Kuvululelwa 12:9 - Tshwa Bible

⁹ Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

Kuvululelwa 12:9 Mawu Ofanana

Genesisi 3:1

A nyoka yi wa hi ni mano ku hunza zihari zontlhe za tiko, lezi Jehova Nungungulu a nga wa zi mahile. Yi ku ngalo ka wasati: Hakunene Nungungulu i wulile lezaku mu ngagi ni sinya yinwe ya simu ke?

Genesisi 3:13

Na Jehova Nungungulu aku ngalo ka wasati: U mahele yini lezi ke? Wasati aku ngalo: Hi nyoka yi nga nzi khohlisa, nziga.

1 Kronekele 21:1

Satani i lo vukela va ka Israeli, a kucetela Davida a ku hlaya va ka Israeli.

2 Kronekele 18:21

Wona wu te ngalo: Nzi ta ya maha moya wa mawunwa milonwini ya vaprofeti vakwe vontlhe. Jehova i te ngalo: Hakunene u ta ya mu khohlisa u mu hlula; yana u ya maha zalezo!

Tisimu 109:6

Nyikela a wa kunghahi ntanwini wa wobiha, Ngha ku yime muranisi reveni gakwe ga xinene. Zak. 3:1

Isaya 14:12

U wisile kuyini hi le tilweni, wena mahlahle wa mixo, U wisisilwe kuyini lahasi, wena loyi u wisileko matiko.

Isaya 27:1

A ka siku lego Jehova i taba hi supado yakwe yo kariha ya hombe ni ya ntamu, A tsayisa Leviatani, a nyoka yi tsutsumako, Leviatani, a nyoka yi ti kokakokako, Zonake a daya drako legi gi nga lomu bimbini. Joba 26:13; Ezek. 29:3

Isaya 65:25

A hlolwa ni yivana zi taga zinwe A nghala yi taga byanyi khwatsi i homu; Ni nyoka yi taga ntshuri. Va nga ta lamata hambu ku lovisa Lomu xitsungeni xontlhe xa mina xi basileko, Ku wula Jehova.

Ezekieli 28:16

Laha u nga kari u maha wukwewu go tala u lo tala hi tihanyi, uwa xionhweni. Hikwalaho nzi ku hlongole xitsungeni xa Nungungulu kota loye a nyenyezileko; nzi ku lovisile lomu xikari ka maribye ma kwezimako, wena kerubima gi ungamelako.

Mateu 13:39

a nala loyi a nga va xwanya hi Satani; a kutshovela hi kugumesa ka tiko; ni vatshoveli hi tingelosi. Joeli 3:13; Kuv. 14:15

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Mateu 4:1

Zonake Jesu i lo yiswa hi Moya xiwuleni, lezaku kasi a ya ringwa hi Satani. Mar. 1:12; Lu. 4:1; Miti. 8:39

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Mateu 4:5

Zonake Satani i lo mu yisa mutini wo basa, a mu yimisa xixungweni xa tempeli,

Mateu 4:8

Zonake Satani i lo mu yisa xitsungeni xo leha nguvu, a mu kangeta yontlhe mifumo ya misava ni wukosi ga yona;

Luka 10:18

Yena aku ngalo kabye: Nzi lo wona Satani na a wile hi le tilweni kota xingwalangwanza. Joh. 12:31; 16:11; Kuv. 9:1

Luka 13:16

Xana loyi wasati, a nga nhwana wa Abrahama, loyi Satani a nga mu bohile a 18 wa malembe, a nga faneli ku tlhatlhiwa xibohweni hi siku ga sabado ke?

Luka 22:3

Kanilezi Satani i lo enghena ka Judasi, loyi a tibyako Iskarioti, loyi a nga hlayiwa ni vakhume ni vambiri, Mat. 26:14; Mar. 14:10; Joh. 13:2, 27

Luka 22:31

Simoni, Simoni, languta, Satani i mu kombele, a kuva a mu kuhlunga nwentlhe kota mavele; Am. 9:9; 1 Ped. 5:8

Luka 8:12

Lava va nga le ndleleni hi vona lava va zwileko; zonake kuta Satani, a ta susa a mhaka mbilwini yabye, kasi va fela ku kala va nga kholwi va hanyiswa.

