Kuvululelwa 11:4 - Tshwa Bible

⁴ Lava hi tona tisinya timbiri ta maoliva ni timeza timbiri to veka tikandiya leti ti yimileko mahlweni ka Hosi ya misava. Tis. 52:8; Jer. 11:16

Kuvululelwa 11:4 Mawu Ofanana

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

Tisimu 52:8

Kanilezi mina nzi fanana ni sinya yo nyuka ya oliva lomu ndlwini ya Nungungulu: Nzi tsumba wuxinji ga Nungungulu kala kupinzuka.

Eksodusi 8:22

A siku lego nzi ta hambanyisa a tiko ga Goxeni, legi ku tshamako a vanhu va mina, lomo ku nga tava kona mabhawani, kasi wa fela ku zi tiva lezaku nzi mina Jehova xikari ka misava.

Isaya 54:5

Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. Rom. 3:29

Jeremia 11:16

Jehova i ku chulile vito, gaku: Oliva yi nyukileko ya mihanzu yo saseka. Hi guwa ga hombe ga mududumela i yi hisile hi nzilo, a maravi ya yona ma hapukele.

Mika 4:13

Suka u hula, wena nhanyana wa Zioni, hakuva nzi ta ku mahela timhonzo ta xiketse ni makhanzo ya suku. U ta fayetela a matiko yo tala, u ta basisela Jehova a pfuno wabye, ni nhunzu yabye u basisela a Hosi ya misava yontlhe. Deut. 33:17

Luka 11:33

A ku na munhu a lumekako kandiya, a yi veka wutshanwini ga xihundla, hambu lahasi ka xirunzu, kanilezi yi hayekwa le hehla, kasi lava va enghenako va fela ku wona a kuwonekela. Mat. 5:15; Mar. 4:21; Xip. 8:16

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Va le Roma 11:17

Kanilezi loku manwani maravi ma phatlulwe, na wena loyi u nga oliva wa lomu khwatini, na u tlhomilwe xikari ka wona, u hlengela nawo a mutsu Wa kunona wa sinya ya oliva, Jer. 11:16; Efe. 2:12

Deuteronome 10:8

Ka lexo xikhati Jehova i lo hlawula a nyangwa ya vaLevi kasi va fela ku rwala a nghaxa ya xivumelwano xa Jehova, ni ku yima mahlweni ka Jehova, ni ku mu khozela, ni ku katekisa vanhu hi vito gakwe, kala ka siku ga nyamutlha.

Kuvululelwa 1:20

A fihlakalo wa tinyeleti ta ntlhanu ni timbiri leti u nga ti wona canjeni ga mina ga xinene, ni timeza ta nzalama ta ntlhanu ni timbiri to veka tikandiya hi lowu: A tinyeleti ta ntlhanu ni timbiri hi tingelosi ta ntlhanu wa mabandla ni mambiri, ni timeza leti ta ntlhanu ni timbiri to veka tikandiya hi mabandla lawa ya ntlhanu ni mambiri. Zak. 4:2; Mat. 5:15