Kuvululelwa 10:1 - Tshwa Bible

¹ Nzi lo wona yinwani ngelosi ya ntamu na yi relela hi le tilweni, yi ambele refu, ni wura ga nyazimu gi hi hehla ka hloko ya yona; a nghohe ya yona yi kotisa gambo, ni mikonzo ya yona yiku khwatsi timhanze ta nzilo. Ezek. 1:28; Mat. 17:2; Xip. 1:15

Kuvululelwa 10:1 Mawu Ofanana

Tisimu 104:3

U aka a tiyindlu ta wena matini ya le hehla, U maha kareta ya wena hi marefu; U famba tipapeni ta mheho.

Tisimu 97:2

A marefu ni munyama zi mu ranzele, A kululama ni kulamula ziseketelo za xitshamu xakwe xa wuhosi. Ekso. 19:16

Eksodusi 16:10

Laha Aroni a nga kari a wulawula ni hlengeletano ya vanana va ka Israeli, va lo cuwuka tlhelweni ga xiwula, languta, a kuhatima ka Jehova ku lo woneka le refini;

Xizimba xa ka Solomoni 5:15

A milenge yakwe yi khwatsi timhanze ta maribye yo basa, Ti zimekilweko xikhatweni xa nzalama yo basa. A xiwumbeko xakwe i fanana ni Lebanoni, i sasekile ku fanana ni misedari.

Isaya 19:1

Langutani, Jehova i khilele hehla ka refu go hatlisa, A kongoma Gipite. A zifananiso za le Gipite zi ta rurumela mahlweni kakwe, Ni timbilu ta maGipite ti ta panzeka nzeni kabye.

Isaya 54:9

Kota lezi nzi nga maha masikwini ya Noa, Hakuva kota lezi nzi nga hlambanya Lezaku a ntalo wa Noa wu nga ta ha tlhelela misaveni; Hizalezo nza hlambanya makunu lezaku cima nzi nga ta ku zangarela kambe, Ge hambu ku ku kawuka.

Mikosi 3:44

U ti khubhunyetile hi refu, Kasi a mukombelo wu nga chikeli ka wena.

Ezekieli 1:28

A kuvangamela matlhelweni wontihe ku wa fanana ni kungangamela ka wura ga nyazimu, legi gi wonekako refini hi siku ga vula. Zi wa wonekisa lezo leʼzi nga fanana ni kungamela ka Jehova. Laha nzi nga zi wona nzi lowa hi nghohe ya mina, na nzi kari nzizwa a gezu ga munwe loyi a wulawulako.

Danieli 10:6

A miri wakwe wu wa fanana ni krisolite, a nghohe yakwe yi wa hatima kukotisa xingwalangwanza, a mahlo yakwe ma ku khwatsi zihlahle zi vurako, a mawoko yakwe ni milenge yakwe zi wa ku khwatsi i suku wu kutlilweko, a gezu gakwe loku a wulawula gi wa ringana ni guwa ga xidlemo xa hombe.

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Levi 16:2

Jehova i te ngalo ka Mosi; Byela nakuloni Aroni, lezaku a nga dzuki a enghena zontlhe zikhati lomu ka wutshamu ga kubasa, lomu nzeni ka nguwo leyi yi sirelako, a mahlweni ka xitshamu xa wuxinji lexi xi nga laha ka arke, a nga dzuka afa; hakuva nzi ta ti wonekelisa hi refu le hehla ka xitshamu xa wuxinji.

Mateu 17:2

I lo hunzuka mahlweni kabye; a nghohe yakwe yi ngangamela kota gambo, ni tinguwo takwe ti basa kota kuwonekela.

Luka 21:27

Zonake va ta wona Nʼwana wa munhu na ata hi refu, a hi ni ntamu ni kungangamela ka hombe. Mat. 24:30; Kuv. 1:7; 14:14

Mitiro 26:13

Nzi wa hi laha ndleleni ni hlikanhi, Hosi, nzi lo wona a kuhatima ka le tilweni, ko hunza a kungangamela ka gambo, ku nzi renzelekela ni lava va nga hi pfhumba ginwe na mina.

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37

Kuvululelwa 18:1

Anzhako ka lezo nzi lo wona yinwani ngelosi yi relela hi le tilweni, yi hi ni ntamu wa hombe; ni misava yi lo woningwa hi kungangamela ka yona. Ezek. 43:2

Kuvululelwa 18:21

A ngelosi ya ntamu yi lo tlakula a ribye go kota ribye ga hombe ga xigayo, yi gi hoxa bimbini, yiku: Hizalezo wu ta nga hoxiswa zona a muti lowu wa hombe Babuloni; cima wu nga ta ha kumiwa kambe. Jer. 51:64

Kuvululelwa 20:1

Zonake nzi lo wona a ngelosi na yi relela hi le tilweni, yi hi ni pfhungulo ya nkele wa lieswila ni ngenje ga hombe canjeni ga yona. Xip. 1:18

Kuvululelwa 4:3

Loyi a tshamileko ka xona i lo woneka ku khwatsi i ribye ga jasperi ni sardisi; ni wura ga nyazimu gi lo renzelekela a xitshamu xa wuhosi, gi woneka ku khwatsi i ribye ga emeraldi. Ezek. 1:28

Kuvululelwa 5:2

Nzi lo wona a ngelosi ya ntamu yiba hungu hi gezu ga hombe, yiku: Himani a faneleko ku vulula a bhuku legi, ni ku namula a zifungo za gona ke?

Kuvululelwa 8:13

A muwonisweni wa mina nzi lozwa a gama na gi kari gi puruma ndengelengeni ya tilo, giku hi gezu ga hombe: Khombo, khombo, khombo a give ka lava va akileko misaveni, laha ku ta nga biwa a mimpunzu ya tingelosi leti tinharu leti ta ha lavako kuba. Xip. 9:12; 11:14; 14:6; 19:17