Johani 12:31

Makunu a tiko ga lamuliwa; a hosana ya legi tiko yi ta hlongolwa makunu. Lu. 10:18; Miti. 26:18; 2 Kor. 4:4

Johani 14:30

Nzi nga ta ha wulawula nguvu na nwina, hakuva a hosana ya tiko yata; kanilezi a yi na nchumu ka mina, Xip. 12:31

Johani 16:11

hi kulamula, hakuva a hosana ya legi tiko yi lamulwe. Xip. 12:31; Miti. 26:18

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Mitiro 5:3

Kanilezi Pedro aku ngalo: Ananiasi, hikuyini Satani a tatisileko a mbilu ya wena, lezaku u hemba wunwa ka Moya wa ku Basa, ni ku khweketa a xipanze xa mali ya simu ke? Mitse. 30:2; Deut. 23:21; Lu. 22:3; Joh. 8:44

Va le Roma 16:18

Hakuva a va kunghahi a va tireli a Hosi ya hina Kristu, kanilezi va tirela a rumbu gabye ntsena; va xengetela lava va nga hiko na nanzu hi timhaka tabye to saseka ni kunanziha. Fil. 3:19; Kol. 2:4; 1 Tim. 6:5

Va le Roma 16:20

Nungungulu wa kurula i ta hatla a lamata Satani lahasi ka mikonzo ya nwina. A tipswalo ta Hosi ya hina Jesu Kristu a tive na nwina.

2 Va le Korinte 11:14

Futsi a zi na kuhlamalisa, hakuva na Satani wa ti hunzula a ku khwatsi i ngelosi ya kuwonekela. Gal. 1:8

2 Va le Korinte 11:3

Kanilezi nza chava lezaku, kota lezi a nyoka yi nga khohlisa Eva hi wumbyori ga yona, lezo a maalakanyo ya nwina ma ta onheka ma susiwa wuneneni legi gi nga ka Kristu. Gen. 3:4; Joh. 8:44; 1 Tim. 1:3; 4:1; Maheb. 13:9; 2 Ped. 3:17

2 Va le Korinte 12:7

Hi kota ya ku kasi nzi nga ti kukumukisi hi kuvululelwa loku ka hombe, nzi lo nyikiwa a muzwa lomu nyameni, a ntsumi wa Satani wa ku nzi tshekulela lezaku nzi nga ti kukumukisi hi ku hunzeleta nzheko. Ezek. 28:24; Gal. 4:13

2 Va le Korinte 2:11

kasi Satani a nga hi hluli; hakuva a hi kohlwi hi mano yakwe. 1 Ped. 5:8

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

Va le Efesusi 4:14

lezaku hi nga ha mahi zihlangi, hi ndlengandlengiswa kukotisa mabyandlati ya bimbi hi timheho tontlhe ta tigonzo, kutani hi kukanganyisa ka vanhu, ni wumbyori gabye ga ku khohlisa. Mat. 11:7

2 Va le Tesalonika 2:3

Mu nga kanganyiswi hi munhu ha nchumu; hakuva a kuranga ku tava kona kutlhelela nzhako, ku wonekeliswa a Munhu wa kuonha, a nga nʼwana wa kulahleka, Dan. 7:23; Joh. 17:12; 1 Tim. 4:1; Kuv. 13:11

1 Timote 2:14

Tlhatakumbiri, a hi Adamu a nga khohliswa, kanilezi hi wasati a nga khohliswa, a hambunyeta nayo.

2 Timote 3:13

Kanilezi a vanhu vo biha ni vakanganyisi va ta nonohisa vaya mahlweni kubiheni, va kanganyisa vanwani, va tlhela va kanganyiswa.

Maheberu 2:14

Kota lezi a vana va hlengeleko a nyama ni nkhata, yenawu kambe i lo hlengela ka zona; kasi hi kufa kakwe a fela ku lovisa loyi a nga ni ntamu wa kufa, a nga yena Satani; Joh. 1:14; Rom. 8:3; Fil. 2:7; Kol. 2:15

1 Pedro 5:8

Ti khomeni, mu rinzela; hakuva a nala wa nwina Satani wa fambafamba kota nghala leyi yi dzumako, a hlota loyi a ta nga mu khadamula. Joba 1:7; Lu. 21:34

1 Johani 5:19

Hina ha zi tiva lezaku hi va ka Nungungulu, ni lezaku a tiko gontlhe gi le ntanwini wa loyi wa kubiha.

