Kuvululelwa 13:7 - Tshwa Bible

⁷ Xi lo nyikiwa ntamu wa kuva zilwa ni vobasa, xi va hlula: xi nyikiwa ni ntamu hehla ka tontlhe tixaka, ni mifumo, ni tirimi, ni matiko. Dan. 7:21

Kuvululelwa 13:7 Mawu Ofanana

Eksodusi 9:16

Kanilezi nzi ku tsikile kasi wena wa fela ku wona mintamu ya mina, ni lezaku a vito ga mina gi fela ku tibyiwa misaveni yontlhe. Rom. 9:17

Isaya 10:15

A xihloka xi nga ti dzunza ka loyi a tsemako ha xona ke? Ni saho gi nga ti kulisa ka loyi a sahako ha gona ke? A ku khwatsi hi loku a nhonga yi wa ta tsekatsekisa a woko ga loyi a yi tlakusako, Ni loku a xigomba xi wa ta tlakusa loyi a nga hiko sinya!

Isaya 37:26

Kasi a ku zi zwangi lezi nzi zi mahileko kaleloko, Nzi zi wulawulile masikwini ya kale? Makunu nza zi maha zi tatiseka, Lezaku a miti ya makhokhola u yi maha marumbi.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Danieli 12:1

Xikhatini lexo ku ta huma Mikaeli, a hosana leʼya hombe yi yimelako a vana va tiko ga wena; ku tava ni zikhati za zikarato lezi zi kalako zi nga se huma kusukela a kusanguleni ka mifumo kala xikhatini lexo. Xikhatini xwalexo a vanhu va wena va ta tlhatlhiswa, vontlhe lava va ta nga kunwa na va tsalilwe bhukwini. Mat. 24:1; Mar. 13:19

Danieli 7:21

Nzi lo wona a limhonzo lelo na hiwa ni vobasa, li va hlula,

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Luka 4:6

aku ngalo kakwe: Nzi ta ku nyika wontihe lowu ntamu, ni kungangamela ka matiko lawa; hakuva zi nyikilwe ka mina; nzi zi nyika ka loyi nzi ranzako ku mu nyika zona.

Johani 19:11

Jesu i lo mu hlamula, aku: Ngha u nga hi na ntamu hehla ka mina, loku u nga nyikiwangi wona hi le hehla; hikwalaho loyi a nzi nyikeleko ka wena i na ni nanzu wa hombe. Lu. 22:53; Xip. 7:30

Kuvululelwa 10:11

Nzi lo byeliwa ku ngalo: U yimelwe hi ku engeta u profeta xungetano ni vanhu vanyingi, ni matiko ni tirimi ni tihosi.

Kuvululelwa 11:18

A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava. Dan. 7:10; Xip. 13:10; 19:5

Kuvululelwa 11:7

Zonake loku va hetile wukustumunyu gabye a xihari lexi xi humako nkeleni wa lieswila xi talwa navo, xi va hlula, xi va daya. Dan. 7:21; Xip. 17:8

Kuvululelwa 12:17

Zonake drako i lo zangarela nguvu a wasati, a suka a yalwa ni lava va nga sele va pswalo wakwe, lava va hlayisako milayo ya Nungungulu, va hi ni wukustumunyu ga Jesu. Gen. 3:15; Xip. 1:2, 9

Kuvululelwa 17:15

Yi lo engeta yiku ka mina! A mati lawa u nga ma wona, laha xi tshamileko kona xibhayi, hi mifumo, ni zidlemo, ni matiko, ni tirimi. Isa. 8:7

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24