Kuvululelwa 1:5 - Tshwa Bible

⁵ ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Kuvululelwa 1:5 Mawu Ofanana

Tisimu 51:2

Nzi hlaze nziku pa kugoheni ka mina, U nzi basisa kuonheni ka mina.

Tisimu 72:11

Ina, tontlhe tihosi ti ta mu khizamela, A matiko wontihe ma ta mu tirela.

Tisimu 89:27

Futsi, nzi ta mu maha matewula ya mina, Nzi mu maha wahombe xikari ka tihosi ta misava.

Mavingu 14:5

A kustumunyu yi kholekileko a yi hembi; anilezi a kustumunyu ya mawunwa ya hemba wunwa.

Isaya 55:4

Langutani, nzi mu yimisile a kuva mboni ka vamatiko, A hosana ni murangeli wa matiko.

Danieli 2:2

Zonake a hosi yi lo vitana a tinʼanga ni zitumbe ni vangoma ni titlhari, kasi ku ta tlhamusela a hosi a miloro ya yona. Zinghaho va lota va ta yima mahlweni ka hosi. Isa. 47:12

Danieli 7:14

I lo nyikwa kufuma, ni wukosi, ni mufumo, kasi a va matiko wontihe ni tixaka ni tirimi va fela ku mu tirela. A kufuma kakwe ka simasima, ku nga ta hunza, ni mufumo wakwe cima wu nga ta mbhetiswa. Lu. 1:33; Maheb. 1:8

Levi 13:58

Kasike loku a nguwo, hambu lezi zi swulilweko, kutani lezi zi lukilweko, hambu lezi zi mahilweko hi bhebhe, loku zi hlazilwe, a sakaveti gi sukile ka zona, zi ta hlaziwa ka wumbiri, zonake zi tava zi hlazekile.

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

Mateu 20:28

kota lezi a Nʼwana wa munhu a nga telangiko ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Isa. 53:10; Lu. 22:27; Joh. 13:4

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Johani 13:1

A mubuzo wa Pasika na wu nga se va kona, Jesu na a zi tiva lezaku a xikhati xakwe xi chikele xa kuva a suka tikweni, aya ka Dadani, lezi a nga ranza a vanhu vakwe lava va nga laha misaveni, i lo va ranza kala kugumesa, Mat. 26:2; Xip. 11:1

Johani 13:34

Nza mu nyika a nayo muswa, wa kuva mu ranzana; khwatsi hilezi mina nzi mu ranzileko, na nwina ranzanani. Levi 19:18; Efe. 5:2; 1 Ped. 1:22

Johani 15:9

Khwatsi hilezi Dadani a nzi ranzileko, hizalezo na mina nzi mu ranzile; tshamani liranzweni la mina.

Johani 18:37

Zonake Pilatu aku ngalo kakwe: Kasi wena u hosi ke? Jesu i lo hlamula, aku: Wa wula wena uku nzi hosi. Nzi belekelwe lezo, nzi tele lezo tikweni, lezaku nzi fela ku kustumunya hi zinene. Vontlhe lava va nga va zinene, va ingisa a gezu ga mina. Xip. 8:47; 1 Joh. 3:19; 4:6

Johani 3:11

Hizinene nziku ka wena: Hi wula lezi hi zi tivako, hi maha wukustumunyu ga lezi hi zi wonileko, kanilezi a mu amukeli a wukustumunyu ga hina. Mat. 11:27; Xip. 12:49

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Johani 3:32

I maha wukustumunyu hi lezi a zi wonileko ni lezi a zi zwileko; kanilezi a ku na munhu a amukelako a wukustumunyu gakwe.

Mitiro 20:28

Ti woneleni nwina, ni ka ntlhambi wontihe, lowu a Moya wa ku Basa a nga mu veka vahlayisi va wona, a ku gisa a bandla ga Hosi, legi yi gi xavileko hi nkhata wa yona. 1 Kor. 12:28; 1 Tim. 4:16; 1 Ped. 1:19

Mitiro 26:23

Lezaku Kristu i yimelwe hi kuxaniseka, ni kuva wo ranga a ku vuka kufeni, aba hungu hi kuwonekela ka vanhu va hina ni ka vamatiko. Lu. 2:32; 1 Kor. 15:20; Kol. 1:18

