Kuvululelwa 13:6 - Tshwa Bible

⁶ Xi lo ahlama nomu wa xona kasi ku wulawula tihlamba ha Nungungulu, ni ku rukatela vito gakwe, ni tabernakeli gakwe, ni lava va tshamako le tilweni. Joh. 1:14; Kol. 2:9

Kuvululelwa 13:6 Mawu Ofanana

Joba 3:1

Anzhako ka lezo Joba i lo vulula nomu wakwe, a rukatela a siku ga kubelekwa kakwe.

Tisimu 73:9

Va tlakukela tilweni hi milomu yabye, A tirimi tabye ti navalata misaveni yontlhe.

Danieli 11:36

A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Danieli 7:8

Na nzi cuwuka timhonzo leto, nzi lo wona linwani la li tsongwani na li huma xikari ka leti tinwani, zonake li kunula a timhonzo tinharu leʼto ranga. A limhonzo leto li wa hi ni mahlo ya munhu, ni nomu wu nga wulawula magezu ya matshanza.

Mateu 12:34

Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. Xip. 3:7; Lu. 6:45

Mateu 15:19

Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Va le Roma 3:13

A nkolo wabye xilahla xi vululekileko; Va khohlisa hi tirimi tabye; A wuxungu ga tinyoka gi lomu nzeni ka milomu yabye. Tis. 5:9; 140:3

Va le Kolosi 1:19

Hakuva zi lo mu xalalisa Nungungulu lezaku a kumbhelela kontlhe ku tshama ka yena; Mat. 28:18; Joh. 1:16; 3:34; Efe. 1:23

Va le Kolosi 2:9

Hakuva a kutala kontlhe ka wuNungungulu ku tshamile ka yena hi miri. Isa. 9:6; Joh. 1:14; Rom. 9:5; Tit. 2:13

Maheberu 9:2

Hakuva ku wa mahilwe a tabernakeli; lomu ka xipetso xo ranga ku wa hi ni meza ya tikandiya, ni meza yi nga hi ni zibaba za xikombiso; a xipetso lexi xi wa tibyiwa ku ngalo, Wutshamu go Basa. Ekso. 25:23, 30, 31; 26:1

Maheberu 9:24

Hakuva Kristu a nga enghenangi Wutshanwini go Basabasa gi mahilweko hi mandla, legi gi nga xifananiso ntsena xa legi ga ginene; kanilezi i lo enghena kona tilweni ha koce, kasi ku hi yimela makunu mahlweni ka Nungungulu. Rom. 8:34; 1 Joh. 2:1

Kuvululelwa 11:12

Va lozwa a gezu ga hombe gita hi le tilweni giku ka vona: Ngonani leno hehla. Va lo tlakukela tilweni hi refu, na va woniwa hi valala vabye. Isa. 14:13; Miti. 1:9

Kuvululelwa 12:12

Hikwalaho, tsakani nwina matilo, na nwina lava mu tshamako ka wona. Kanilezi nwina misava ni bimbi mu na ni khombo, hakuva Satani i relele ka nwina, na a zangarile nguvu, hakuva wa zi tiva lezaku a xikhati lexi xi mu saleleko xi tsongwanyani. Tis. 96:11; Xip. 8:13; 10:6

Kuvululelwa 15:5

Anzhako ka lezo nzi lo wona na ku vululwa a tempeli ya Tabernakeli ga wukustumunyu le tilweni. Mitse. 1:50; Xip. 11:19

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16

Kuvululelwa 4:1

Zonake nzi lo wona a nyangwa yi vululekileko le tilweni, a gezu go sangula legi nzi nga gizwa gi lo wulawula na mina, na gi zwala kota mpunzu, giku: Kanziha uta laha, nzi ta ku wonisa lezi zi ta nga maheka anzhako ka lezi. Xip. 11:12; 22:6

Kuvululelwa 4:4

A xitshamu xa wuhosi xi wa ranzelwe hi 24 wa zitshamu za wuhosi; a hehla ka zona ku wa tshamile a 24 wa manghanakana, na ma ambele a tinguwo to basa, ma hi ni zidlodlo za nzalama tihlokweni ta wona.

Kuvululelwa 5:13

Ni zilo zontlhe zi vangilweko lezi zi nga le tilweni, ni za laha misaveni, ni lezi zi nga lahasi ka misava, ni lezi zi nga bimbini, ni zontlhe zi nga ka zona, nzi lo zizwa ziku: A kubongwa, ni wudumo, ni kukhesiwa, ni kufuma, a zive ka loyi a tshamileko xitshanwini xa wuhosi ni ka Yivana, kala kupinzuka ni kupinzuka. Fil. 2:10; 1 Tim. 6:16; Xip. 7:10

Kuvululelwa 7:15

Hikwalaho va yimile mahlweni ka xitshamu xa wuhosi xa Nungungulu, va mu tirela mumu ni wusiku tempeleni yakwe. Loyi a tshamileko xitshanwini xa wuhosi i ta tshambuluta tabernakeli gakwe hehla kabye. Isa. 4:5, 6; Xip. 21:3

Kuvululelwa 7:9

Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11