Kuvululelwa 1:8 - Tshwa Bible

⁸ Hi mina Alfa na Omega, ku wula Hosi Nungungulu, Loyi a nga kona, Loyi a nga hi kona, Loyi a ta ngata, a Nyamintamu. Isa. 41:4; 44:6

Kuvululelwa 1:8 Mawu Ofanana

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 28:3

Nungungulu wa Ntamu-wontlhe a ku katekise, a ku maha u pswala, a ku anzisa, u maha lixaka la hombe;

Genesisi 35:11

Nungungulu aku kakwe: Hi mina Nungungulu wa ntamu wontihe; pswalani mu anza. Ku ta huma hi ka wena a tiko, ni wunyingi ga matiko, ni tihosi ti ta huma hi xiwunwini xa wena.

Genesisi 43:14

Nungungulu wa Ntamu Wontihe a mu mahe mu kuma thomo mahlweni ka naloye, kasi a fela ku mu tlhatlhisela munwani nakuloni zinwe na Benjamini. Loku mina zi nzi fanele a kuva nzi lahlekelwa hi vana va mina, a nzi lahlekelwe hi vona.

Genesisi 48:3

Jakobe aku ka Josefa: Nungungulu wa Ntamu Wontihe i lo woneka ka mina le Luzi, tikweni ga le Kanani, a nzi katekisa,

Genesisi 49:25

Hi ntamu wa Nungungulu wa raru wa wena, loyi a ta nga ku vuna; Ni wa Ntamu-Wontlhe loyi a ta nga ku katekisa Hi Xikatekiso za le tilweni le hehla, Ni zikatekiso za lomu kueteni laha hasi, Ni zikatekiso za mavele ni za nyimba.

Eksodusi 3:14

Nungungulu aku ka Mosi: HI MINA LOYI NZI NGA KONA. Yena aku: U ta va byela lezo a vanana va ka Israeli, uku: LOYI A NGA KONA i nzi rumile ka nwina. Kuv. 1:4, 8

Eksodusi 6:3

Nzi ti wonekelisile ka Abrahama, ni ka Isaka, ni ka Jakobe, na nzi hi Nungungulu wa Ntamu-wontlhe, kanilezi a vito ga mina ga Jehova gi wa nga tiveki ka vona.

Isaya 41:4

Himani a mahileko lezi zilo a zi mbhelelisa? Hi yena loyi a vitanileko a zizukulwana za vanhu hi le kusanguleni; Mina Jehova, a wo ranga ni wo gumesa, nzi mina yena. Kuv. 1:8, 17; 22:73

Isaya 43:10

Nwina mu timboni ta mina, ku wula Jehova; Mu nanza ga mina legi nzi gi hlawuleko, Kasi ma fela ku zi tiva, mu kholwa hi mina, Mu pima lezaku hi mina yena. Hi mahlweni ka mina a ku na nga mahiwa Nungungulu, Ge hambu nzhako ka mina a nga ta kuva kona munwani.

Isaya 44:6

Jehova, a Hosi ya ka Israeli, Ni Mutiruli wakwe, Jehova wa tiyimpi, i ngalo: Nzi wo sangula, ni wo gumesa, Ahandle ka mina a ku na Nungungulu. Isa. 41:4; Kuv. 1:8, 17

Isaya 48:12

Jakobe, nzi ingise, Na wena Israeli, loyi nzi ku vitanileko; Hi mina yena, nzi wa kuranga, ni kambe nzi wa kugumesa. Isa. 41:4; Kuv. 1:8, 17; 21:6

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Mitsengo 24:4

I gezu ga loyi a ingisako timhaka ta Nungungulu, Loyi a wonako mahanjalati ya Nyamintamu, Loyi a koramako, zonake a mahlo yakwe ma vululeka.

2 Va le Korinte 6:18

Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7

Kuvululelwa 1:11

Lezi u zi wonako zi tsale bhukwini, u gi rumela ka mabandla ya ntlhanu ni mambiri: le Efesusi; ni le Sinima, ni le Pergamumi, ni le Tiatira, ni le Sardisi, ni le Filadelfia, ni le Loadikea.

Kuvululelwa 1:17

Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10

Kuvululelwa 1:4

Johani a rungula a mabandla ya ntlhanu ni mambiri ma nga le Asia, aku: A tipswalo ni kurula a zive na nwina zi tako hi ka yena Loyi a nga kona, Loyi a nga hi kona, Loyi a ta ngata, ni ka mimoya ya ntlhanu ni mimbiri leyi yi nga mahlweni ka xitshamu xakwe xa wuhosi; Ekso. 3:14; Zak. 3:9; Joh. 1:1

Kuvululelwa 11:17

maku: Ha ku bonga, Hosi Nungungulu wa Ntamu-wontlhe, Loyi u nga kona, Loyi u nga hi kona, hilezi u tekile a ntamu wontihe wa wena wa hombe, u sangule ku fuma. Xip. 1:4, 8; 19:6

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9

Kuvululelwa 16:14

Hakuva mimoya ya madimoni yi mahako zirewukiso, leyi yi yako tihosini ta misava yontlhe yi ya ti tsombanyisela a kulwa ka siku lego ga hombe ga Nungungulu wa Ntamu-wontlhe. 2 Tes. 2:9; Jak. 3:15; Xip. 17:14

Kuvululelwa 16:7

Nzi lozwa alati gi wulawula, giku: Kunene, Hosi Nungungulu wa Ntamu-wontlhe, a kulamula ka wena ku nene, ku lulamile.

Kuvululelwa 19:15

Ku huma nonwini wakwe a supado yo kariha, leyi a ta ngaba matiko ha yona. I ta ma fumela hi nhonga ya xiketse; i ta kamela xigowolweni xa vinya ga zanga yi tshisako ya Nungungulu Nyamintamu. Tis. 2:9; Isa. 11:4; 3:3; Xip. 1:16; 2:27

Kuvululelwa 19:6

Nzi lozwa a ku khwatsi i gezu ga xidlemo xa hombe, giku khwatsi i gezu ga mati manyingi, giku khwatsi i gezu ga kudzinza ka ntamu, giku: Haleluya! hakuva ku fuma Hosi Nungungulu wa hina. Ezek. 1:24; 43:2; Xip. 11:15

Kuvululelwa 2:8

Tsalela a ngelosi ya bandla ga le Smirna, uku: Loyi wa kusangula ni wa kugumesa, loyi a nga file a tlhela a hanya, i ngalo:

Kuvululelwa 21:22

A nzi wonangi tempeli ka wona; hakuva a tempeli ya wona hi Hosi Nungungulu wa ntamu-wontlhe, zinwe ni Yivana. Joh. 4:23

Kuvululelwa 21:6

I lo engeta aku ka mina: Zi mahekile. Hi mina Alfa na Omega, a kusangula ni kugumesa. Loyi a zwako tora nzi ta mu nyika mahala a kuva anwa hlobyeni ya mati ya wutomi. Isa. 55:1; Xip. 1:8; 16:17; 22:17

Kuvululelwa 22:13

Hi mina Alfa na Omega, nzi Wa kusangula ni Wa kugumesa, a kusangula ni kugumesa. Isa. 41:4; 44:6

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3