Kuvululelwa 11:2 - Tshwa Bible

² Kanilezi a hubye leyi yi nga lahandle ka tempeli, yi tsike, u nga yi pimi; hakuva yi nyikelwe a vamatiko; va ta kanzihela a muti wo basa a mune wa makume ya tihweti ni timbiri. Tis. 79:1; Ezek. 40:17; Lu. 21:24

Kuvululelwa 11:2 Mawu Ofanana

Tisimu 79:1

Nungungulu, a vamatiko va enghenile tshombeni ya wena, Va hanahanisile a tempeli ya wena ya kubasa, Jerusalema va gi mahile marumbi.

Isaya 48:2

Hakuva va ti vitana hi vito ga muti wu basileko, Va ti seketela hi Nungungulu wa ka Israeli, Loyi a vito gakwe a nga Jehova wa tiyimpi.

Isaya 5:5

Nzi ta mu byela lezi nzi ta nga maha ka xivina xa mina: Nzi ta susa libhingo la xona li hiswa, Nzi ta khungumula a tigingisi la xona, ti kanzihelelwa.

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Mikosi 1:10

A nala i wutlile a makatekwa yakwe wontlhe, I wonile vamatiko na va, enghena wutshanwini gakwe ga kubasa. Lava u va aleleko a ku enghena hlengeletanweni wa wena. Deut. 23:3; Neh. 13:1; Ezek. 44:9

Ezekieli 4:6

Zonake loku ma mbhelile masiku lawo, u ta tlhela u etlela hi reve ga wena ga xinene, u ta rwala a kugoha ka yindlu ya ka Juda; ku nga 40 wa masiku, nzi ku ringanisela a kuva a siku ginwe gi hlayiwa kota lembe, ginwe. Mitse. 14:34

Ezekieli 42:20

I lo pima a wutshamu hi mune wa matlhelo. Gi wa renzelekelwe hi khurisi, a kuleha ka gona ku wa hi 500 wa mikono ni kuanama ku wa hi 500 wa mikono. Gi wa hambanyisa xikari ka lexi xi basileko ni lexi xa nyalidede.

Danieli 12:7

Nzi lozwa a munhu loyi a nga ambele a tinguwo ta wukene, a nga yimile hehla ka mati ya congo, laha a nga tlakusa canja gakwe ga xinene ni ga xibhabha, a hlambanya hi loyi a hanyako kala kupinzuka, aku: Ku tava a xikhati ni zikhati ni khihlanya ga xikhati, ni loku va mhhetile ku tshova a ntamu wa tiko ga kubasa, zonake ku tava magumo ya zontlhe lezi zilo. Deut. 32:40; Kuv. 10:5; 12:14

Danieli 7:19

Zonake nza nga navela ku tiva lisine la xihari xa wumune xi nga wa hambene ni zontlhe zinwani, xo tshisa nguvu, xa meno ya xiketse ni zikamba za suku, lexi xi nga khadamula xi phura, xi ganyetela misalela hi mikonzo ya xona.

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Danieli 8:10

Li lo kula kala li ya chikela yimpini ya le tilweni; zonake yi lo wisa lahasi a tinyeleti tinwani ta le hehla yi ti kanzihelele.

Danieli 8:13

Zonake nzi lozwa a ngelosi na yi wulawula, ni yinwani ngelosi yi lo wutisa leyi yi nga kari yi wulawula, yiku: Zi ta simama masiku mangani lezi hi zi wonako muwonisweni hi tlhelo ga munyikelo wa kuhiswa wa simasima ni xihambunyeto lexi xi hahlulako, ni lezaku a wutshamu ga kubasa ni butho zi nyikelwa ku kanzihelelwa hi mikonzo?

Danieli 8:14

Aku ka mina: Ma tava 2,300 wa masiku, loku ku hlayiwa a mixo ni gambo, zonake a wutshamu ga kubasa gi ta basiswa.

Mitsengo 14:34

Kota lezi mu mbhetileko 40 wa masiku hi ku hlola a tiko, mu ta rwala milanzu ya nwina 40 wa malembe, a lembe ginwe i siku; kasi mu fela ku zi tiva ku ngalo kuhambana ka mina ko yiniyini!

Mateu 27:53

Va lo huma zilahleni anzhako ka kuvuka ka Jesu, va enghena mutini wo basa, va woneka ka vanyingi.

Mateu 4:5

Zonake Satani i lo mu yisa mutini wo basa, a mu yimisa xixungweni xa tempeli,

Mateu 5:13

Nwina mu munyu wa misava; kanilezi loku munyu wu pswhama, wu ta lungwa hi yini? A wa ha vuni nchumu ntsena ku hoxiwa lahandle wu kanzihelwa hi vanhu. Mar. 9:50; Lu. 14:34, 35

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

Kuvululelwa 11:11

Loku ku hunzile masiku manharu ni khihlanya a moya wa wutomi wu tako hi ka Nungungulu wu lo enghena ka vona, va yima hi milenge yabye; ni lava va nga va wona va lo telwa hi kuchava ka hombe. Ezek. 37:5, 9, 10, 14

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

Kuvululelwa 12:6

Ni wasati i lo chavela xiwuleni, laha ku nga ni wutshamu legi a longiselweko gona hi Nungungulu, lezaku a wundliwa kona a 1,260 wa masiku.

Kuvululelwa 21:10

Yi lo nzi yisa hi moya xitsungeni xa hombe xo leha, yi nzi kombeta Jerusalema a muti lowu wo basa, na wu relela hi le tilweni ka Nungungulu, Ezek. 43:5; Xip. 1:10; 17:3

Kuvululelwa 21:2

Nzi lo wona muti wo basa, a Jerusalema giswa, na gi relela hi le tilweni ka Nungungulu, na gi longisilwe kota muswika a bombiselweko nuna wakwe. Isa. 52:1; 2 Kor. 11:2; Maheb. 12:22

Kuvululelwa 22:19

Loku munhu a susa timhaka tinwani bhukwini ga loku kuprofeta, Nungungulu i ta susa xiavelo xakwe sinyeni ya wutomi, ni lomu mutini wo basa, ku tsalilweko ha zona bhukwini legi. Ekso. 32:33; Tis. 69:28; Xip. 3:5; 21:2