Va le Roma 3:25

loyi Nungungulu a nga mu yimisa a kuva nzhiho hi nkhata wakwe, wu amukelwako hi kukholwa. Lezi zi kombisa a kululama ka Nungungulu, hakuva kuhuniseleni kakwe i wa tsikile a zionho zi nga mahiwa kale; Levi 18:15; 1 Joh. 4:10

Va le Roma 8:37

Kanilezi ka zontlhe lezi zilo ha hlula ni ku hlula ha yena loyi a nga hi ranza. 1 Joh. 5:4

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

Va le Galatia 2:20

Nzi belelwe zinwe na Kristu; makunu a nza ha hanyi mina, kanilezi hi Kristu a hanyako ka mina; ni kuhanya loku nzi hanyako makunu le nyameni nzi hanya hi kukholwa ka Nʼwana wa Nungungulu, loyi a nga nzi ranza, a ti nyikela hi kota ya mina. Rom. 6:6; 2 Kor. 5:15

Va le Efesusi 2:4

Kanilezi Nungungulu loyi a teleko wuxinji, hi kota ya liranzo lakwe la hombe leli a hi ranzileko ha lona, Rom. 10:12

Va le Efesusi 5:2

mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. Gen. 8:21; Levi 1:9; Joh. 13:34; 1 Joh. 3:11

Deuteronome 18:2

Cima va nga ta kuva na tshomba xikari ka vamakabye vabye; a tshomba yabye hi Jehova, kota lezi a wulileko ka vona.

Deuteronome 23:5

Hambu lezo Jehova Nungungulu wa wena a nga vumelangi ku ingisa Balaami; hikwalaho Jehova Nungungulu wa wena i lo hunzulusa kuphunga ku maha xikatekiso, hakuva Jehova Nungungulu wa wena i wa ku ranza.

Deuteronome 7:8

kanilezi hi lezi Jehova a mu ranzako, ni lezaku a hlayisa xifungo xakwe lexi a hlambanyileko ka vararu va nwina; hi kota ya lezo Jehova i mu humesile hi canja ga ntamu, ni ku mu tlhatlhisa lomu ndlwini ya wukhumbi, lomu mandleni ya Faro a hosi ya le Gipite.

Va le Kolosi 1:18

Yena i hloko ya miri wu nga gona bandla; hi yena a nga masangulo, ni matewula ya kuvuka ka vafileko, lezaku ava loʼwo ranga matlhelweni wontihe. Joh. 17:5; 1 Kor. 8:6; Maheb. 13:8; Kuv. 1:5

1 Timote 6:13

Mina nza ku laya mahlweni ka Nungungulu, loyi a nyikako kuhanya ka zontlhe, ni mahlweni ka Kristu Jesu, loyi a nga kustumunya mahlweni ka Pontiu Pilatu hi kuvumela kunene, Joh. 5:21; Kuv. 1:5

1 Timote 6:15

loku ku ta nga maheka hi xikhati xa yena, loyi a nga yece a Hosi ya ntamu yi bongekako, a Hosi ya tihosi, ni Mufumeli wa vafumeli; Xip. 1:11; Kuv. 17:14

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

1 Pedro 1:19

na ku nga hi hi zilo zi bolako, a siliva kutani nzalama, kanilezi mu tirulwe hi nkhata lowu wa malongo, wo kota wa yivana yi nga hiko na khwanga ni bawa, wu nga wona nkhata wa Kristu. Ekso. 12:5; Joh. 1:29; Kuv. 5:9

1 Johani 1:7

Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5

1 Johani 4:10

A liranzo hi leli, a hi lezaku hina hi mu ranzile Nungungulu, kanilezi hi yena a hi ranzileko, a rumela Nʼwana wakwe a kuva nzhiho wa zionho za hina. Joh. 15:16; Rom. 5:10

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4

Kuvululelwa 2:13

Nza ku tiva laha u tshamako kona, laha xi nga kona a xitshamu xa wuhosi xa Satani. Hambu zi hi tano, u khomisile a vito ga mina, a ku kanetangi a kukholwa ka mina, hambu masikwini ya Antipasi, a kustumunyu wa mina a kholekileko, loyi a nga dawa xikari ka nwina, laha Satani a akileko kona.

Kuvululelwa 3:14

Tsalela a ngelosi ya bandla ga le Laodikea, uku: Loyi a nga Amen, a kustumunyu a tsumbekileko ni wa zinene, a masangulo ya kuvanga ka Nungungulu, i ngalo: Isa. 65:16; Kol. 1:15; Xip. 1:5

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9