Kuvululelwa 11:3 - Tshwa Bible

³ Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

Kuvululelwa 11:3 Mawu Ofanana

Genesisi 37:34

Jakobe i lo hanzula tinguwo takwe, i lo boha tisakwa, a rila nʼwana wakwe masiku yo tala.

2 Samueli 3:31

Davida i te ngalo ka Joabe ni ka vontlhe vanhu lava va nga wa hi zinwe naye: Hanzulani tinguwo ta nwina, mu ambala tinguwo ta xirilo mu hlaluka Abneri. Hosi Davida i lo lanzela lihlaka.

1 Tihosi 21:27

Makunu laha Ahabi a ngazwa timhaka leti, i lo hanzula a tinguwo takwe, a ambala a tinguwo ta tisakwa, a yila. I lo etlela ni tinguwo ta tisakwa, a famba hi kunyanima.

2 Tihosi 19:1

Laha hosi Hezekia a nga wa zi zwile, i lo hanzula a tinguwo takwe, a fenengela a tinguwo ta tisakwa, a enghena lomu ndlwini ya Jehova. Isa. 37:1

1 Kronekele 21:16

Laha Davida a nga tlakusa a mahlo yakwe i lo wona a ngelosi ya Jehova na yi yima laha xikari ka tilo ni misava, na yi welele supado canjeni ga yona yi tlakusela Jerusalema. Zonake Davida ni masingalakati va lowa lahasi hi tinghohe tabye na va ambele a tinguwo ta tisakwa.

Nehemia 9:1

Makunu hi siku ga 24 ga hweti ywaleyi a vanana va ka Israeli va lo tsombana va yila, na va ambele tinguwo ta xirilo, va ti cheletela a tshuri.

Joba 16:15

Nzi rungele nguwo ya sakwa hehla ka hlonge ya mina, Nzi reletile a limhonzo la mina tshurini.

Tisimu 69:11

Nzi lo ambala a nguwo ya xirilo, Zonake nzi lo maha xihlekiso kabye.

Isaya 22:12

A ka siku lego Jehova wa tiyimpi i mu vitanele xirilo ni nkosi, ni ku halula tihloko ta nwina, mu ambala zilenda.

Jeremia 1:10

Nyamutlha nzi ku yimisile hehla ka matiko ni hehla ka mifumo, lezaku u tsuwula, ni ku khungumula, ku hahlula ni ku wisa, ku aka ni ku byala. Jer. 5:14; 2 Kor. 10:4

Mikosi 2:10

A masingalakati ya nhanyana wa Zioni ma tshamile lahasi, ma ti miyelela; Va ti cheletele khuma tihlokweni tabye, va ambele a tinguwo ta xirilo. A vanhwana va Jerusalema vazwa tingana, vo zi lahasi.

Ezekieli 4:6

Zonake loku ma mbhelile masiku lawo, u ta tlhela u etlela hi reve ga wena ga xinene, u ta rwala a kugoha ka yindlu ya ka Juda; ku nga 40 wa masiku, nzi ku ringanisela a kuva a siku ginwe gi hlayiwa kota lembe, ginwe. Mitse. 14:34

Danieli 12:7

Nzi lozwa a munhu loyi a nga ambele a tinguwo ta wukene, a nga yimile hehla ka mati ya congo, laha a nga tlakusa canja gakwe ga xinene ni ga xibhabha, a hlambanya hi loyi a hanyako kala kupinzuka, aku: Ku tava a xikhati ni zikhati ni khihlanya ga xikhati, ni loku va mhhetile ku tshova a ntamu wa tiko ga kubasa, zonake ku tava magumo ya zontlhe lezi zilo. Deut. 32:40; Kuv. 10:5; 12:14

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Danieli 8:14

Aku ka mina: Ma tava 2,300 wa masiku, loku ku hlayiwa a mixo ni gambo, zonake a wutshamu ga kubasa gi ta basiswa.

Joeli 1:13

Nwina vapristi, ambalani a tinguwo ta tisakwa, mu rila; banani huwa nwina zitiri za alati; nwina malanza ya Nungungulu wa mina, etlelani gontlhe wusiku na mu ambele a tinguwo ta tisakwa, hakuva a minyikelo ya tinzhoho ni ya kunwa a za ha yiswi koha ndlwini ya Nungungulu wa nwina.

Jona 3:5

A vaaki va le Niniva va lo kholwa ka Nungungulu, va yimisa a siku go yila ha gona, va ambala tinguwo ta xirilo, lava va hombe ni vatsongwani.

Jona 3:8

Kanilezi ngha zi ambala a tinguwo ta Xirilo, a vanhu ni zihari, zi rila hi ntamu ka Nungungulu. Ina, munwe ni munwani ngha a suka ndleleni yakwe yo biha, va tsika a mitiro ya tihanyi yi mahiwako hi mandla yabye.

Mitsengo 11:26

Makunu ku wa sele vavanuna vambiri le wugovelweni, a vito ga munwe i wa hi Eldade, ni vito ga munwani i wa hi Medade; a moya wu lowa hehla kabye, na va hi lava va tsalelweko, a va yangi le Tendeni; va lo profeta lomu wugovelweni.

