Kuvululelwa 1:4 - Tshwa Bible

⁴ Johani a rungula a mabandla ya ntlhanu ni mambiri ma nga le Asia, aku: A tipswalo ni kurula a zive na nwina zi tako hi ka yena Loyi a nga kona, Loyi a nga hi kona, Loyi a ta ngata, ni ka mimoya ya ntlhanu ni mimbiri leyi yi nga mahlweni ka xitshamu xakwe xa wuhosi; Ekso. 3:14; Zak. 3:9; Joh. 1:1

Kuvululelwa 1:4 Mawu Ofanana

Tisimu 90:2

Hi mahlweni a zitsunga na zi nga se ku huma, Na u nga se ku vanga misava ni tiko, Kusukela kupinzukeni kala kupinzuka wena u hi Nungungulu.

Eksodusi 3:14

Nungungulu aku ka Mosi: HI MINA LOYI NZI NGA KONA. Yena aku: U ta va byela lezo a vanana va ka Israeli, uku: LOYI A NGA KONA i nzi rumile ka nwina. Kuv. 1:4, 8

Isaya 11:2

A Moya wa Jehova wu ta tshama hehla ka yena, A moya wa wutlhari ni kupima, A moya wa wusungukati ni wa ntamu. A moya wa ku tiva ni wa ku chava Jehova.

Isaya 41:4

Himani a mahileko lezi zilo a zi mbhelelisa? Hi yena loyi a vitanileko a zizukulwana za vanhu hi le kusanguleni; Mina Jehova, a wo ranga ni wo gumesa, nzi mina yena. Kuv. 1:8, 17; 22:73

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Zakaria 3:9

Hakuva a ribye legi nzi nga gi veka mahlweni ka Joxua (hehla ka ribye legi ku na ni ntlhanu wa mahlo ni mambiri), mina nzi ta kehla a mutsalo wa kona, ku wula Jehova wa tiyimpi; hi siku ginwe nzi ta susa a kugoha ka tiko legi.

Zakaria 4:10

Himani a kanyisako a siku ga zilo zitsongwani? hakuva a mahlo lawa ya ntlhanu ni mambiri, ma nga ya Jehova, lawa ma cuwukako a misava yontlhe, ma ta tsaka loku ma wona a lipimo canjeni ga Zerubabeli.

Zakaria 6:5

A ngelosi yiku ka mina: Leti hi mune wa timheho ta tilo, ti sukelako laha ti nga yimile kona mahlweni ka Hosi ya misava yontlhe. Jer. 49:36; Dan. 7:2; Kuv. 7:1

Johani 1:1

A kusanguleni gi wa hi kona Gezu, Gezu gi wa hi na Nungungulu, Gezu gi wa hi Nungungulu. Mat. 8:22; Kol. 1:17; 1 Joh. 1:2; 3:7

Mitiro 19:10

Ku lo simamisa kota lezo a xipimo xa malembe mambiri; laha ka kuva vontlhe lava va nga wa akile le Asia vazwa a mhaka ya Hosi, a vaJuda ni vaGreki. Xip. 20:31

Mitiro 2:9

Hina vaPartia, ni vaMedi, ni vaElamita, ni lava va akileko le Mesopotamia, ni le Judia, ni le Kapadokia, le Pontu, ni le Asia,

Va le Roma 1:7

Mina Paule nza rungula nwina nwentlhe mu nga le Roma, nwina varanziwa va Nungungulu mu vitanilweko a kuva vobasa, nziku: A tipswalo ni kurula a zive na nwina, zi tako hi ka Nungungulu Dadani wa hina ni ka Hosi Jesu Kristu.

1 Va le Korinte 1:3

A tipswalo a tive ka nwina ni kurula ka le ka Nungungulu a Dadani wa hina, ni ka Hosi Jesu Kristu.

2 Va le Korinte 1:2

A tipswalo a tive na nwina ni kurula ka le ka Nungungulu a Dadani wa hina, ni Hosi Jesu Kristu. Fil. 1:2

Maheberu 13:8

Jesu Kristu hi yaloyi wa tolo ni nyamutlha ni ku kala kupinzuka. Joh. 8:58; Kuv. 1:4

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

Kuvululelwa 1:1

Loku hi kuvululwa ka Jesu Kristu, a nga nyikiwa hi Nungungulu lezaku a tivisa a malanza yakwe lezi zi ta nga humelela lokuloku. I lo ruma a ngelosi yakwe a ku ya zi kombisa ka Johani a nanza gakwe; Joh. 3:32

Kuvululelwa 1:11

Lezi u zi wonako zi tsale bhukwini, u gi rumela ka mabandla ya ntlhanu ni mambiri: le Efesusi; ni le Sinima, ni le Pergamumi, ni le Tiatira, ni le Sardisi, ni le Filadelfia, ni le Loadikea.

