Kuvululelwa 10:3 - Tshwa Bible

³ Yi lo kanyuluka hi gezu ga hombe, ku khwatsi hi kudzuma ka nghala; laha na yi kanyulukile, ku lo zwakala a magezu ya ntlhanu wa kudzinza ni kumbiri.

Kuvululelwa 10:3 Mawu Ofanana

Tisimu 29:3

A gezu ga Jehova gi dzuma hehla ka mati, A Nungungulu wa kungangamela wa dzinza; Jehova i le hehla ka mamati ya hombe.

Mavingu 19:12

A zanga ya hosi yi khwatsi i nghonyamo yi dzumadzumako; anilezi a liranzo lakwe li fanana ni nzhokati yi welako byanyini,

Isaya 31:4

Hakuva Jehova i wulile ka mina, aku: Khwatsi hi nghala kutani xinghalana xi dzumako pfimbeni wa xona, Xi nga chaviko a guwa ga varisi vo tala laʼva vitanilweko, Xi nga tsutsumiko xi chava a wunyingi gabye; Hizalezo Jehova wa tiyimpi i ta relela a talwa a xitsungeni xa Zioni ni mugangeni wa kona.

Isaya 42:13

Jehova wa huma kota nhenha, Wa ti vuxa khwatsi hi munhu a yako yimpini; I kanyuluka, aba huwa, A kombisa ntamu wakwe ka valala vakwe.

Isaya 5:29

A kudzuma kabye ku fanana ni ka pswele ga nghala, Va dzuma khwatsi tinghalana; Ina, va dzuma loku va khoma a pfimba wabye, va wu yisa kule, Ku hava loyi a nga wu tlhatlhisako.

Jeremia 25:30

Hikwalaho u ta profeta kabye leti timhaka, uku: Jehova wa dzuma-dzuma hi le hehla, A zwata gezu gakwe hi lomu ndlwini yakwe yo basa; Wa dzumela wuriselo gakwe hi kuchavisileko, Waba huwa kukotisa vakhuwuti va mauva, Na vukela vaaki vontlhe va misava. Joeli 3:16; Am. 1:2

Ezekieli 10:5

A guwa ga tipapa ta makerubima gi lo zwala ni lomu hubyeni ya le handle, giku khwatsi i gezu ga Nungungulu ga Nyamintamu loku a wulawula.

Hosea 11:10

Va ta lanzela Jehova loyi a ta nga dzumadzuma khwatsi i nghala. Hakuva i ta dzuma, a vanana va tata kakwe hi kururumela, na va huma hi Mupela-gambo.

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Amosi 1:2

Aku: Jehova i ta dzuma hi le Zioni, a zwata a gezu gakwe hi le Jerusalema; a wuriselo ga varisi gi ta rila, ni xixungwe xa Karmeli xi ta wuna. Jer. 25:30; Hos. 11:10; Joeli 3:18

Amosi 3:8

Loku a nghala ya dzumadzuma, himani a to kala a nga chavi? Loku Hosi Jehova a wulawula, himani a to kala a nga profeti?

Kuvululelwa 14:2

Nzi lozwa a gezu ga le tilweni kotisa mati manyingi, ni kotisa guwa ga kudzinza ka hombe; ni gezu legi nzi nga gizwa gi wo khwatsi i gezu ga magubhu loku ma biwa: hi venyi va wona.

Kuvululelwa 15:1

Nzi lo wona manwani masingita le tilweni lawa ya hombe ma hlamalisako, ya ntlhanu wa tingelosi ni timbiri ti nga ni ntlhanu wa zixaniso ni zimbiri zo gumesa, hakuva ku tatiseka ha zona a zanga ya Nungungulu.

Kuvululelwa 15:7

Xinwe xa mune wa zimahwa zi hanyako xi lo nyika ntlhanu wa mikhelo ni yimbiri ya nzalama ka tingelosi leti ta ntlhanu ni timbiri, na yi tele hi zanga ya Nungungulu, loyi a hanyako kala kupinzuka ni kupinzuka.

Kuvululelwa 4:5

Laha xitshanwini xa wuhosi ku lo huma kuhatima ni magezu ni kudzinza. Ku wa hi ni ntlhanu wa minwenge ni mimbiri yi nga vura mahlweni ka xitshamu xa wuhosi, leyi yi nga mimoya ya ntlhanu ni mimbiri ya Nungungulu Ekso. 37:23; Ezek. 1:13; Zak. 4:2

Kuvululelwa 8:5

Zonake a ngelosi yi lo teka a xibya, yi xi tatisa hi nzilo wa laha alatini, yi xi hoxa misaveni; laho ku wa hi kona a kudzinza, ni kuvuma, ni zingwalangwanza, ni kutsekatseka ka misava. 2 Sam. 22:8; 1 Tih. 19:11; Miti. 4:31