lo wona na ku vululwa a tempeli ya Tabernakeli ga wukustumunyu le tilweni. Mitse. 1:50; Xip. 11:19

Kuvululelwa 22:4

Ma ta wona nghohe yakwe, ni vito gakwe gi ta tsaliwa zimombyeni zabye. Mat. 5:8; 1 Joh. 3:2; Xip. 14:1

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

Kuvululelwa 4:1

Zonake nzi lo wona a nyangwa yi vululekileko le tilweni, a gezu go sangula legi nzi nga gizwa gi lo wulawula na mina, na gi zwala kota mpunzu, giku: Kanziha uta laha, nzi ta ku wonisa lezi zi ta nga maheka anzhako ka lezi. Xip. 11:12; 22:6

Kuvululelwa 6:8

Nzi lo cuwuka nzi wona a haxi go balala; ni loyi a nga gi khilele a vito gakwe i wa hi Kufa, a wutshamu ga vafileko gi lo mu lanzela. Va lo nyikwa ntamu hehla ka xipanze xa wumune xa misava, kasi ku daya hi supado, ni ndlala, ni ntungu, ni zihari za misava! Levi 26:22; Ezek. 14:21; Zak. 6:3