Kuvululelwa 13:2 - Tshwa Bible

² A xihari lexi nzi nga xi wona xi wa kotisa yingwe, a milenge ya xona kotisa ya ursu, ni nomu wa xona wu ku khwatsi i nomu wa nghala. Drako i lo xi nyika ntamu wakwe, ni xitshamu xakwe xa wuhosi, ni wuhosi ga hombe. Dan. 7:4-6; Xip. 12:9

Kuvululelwa 13:2 Mawu Ofanana

2 Tihosi 2:24

I lo hunzuluka a va cuwuka, a va rukatela vitweni ga Jehova. Ku lo huma maurso mambiri hi lomu khwatini ma pfhemula 42 wa vafana xikari kabye,

Tisimu 22:21

Nzi hanyise kanwini wa nghala, Nzi tlhatlhise timhonzweni ta tinyari.

Mavingu 17:12

A ku tlhangana ni pswele ga urso legi gi tekelweko a vana va gona, chukwana ku hunza ku tlhangana ni xipumbu wupumbyini ga xona.

Mavingu 28:15

Khwatsi hi nghala yi dzumako, ni urso legi gi nga ni ndlala, inghaho ni mufumeli wo biha loyi a fumelako zisiwana.

Isaya 5:29

A kudzuma kabye ku fanana ni ka pswele ga nghala, Va dzuma khwatsi tinghalana; Ina, va dzuma loku va khoma a pfimba wabye, va wu yisa kule, Ku hava loyi a nga wu tlhatlhisako.

Jeremia 13:23

Xana a maEtiopia a nga hunzula a hlonge yakwe ke, Hambu a yingwe a mavalavala ya yona ke? Loku zi hi tano na nwinawo mu nga zi kota ku maha zinene, Nwina lava mu toloveleko ku maha kubiha.

Jeremia 5:6

Hi lezo-ke a nghala ya lomu khwatini yi ta va daya, Ni hlolwa ga lomu xiwuleni gi ta va hlakahla, A yingwe yi ta nyanimela a miti yabye; Munwe ni munwani a ta nga huma handle i ta hanzulelwa. Hakuva a zihambunyeto zabye zi tele, Ni zigoho zabye zinyingi. Jer. 4:7; Hos. 13:7

Hosea 11:10

Va ta lanzela Jehova loyi a ta nga dzumadzuma khwatsi i nghala. Hakuva i ta dzuma, a vanana va tata kakwe hi kururumela, na va huma hi Mupela-gambo.

Amosi 3:12

Jehova i ngalo: Khwatsi hilezi a murisi a wutlako nonwini wa nghala a milenge mimbiri ntsena, kutani a xipanze xa ndleve, hizalezo va ta nga ponisiswa zona a vanana va ka Israeli lava va nga le Samaria, va tshamileko magunweni ya zitulu ni hehla ka mibhedi yi vekelweko mafofa ya seda.

Amosi 5:19

Mu ta kota munhu a tsutsumako a nghala, a ya tlhangana ni urso; a enghena lomu ndlwini a ti hiketela khurisini hi canja gakwe, a nyoka yi mu luma.

Habakuka 1:8

A mahaxi yabye ma tsutsuma ku hunza tiyingwe, ma tshisa ku hunza mahlolwa ni wusiku; a vakhileli va wona va famba hi ku ti kulisa. Ina, a vakhileli vabye va mahaxi vata hi le kule, va puruma khwatsi i gama legi gi hatliselako a pfimba wa gona. Jer. 4:13; Zef. 3:3; Mat. 24:28

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

1 Pedro 5:8

Ti khomeni, mu rinzela; hakuva a nala wa nwina Satani wa fambafamba kota nghala leyi yi dzumako, a hlota loyi a ta nga mu khadamula. Joba 1:7; Lu. 21:34

Kuvululelwa 12:13

Laha drako na a wonile lezaku i hoxilwe lahasi misaveni, i lo ya hlongolisa a wasati loyi a nga beleka nisanyana.

Kuvululelwa 12:15

Zonake a nyoka yi lo bukhula mati kanwini ka yona, khwatsi hi congo anzhako ka wasati, lezaku kasi wa kukuletwa ha wona. Isa. 59:9

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

Kuvululelwa 13:12

Xi tira hi ntamu wontihe wa xihari xo sangula mahlweni ka xona. Xi kurumeta misava ni lava va akileko ka yona a ku khozela a xihari xo sangula, lexi a phanja ya xona ya hombe yi nga holiswa.

Kuvululelwa 13:4

Va lo khozela drako, hakuva i wa nyikile xihari a ntamu wa xona; va khozela ni xihari vaku: Himani a fananako ni xihari, himani a zi kotako kulwa naxo ke? Xip. 18:18

Kuvululelwa 16:10

Leʼya wuntlhanu yi lo halata mukhelo wa yona xitshanwini xa wuhosi xa xihari; ni mufumo wa xona wu lo phumiswa, a vanhu va lo lumetela tirimi tabye hi kota ya kubayisa, Xip. 9:2; 13:2

Kuvululelwa 17:12

A khume ga timhonzo leti u nga ti wona hi khume ga tihosi, leti ti kalako ti nga se amukela wuhosi; kanilezi ti ta fuma zinwe ni xihari a xikhati xa hora yinwe. Dan. 7:20

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 2:13

Nza ku tiva laha u tshamako kona, laha xi nga kona a xitshamu xa wuhosi xa Satani. Hambu zi hi tano, u khomisile a vito ga mina, a ku kanetangi a kukholwa ka mina, hambu masikwini ya Antipasi, a kustumunyu wa mina a kholekileko, loyi a nga dawa xikari ka nwina, laha Satani a akileko kona.

Kuvululelwa 20:2

Yi lo khoma drako, a nyoka leyi ya kale, yi nga Muhlevi na Satani, yi mu boha a 1,000 wa malembe. Juda 6; Xip. 12:9