Juda 1:9

Kanilezi Mikaeli, a ngelosi ya hombe, laha a nga kanetana na Satani hi xirumbi xa Mosi, i lo chava ku mu lamula hi nzhukano, kanilezi i te ngalo: A Hosi a yi ku kawuke. Dan. 12:1; Zak. 3:2; 2 Ped. 2:11

Kuvululelwa 12:12

Hikwalaho, tsakani nwina matilo, na nwina lava mu tshamako ka wona. Kanilezi nwina misava ni bimbi mu na ni khombo, hakuva Satani i relele ka nwina, na a zangarile nguvu, hakuva wa zi tiva lezaku a xikhati lexi xi mu saleleko xi tsongwanyani. Tis. 96:11; Xip. 8:13; 10:6

Kuvululelwa 12:3

Ku lo woneka manwani masingita le tilweni, ya drako wa hombe wo pswhuka, a nga hi ni ntlhanu wa tihloko ni timbiri, ni khume ga timhonzo, ni ntlhanu wa zidlodlo ni zimbiri tihlokweni takwe. Xip. 13:1; 17:3, 9, 10

Kuvululelwa 12:7

Ku wa hi kona kulwa le tilweni; Mikaeli ni tingelosi takwe va yalwa na drako, na drako alwa na hi ni tingelosi takwe; Dan. 12:1; Xip. 20:2

Kuvululelwa 12:8

kanilezi ti lo hluliwa, a ta ha kumangi wutshamu le tilweni.

Kuvululelwa 13:14

Xi pengisa lava va akileko misaveni hi masingita lawa xi nyikilweko ntamu ku maha wona mahlweni ka xihari; xi byela a vaaki va misava lezaku va xi mahela a xifananiso a xihari lexi xi nga hi ni phanja ya supado, xi tlhela xi hanya. 2 Tih. 20:7; 2 Tes. 2:9; Xip. 19:20

Kuvululelwa 16:14

Hakuva mimoya ya madimoni yi mahako zirewukiso, leyi yi yako tihosini ta misava yontlhe yi ya ti tsombanyisela a kulwa ka siku lego ga hombe ga Nungungulu wa Ntamu-wontlhe. 2 Tes. 2:9; Jak. 3:15; Xip. 17:14

Kuvululelwa 18:2

Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. Isa. 13:19, 21; 14:23; Jer. 50:39

Kuvululelwa 18:23

A kuwonekela ka kandiya cima ku nga ha ta woninga ka Wena; ni magezu ya muteki ni mutekiwa cima ma nga ha ta zwiwa ka wena: hakuva a vamahungani va wena va wa hi tihosi ta misava, hakuva a matiko wontihe ma khohlisilwe hi kuloya ka wena. Isa. 23:8; Jer. 7:34; 25:10

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 2:13

Nza ku tiva laha u tshamako kona, laha xi nga kona a xitshamu xa wuhosi xa Satani. Hambu zi hi tano, u khomisile a vito ga mina, a ku kanetangi a kukholwa ka mina, hambu masikwini ya Antipasi, a kustumunyu wa mina a kholekileko, loyi a nga dawa xikari ka nwina, laha Satani a akileko kona.

Kuvululelwa 2:24

Kanilezi ka vanwani va nwina va nga le Tiatira, nwentlhe lava mu nga vumeliko a gonzo leyi, lava mu nga tiviko a kueta ka Satani, kota lezi va wulako vona, mina nzi ngalo: Nzi nga ta mu rwexa munwani nzhwalo, Miti. 15:28

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11

Kuvululelwa 20:8

1 ta huma a ku ya khohlisa a matiko ya mune wa matlhelo ya misava, Gog na Magog, a va tsombanyisela kulwa; lava a ntsengo wabye wu nge khwatsi i seke ga bimbi. Ezek. 38:2; 34:1; Xip. 16:14

Kuvululelwa 3:9

Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14

Kuvululelwa 9:1

A ngelosi ya wuntlhanu yi loba mpunzu wa yona, zonake nzi lo wona a nyeleti ya le tilweni na yi wile misaveni; yi lo nyikiwa a pfhungulo ya nkele wa lieswila. Lu. 8:31; 10:18; Xip. 8:10; 17:8

Kuvululelwa 9:20

Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23