Kuvululelwa 1:17

Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10

Kuvululelwa 1:20

A fihlakalo wa tinyeleti ta ntlhanu ni timbiri leti u nga ti wona canjeni ga mina ga xinene, ni timeza ta nzalama ta ntlhanu ni timbiri to veka tikandiya hi lowu: A tinyeleti ta ntlhanu ni timbiri hi tingelosi ta ntlhanu wa mabandla ni mambiri, ni timeza leti ta ntlhanu ni timbiri to veka tikandiya hi mabandla lawa ya ntlhanu ni mambiri. Zak. 4:2; Mat. 5:15

Kuvululelwa 1:8

Hi mina Alfa na Omega, ku wula Hosi Nungungulu, Loyi a nga kona, Loyi a nga hi kona, Loyi a ta ngata, a Nyamintamu. Isa. 41:4; 44:6

Kuvululelwa 1:9

Mina makabye wa nwina Johani, tlhelo xihlengeli-kuloni kuxanisekeni ni le mufunweni ni kuhoniseleni loku ku nga ka Jesu, nzi wa hi le xihlaleni xi tibyako Patmosi, hi kota ya mhaka ya Nungungulu ni wukustumunyu ga Jesu. 2 Tim. 2:19; Fil. 1:7

Kuvululelwa 16:5

Nzi lozwa a ngelosi ya mati, yiku: U lulamile, wena Loyi u nga kona, Loyi u nga hi kona, wena Wobasa, hakuva u lamulisile lezo. Isa. 49:26; Mat. 23:34; Xip. 11:18

Kuvululelwa 2:12

Tsalela a ngelosi ya bandla ga le Pergamumi, uku: Loyi a nga ni supado yo kariha ya wutlha gimbiri, i ngalo:

Kuvululelwa 2:18

Tsalela a ngelosi ya bandla ga le Tiatira, uku: A Nʼwana wa Nungungulu loyi a nga ni mahlo yo khwatsi malangavi ya nzilo, ni mikonzo yo khwatsi i suku wu ngangamelako, i ngalo:

Kuvululelwa 2:8

Tsalela a ngelosi ya bandla ga le Smirna, uku: Loyi wa kusangula ni wa kugumesa, loyi a nga file a tlhela a hanya, i ngalo:

Kuvululelwa 22:16

Mina Jesu nzi rumile a ngelosi ya mina a kuba hungu mabandleni hi timhaka leti. Nzi mutsu ni hluke ga Davida, nzi mahlahle a ngangamelako wa mixo. Xip. 1:1; 5:5

Kuvululelwa 22:8

Hi mina Johani nzi ngazwa ni ku wona lezi zilo. Laha nzi nga zizwa ni ku zi wona, nzi lowa hasi nzi khozela mikonzweni ya ngelosi leyi yi nga nzi kombeta zona.

Kuvululelwa 3:1

Tsalela a ngelosi ya bandla ga le Sardisi, uku: Loyi a nga ni ntlhanu wa mimoya ni mimbiri ya Nungungulu, ni tinyeleti ta ntlhanu ni timbiri, i ngalo: Nza yi tiva mitiro ya wena, lezaku u na ni vito gaku wa hanya, kasi lezo u file. Efe. 2:1, 5

Kuvululelwa 3:14

Tsalela a ngelosi ya bandla ga le Laodikea, uku: Loyi a nga Amen, a kustumunyu a tsumbekileko ni wa zinene, a masangulo ya kuvanga ka Nungungulu, i ngalo: Isa. 65:16; Kol. 1:15; Xip. 1:5

Kuvululelwa 3:7

Tsalela a ngelosi ya bandla ga le Filadelfia, uku: Loyi a basileko, A wa zinene, Loyi a nga ni pfhungulo ya Davida, Loyi a vululako, ku nga vali munhu, Loyi a valako, ku nga vululi munhu, i ngalo: Joba 12:14; Isa. 22:22; Miti. 3:14

Kuvululelwa 4:5

Laha xitshanwini xa wuhosi ku lo huma kuhatima ni magezu ni kudzinza. Ku wa hi ni ntlhanu wa minwenge ni mimbiri yi nga vura mahlweni ka xitshamu xa wuhosi, leyi yi nga mimoya ya ntlhanu ni mimbiri ya Nungungulu Ekso. 37:23; Ezek. 1:13; Zak. 4:2

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3

Kuvululelwa 5:6

Nzi lo wona a Yivana na yi yimile xikari ka xitshamu xa wuhosi ni mune wa zimahwa zi hanyako, ni xikari ka manghanakana, na yiku khwatsi yi tlhabyilwe. Yi wa hi ni ntlhanu wa timhonzo ni timbiri, ni ntlhanu wa mahlo ni mambiri, ma nga mimoya ya ntlhanu ni mimbiri ya Nungungulu, leyi yi rumilweko misaveni yontlhe. Isa. 53:7; Zak. 3:9; Joh. 1:29

Kuvululelwa 8:2

Zonake nzi lo wona a ntlhanu wa tingelosi ni timbiri leti ti yimileko mahlweni ka Nungungulu, ti nyikwa a ntlhanu wa mimpunzu ni mimbiri. 2 Kro. 29:25-28; Mat. 18:10