Kuvululelwa 11:10 - Tshwa Bible

¹⁰ Ni lava va akileko misaveni va tava ni migiyo ha vona, va tsaka, va rumelana zinyikiwo; hilezi a vaprofeti lava vambiri va lo karata lava va akileko misaveni. Estere 9:19

Kuvululelwa 11:10 Mawu Ofanana

1 Tihosi 18:17

Laha Ahabi a nga wonile Elija, i te ngalo kakwe: Xana a hi wena muxanisi wa va ka Israeli ke?

1 Tihosi 21:20

Ahabi i te ngalo ka Elija: Xana u nzi kumile wena nala wa mina ke? Elija aku: Hi zona, nzi ku kumile, hakuva wena u ti xavisile hi ku maha lezi zi bihileko mahlweni ka Jehova!

1 Tihosi 22:18

A hosi ya ka Israeli yi te ngalo ka Jehoxafate: A nzi ku byelangi ke? A nzi wulangi lezaku a ziprofeto zakwe a zi wuli kusasa ha mina, ntsena kubiha ke?

1 Tihosi 22:8

A hosi ya ka Israeli yi te ngalo ka Jehoxafate: I kona munwe loyi hina hi faneleko ku wutisa ha yena ka Jehova, a nga Mikaia a nʼwana Imla; kanilezi nza mu venga, hakuva a ziprofeto zakwe a zi wulawuli kusasa ha mina, ntsena kubiha. Jehoxafate i te ngalo: Ngha a hosi yi nga wuli lezo.

Tisimu 13:4

Kasi a nala wa mina a nga wuli, aku: Nzi mu hlulile; Ni valala va mina va nga tsaki loku nzi tsekatsekiswa.

Tisimu 35:19

Va nga tsaki ha mina lava va nga valala va mina handle ka xigelo, Hambu ku tsunyeta hi mahlo lava va nzi vengako handle ka nanzu. Joh. 15:25

Tisimu 89:42

U tlakusile a canja ga xinene ga valala vakwe, U tsakisile a valala vakwe vontlhe.

Mavingu 24:17

U nga giyi laha a nala wa wena a wako; gha a mbilu ya wena yi nga tsaki laha yena na a hlulilwe:

Jeremia 38:4

Zonake a vahombe va lo byela hosi, vaku: A munhu loyi a dayiwe, hakuva wa rera a mawoko ya tinhenha leti ti seleko mutini lowu, ni mawoko ya tiko gontlhe, hi ku va byela a timhaka ta kunghahi; a munhu loyi a nga xuveli a tiko wunene, kanilezi wa gi xuvela makhombo. Am. 7:10

Jeremia 50:11

Ina, hambu loku mu tsaka mu bhuma makunu, nwina vaonhi va tshomba ya mina, hambu loku mu khana ku fana ni role gi kanzihelako tirigo, mu yimba kukotisa a mahaxi ya ntamu,

Obadia 1:12

Kanilezi wena u nga cuwuki a siku ga nakuloni, gi nga siku ga khombo gakwe, u nga tsakeli a siku ga kulobyiswa ka vanana va ka Juda, kambe u nga wulawuli hi ku ti kukumukisa a sikwini ga kuxaniseka.

Mika 7:8

Nala wanga, u nga tsakeli a khombo ga mina! Hambu loku nziwa, nzi ta tlhela nzi vuka; loku nzi tshamile munyameni, Jehova i tava kuwonekela ka mina.

Mateu 10:22

Mu ta vengiwa hi vanhu vontlhe hi kota ya vito ga mina; kanilezi loyi a timiselako kala magumo, hi yena a ta nga hanyiswa. Lu. 21:17; Mar. 13:13

Johani 16:20

Hizinene nziku ka nwina: Mu ta rila, mu maha hlomulo, kanilezi a tiko gi ta tsaka; mu tava ni kuxaniseka, kanilezi a kuxaniseka ka nwina ku ta hunzuluswa ku maha kutsaka.

Johani 7:7

A tiko a gi zi koti ku mu venga; kanilezi mina ga nzi venga, hakuva nza kustumunya ha gona, lezaku a mitiro ya gona yi bihile. Xip. 3:19; 15:19

Mitiro 5:33

Kanilezi vona laha na va zi zwile, va lo zangara, va kanakanela ku va daya.

1 Va le Korinte 13:6

A li tsaki hi lezi zi nga lulamangiko, kanilezi li tsakelana ni zinene. Tis. 10:3; Rom. 1:32; 2 Joh. 4

Kuvululelwa 12:13

Laha drako na a wonile lezaku i hoxilwe lahasi misaveni, i lo ya hlongolisa a wasati loyi a nga beleka nisanyana.

Kuvululelwa 13:14

Xi pengisa lava va akileko misaveni hi masingita lawa xi nyikilweko ntamu ku maha wona mahlweni ka xihari; xi byela a vaaki va misava lezaku va xi mahela a xifananiso a xihari lexi xi nga hi ni phanja ya supado, xi tlhela xi hanya. 2 Tih. 20:7; 2 Tes. 2:9; Xip. 19:20

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8

Kuvululelwa 16:10

Leʼya wuntlhanu yi lo halata mukhelo wa yona xitshanwini xa wuhosi xa xihari; ni mufumo wa xona wu lo phumiswa, a vanhu va lo lumetela tirimi tabye hi kota ya kubayisa, Xip. 9:2; 13:2

Kuvululelwa 3:10

Kota lezi u hlayisileko a mhaka ya kutimisela ka mina, minawu nzi ta ku hlayisa zikhatini xa kuringwa, lexi xi ta nga chikela tikweni gontlhe, kasi ku ringa lava va akileko misaveni. Isa. 24:17; Lu. 2:1; 2 Ped. 2:9