Kuvululelwa 13:4 - Tshwa Bible

⁴ Va lo khozela drako, hakuva i wa nyikile xihari a ntamu wa xona; va khozela ni xihari vaku: Himani a fananako ni xihari, himani a zi kotako kulwa naxo ke? Xip. 18:18

Kuvululelwa 13:4 Mawu Ofanana

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Isaya 46:5

Mu ta nzi fananisa na mani, nzi ecana naye? Mu ta nzi ringanisa na mani, lezaku hi fanana ke?

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

Deuteronome 9:2

ni vanhu vo tala vo leha, a vanana va ka Anake lava u va tivako, lava u zwileko wudumo gabye, lezaku: Himani a ta nga tiya mahlweni ka vanana va ka Anake ke?

2 Va le Tesalonika 2:4

loyi a vukelako ni ku ti kulisa hehla ka zontlhe zi vitwako mingungulu, ni zontlhe lezi zi khozelwako; a kala a ya tshama tempeleni ya Nungungulu, a ti wula lezaku i Nungungulu. Isa. 14:13; Ezek. 28:2; Dan. 11:36; 1 Kor. 8:5

Kuvululelwa 12:3

Ku lo woneka manwani masingita le tilweni, ya drako wa hombe wo pswhuka, a nga hi ni ntlhanu wa tihloko ni timbiri, ni khume ga timhonzo, ni ntlhanu wa zidlodlo ni zimbiri tihlokweni takwe. Xip. 13:1; 17:3, 9, 10

Kuvululelwa 12:4

A nkila wakwe wu lo koka a xipanze xa wunharu xa tinyeleti ta tilo, a ti hoxa misaveni. A drako i lo yima mahlweni ka wasati loyi a nga lava ku beleka, kasi a fela ku khadamula nʼwana wakwe na a ha ku hefemula. Ekso. 1:16; Dan. 8:10; Xip. 17:18

Kuvululelwa 13:11

Zonake nzi lo wona xinwani xihari xi huma misaveni; xi hi ni timhonzo timbiri to fanana ni ta yivana, xi lo wulawula khwatsi hi drako.

Kuvululelwa 13:15

Zonake xi lo kuma ntamu wa ku nyika kuhefemula ka xifananiso xa xihari, lezaku a xifananiso xa xihari xi ta zi kota ku wulawula, ni kuva va dawa vontlhe lava va nga kala ku khozela a xifananiso xa xihari.

Kuvululelwa 13:2

A xihari lexi nzi nga xi wona xi wa kotisa yingwe, a milenge ya xona kotisa ya ursu, ni nomu wa xona wu ku khwatsi i nomu wa nghala. Drako i lo xi nyika ntamu wakwe, ni xitshamu xakwe xa wuhosi, ni wuhosi ga hombe. Dan. 7:4-6; Xip. 12:9

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 18:18

vaba huwa hi ku wona a musi wa kuhiswa ka wona, vaku: Hi wihi muti wo fanana ni muti lowu wa hombe ke? Ezek. 27:30; Xip. 13:4

Kuvululelwa 9:20

Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23

1 Samueli 17:24

Vontlhe va ka Israeli, laha va nga wona wanuna loye, va su ncu hi kuchava.