Mateu 11:21

Khombo a give ka wena Korazini! Khombo a give ka wena Betsaida! Hakuva a zirewukiso lezi zi mahilweko ka wena, loku zi wa mahilwe le Tire ni Sidoni, ngha va hunzulukile a kale na va ambele tisakwa va tola khuma. Jona 3:7, 8

Mateu 18:16

Kanilezi loku a nga ku ingisi, famba ni munwani kutani va hi vambiri, kasi magezu wontihe ma fela ku tiyiswa hi vakustumunyu vambiri kutani vanharu. Deut. 17:6; Joh. 8:17; Maheb. 10:28

Luka 10:13

I khombo ka wena Korazini! I khombo ka wena Betsaida! Hakuva loku yi wa mahilwe ka Tire ni Sidoni a mitiro ya ntamu leyi yi mahilweko ka nwina, ngha na va hunzulukile kale, va tshama ngubyeni ya tisakwa ni khuma,

Luka 24:48

Nwina mu vakustumunyu va timhaka leti. Miti. 1:8, 22

Johani 15:27

Na nwina mu ta kustumunya, hakuva mu wa hi na mina hi kusanguleni. Miti. 1:8, 21; 10:39; 1 Joh. 1:1

Johani 3:27

Johani i lo hlamula, aku: A munhu a nga na ku amukela nchumu, loku a nga nyikiwi zona hi le tilweni. 1 Kor. 4:6; Maheb. 5:4; Jak. 1:17

Mitiro 1:8

Kanilezi mu ta nyikiwa a ntamu, loku wu tile hehla ka nwina a Moya wa ku Basa; zonake mu ta maha vakustumunyu va mina laha Jerusalema, ni le Judia gontlhe, ni le Samaria, ku kala le magemeta-musi ya misava.

Mitiro 13:31

a woniwa masiku yo tala hi lava va ngata zinwe naye hi le Galilea kuya Jerusalema, lava makunu va nga vakustumunyu vakwe xikari ka vanhu. 1 Kor. 15:5

Mitiro 2:32

Jesu loyi, Nungungulu i lo mu vuxa, hina hontlhe hi vakustumunyu va lezo. Xip. 1:8

Mitiro 3:15

mu daya a Hosi ya wutomi; kanilezi Nungungulu i mu vuxile hi ka vafileko; hina hi vakustumunyu va lezo.

1 Va le Korinte 12:28

Nungungulu i yimisile vanhu lomu bandleni, kuranga a ku maha vapostoli, ku gamela vaprofeti, a ka wunharu vagonzisi; zonake a vanwani vatiri va zihlamaliso, ni vanwani va nga ni zinyikiwo za ku hanyisa vababyi, ni va ku hlayisa zisiwana, ni vaangameli, ni lava va wulawulako tirimi ti tsalangeneko. Mitse. 11:17; Miti. 13:1; Efe. 4:11; 2:20

2 Va le Korinte 13:1

Lexi hi xikhati xa wunharu na nzita ka nwina. Timhaka tontlhe ti ta tiyiswa hi milomu ya vakustumunyu vambiri kutani vanharu. Mitse. 35:30; Deut. 17:6; Xip. 12:14

Va le Efesusi 4:11

I lo nyika vanwani a kuva vapostoli, ni vanwani a kuva vaprofeti, ni vanwani a kuva vavangeli, ni vanwani a kuva varisi ni vagonzisi, 1 Kor. 12:28; Xip. 2:20

Deuteronome 17:6

Yena i ta dawa hi wukustumunyu ga milomu ya vakustumunyu vambiri kutani vanharu, cima a nga na ku dawa hi nomu wa kustumunyu munwe, Mat. 18:16; Joh. 8:17; Maheb. 10:28

Deuteronome 19:15

A munhu munwe a nga ringani ku maha kustumunyu wa kuonha ka munhu, hambu loku a lo maha xionho xa lihi lixaka; a timhaka ti ta tiyiswa hi vakustumunyu vambiri kutani vanharu. Mat. 18:16; 2 Kor. 13:1; Maheb. 10:28

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Kuvululelwa 11:2

Kanilezi a hubye leyi yi nga lahandle ka tempeli, yi tsike, u nga yi pimi; hakuva yi nyikelwe a vamatiko; va ta kanzihela a muti wo basa a mune wa makume ya tihweti ni timbiri. Tis. 79:1; Ezek. 40:17; Lu. 21:24

Kuvululelwa 11:6

Vona va na ni ntamu wo vala tilo, lezaku a vula yi ngani masikwini lawo va profetako ha wona; va na ni ntamu a ku hunzula mati ma maha nkhata; ni wa kuba misava hi zixaniso zi tsalangeneko, kota lezi va zi ranzako. Ekso. 7:19; Jak. 5:17

Kuvululelwa 12:6

Ni wasati i lo chavela xiwuleni, laha ku nga ni wutshamu legi a longiselweko gona hi Nungungulu, lezaku a wundliwa kona a 1,260 wa masiku.

Kuvululelwa 13:5

Xi lo nyikiwa a nomu wa ku wulawula a timhaka ta hombe ni tihlamba; xi nyikiwa ni ntamu wa ku tira a 42 wa tihweti. Dan. 11:36

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16