Kuvululelwa 13:16 - Tshwa Bible

¹⁶ Xi lo kurumeta vontlhe a vatsongwani ni vahombe, lava va fumileko ni lava va vumalako, a va tlhatlhekileko ni tikhumbi, lezaku va vekwa xifungo canjeni gabye ga xinene, kutani zimombyeni zabye; Xip. 19:20

Kuvululelwa 13:16 Mawu Ofanana

2 Kronekele 15:13

ni lezaku ni wihi loyi a nga ranziko ku hlota Jehova Nungungulu wa ka Israeli i wa fanelwe ku dawa, a tsongwani ni wahombe, a wanuna kutani wasati.

Joba 34:19

Nungungulu a nga cuwuki xiyimo xa tihosana, A nga khataleli vafumileko ku hunza zisiwana; Hakuva vontlhe va hi ntiro wa mandla yakwe. Deut. 10:17; Miti. 10:34; Kol. 3:25

Tisimu 115:13

Yena i ta katekisa lava va chavako Jehova, Vontlhe vatsongwani ni vahombe.

Tisimu 49:2

Nwina vatsongwani ni vahombe, A vofuma ni lava va vumalako.

Eksodusi 13:9

Lexi xi tava xikombiso a canjeni ga wena, ni xialakanyiso xikari ka mahlo ya wena. A nayo wa Jehova wu tava nonwini wa wena, hakuva Jehova i ku humesile le Gipite hi canja ga ntamu.

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Zakaria 13:6

Loku munwani aku kakwe: Timbanga ta yini a mirini wa wena ke? Zonake yena i taku: Nzi lo bayisiwa lomu ndlwini ya vanghana va mina.

Mitiro 26:22

Kanilezi lezi nzi kumileko a kuvuniwa hi Nungungulu, nza ha yimile kala nyamutlha, nzi kustumunya ka vatsongwani ni ka vahombe, na nzi nga wuli nchumu ahandle ka lezi a vaprofeti na Mosi va ngaku zi ta maheka. Lu. 24:27, 44; Xip. 24:14; Joh. 5:46

1 Va le Korinte 12:13

Hakuva hi ka Moya lowo wa munwe hina hontlhe hi lo bapatizelwa a kuva miri munwe, hambu hi hi vaJuda kutani vaGreki, hambu hi hi tikhumbi kutani vatlhatlhekileko; hina hontlhe hi lo cheliwa Moya munwe. Isa. 44:3-5; Gal. 3:28; Kol. 3:11

Va le Galatia 3:28

A ka hi kona muJuda hambu muGreki, a ka hi kona khumbi hambu a tlhatlhekileko, a ka hi kona wanuna hambu wasati; hakuva nwina nwentlhe mu munwe ka Kristu Jesu. Joh. 10:16; 17:21; Rom. 10:12

Va le Galatia 6:17

Ku sukela lezi ngha ku nga hi kona munhu a nzi karatako, hakuva nzi na ni a zifungo za Jesu zi hisilweko mirini wa mina. Kol. 1:24

Va le Efesusi 6:8

Ma zi tiva lezaku kani hi xihi xilo xi nene lexi a munhu a xi mahako, xwalexo i ta xi amukela hi ka Hosi, kani i khumbi kutani hi loyi a tlhatlhekileko. Rom. 2:6; 2 Kor. 5:10

Deuteronome 11:18

Hikwalaho enghenisani timhaka leti nzi mu byelako tona lomu timbilwini ta nwina ni lomu mihefemulweni ya nwina; mu ti boha lomu mawokweni ya nwina ti maha xialakanyiso xa nwina, ni xikombiso xikari ka zimombo za nwina;

Deuteronome 6:8

U ta yi boha lomu wokweni ga wena, xiva xialakanyiso xa wena, ni xikombiso a xikari ka mahlo ya wena.

Va le Kolosi 3:11

Laho a ku na muGreki ni muJuda, ni xitshiva ni khuna, ni wamatiko ni muSkite, a khumbi ni loyi a tlhatlhekileko; kanilezi Kristu hi yena zontlhe, i kona ka vontlhe. Gal. 3:28

2 Timote 3:8

Kota lezi Janesi na Jambresi va nga vukela Mosi, hizalezo ni vavanuna lava va vukela a zinene; va bihisilwe kupimeni kabye, a va vuni nchumu kukholweni. Ekso. 7:11

Kuvululelwa 11:18

A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava. Dan. 7:10; Xip. 13:10; 19:5

Kuvululelwa 15:2

Nzi lo wona xo khwatsi i bimbi ga vidro gi patsilweko ni nzilo; nzi wona ni lava va nga hlula xihari ni xifananiso xa xona, ni xihlayo xa vito ga xona, na va yimile mbhirini ya bimbi ga vidro, na va hi ni magubhu ya Nungungulu mandleni yabye. Xip. 13:15-17; 21:18

Kuvululelwa 19:18

Mu taga a nyama ya tihosi, ni nyama ya tinduna, ni nyama ya tinhenha, ni nyama ya mahaxi ni ya lava va khileleko ka wona, ni nyama ya vontlhe lava va tlhatlhekileko ni tikhumbi, a vatsongwani ni vahombe.

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 19:5

A gezu gi lo huma xitshanwini xa wuhosi, giku: Khesani Nungungulu wa hina, nwina malanza yakwe nwentlhe, nwina lava mu mu chavako, a vatsongwani ni vahombe. Tis. 134:1; 135:1

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16

Kuvululelwa 6:15

A tihosi ta misava, ni tihosana, ni tinduna ta hombe, ni vanhu va fumileko, ni vanhu va ntamu, ni tikhumbi tontlhe ni lava va tlhatlhekileko, va lo fihlala mikovotlweni ni lomu maribyeni ya zitsunga; Isa. 2:19

Kuvululelwa 7:3

yiku: Mu nga onhi misava, kutani bimbi, hambu ni tisinya, hi kala hi veka zifungo zimombyeni za malanza ya Nungungulu wa hina. Ezek. 9:4; Xip. 6:6; 22:4