Kuvululelwa 1:18 - Tshwa Bible

¹⁸ ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9

Kuvululelwa 1:18 Mawu Ofanana

Joba 19:25

Hakuva nza zi tiva lezaku a Mutlhatlhisi wa mina wa hanya, Ni lezaku hi magumo i ta yima hehla ka misava. Isa. 41:14; Hos. 13:14

Joba 38:17

U vululelwe a tinyangwa ta kufa ke? Kutani u wonile a tivati ta nzhuti wa kufa ke?

Tisimu 18:46

Jehova wa hanya! A gi dumiswe a ribye ga mina! Ngha a kuliswe a Nungungulu wa kuhanyiswa ka mina!

Tisimu 68:20

Ka hina Nungungulu hi Nungungulu loyi a hanyisako; Jehova a Hosi wa zi kota ku hanyisa kufeni. Kuv. 1:18

Isaya 22:22

Nzi ta mu nyika a pfhungulo ya yindlu ya ka Davida; i ta vulula, ku nga vali munhu; i ta vala, ku nga vululi munhu. Kuv. 3:7

Mateu 11:23

Wena Kapernaume, u ta tlakuselwa tilweni ke? Ahihi, u ta releliswa lahasi le Hayidesi; hakuva loku zi wa mahilwe le Sodoma lezi zi mahilweko ka wena, ngha na wa ha hi kona ku kala nyamutlha.

Mateu 16:19

Nzi ta ku nyika a tipfhungulo ta mufumo wa tilo; kani hi xihi u ta nga xi boha laha misaveni, Xi ta bohiwa ni le tilweni; ni kani hi xihi u ta nga xi tlhatlha laha misaveni, xi ta tlhatlhiwa ni le tilweni. Xip. 18:18; Joh. 20:23

Luka 24:5

Kota lezi va nga dzuka, va koramisa tinghohe tabye misaveni, a vavanuna vaku ngalo kabye: Hi yini mu lavako loyi a hanyako xikari ka vafileko ke?

Johani 11:25

Jesu aku kakwe: Mina nzi kuvuka ni wutomi; loyi a kholwako ka mina, hambu loku a file, i ta hanya; Xip. 1:4; 3:36; 5:21; Kol. 3:4

Johani 14:19

Ka ha hi xikhatanyana, zonake a tiko gi nga ta ha nzi wona; kanilezi nwina mu ta nzi wona, hakuva nza hanya, na nwina mu ta hanya. Xip. 16:16; 1 Kor. 15:20

Va le Roma 6:9

na hi tiva lezaku lezi Kristu a vuxilweko hi ka vafileko a nga ta hafa kambe; a kufa a ka hi na ntamu hehla kakwe. Kuv. 1:18

2 Va le Korinte 13:4

Hakuva hambu lezi a nga belelwa hi kota ya gome, yena wa hanya hi ntamu wa Nungungulu. Hakuva na hina hina ni gome ka yena, kanilezi hi ta hanya zinwe naye hi ntamu wa Nungungulu xikari ka nwina. Rom. 6:4; Xip. 10:3, 4; Fil. 2:7, 8; 1 Ped. 3:18

Va le Galatia 2:20

Nzi belelwe zinwe na Kristu; makunu a nza ha hanyi mina, kanilezi hi Kristu a hanyako ka mina; ni kuhanya loku nzi hanyako makunu le nyameni nzi hanya hi kukholwa ka Nʼwana wa Nungungulu, loyi a nga nzi ranza, a ti nyikela hi kota ya mina. Rom. 6:6; 2 Kor. 5:15

Va le Kolosi 3:3

Hakuva mu file, ni kuhanya ka nwina ku fihlilwe zinwe na Kristu ka Nungungulu. 2 Kor. 5:7; Gal. 2:20

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Maheberu 12:2

na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26

Maheberu 7:16

loyi a yimisilweko a kuva mupristi hi kota ya ntamu wa wutomi gi nga mbheliko, na ku nga hi kota ya nayo wa kulaya ka nyama.

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

Kuvululelwa 10:6

yi hlambanya hi loyi a hanyako kala kupinzuka ni kupinzuka, loyi a nga vanga tilo ni lezi zi nga ka gona, ni misava ni lezi zi nga ka yona, ni bimbi ni lezi zi nga ka gona, yiku: A xa ha hi kona xikhati kambe. Neh. 9:6; Dan. 12:7; Xip. 16:17

Kuvululelwa 15:7

Xinwe xa mune wa zimahwa zi hanyako xi lo nyika ntlhanu wa mikhelo ni yimbiri ya nzalama ka tingelosi leti ta ntlhanu ni timbiri, na yi tele hi zanga ya Nungungulu, loyi a hanyako kala kupinzuka ni kupinzuka.

Kuvululelwa 2:8

Tsalela a ngelosi ya bandla ga le Smirna, uku: Loyi wa kusangula ni wa kugumesa, loyi a nga file a tlhela a hanya, i ngalo:

Kuvululelwa 20:13

A bimbi gi lo humesa a vafileko lava va nga hi ka gona, a lifu ni wutshamu ga vafileko zi lo humesa lava va nga hi ka zona; zonake munwe ni munwani i lo lamulwa hi mitiro yakwe. Xip. 6:8

Kuvululelwa 20:14

A lifu ni wutshamu ga vafileko zi lo hoxwa tiveni ga nzilo: a tiva ga nzilo hi kufa ka wumbiri. 1 Kor. 15:26, 54, 55

Kuvululelwa 3:7

Tsalela a ngelosi ya bandla ga le Filadelfia, uku: Loyi a basileko, A wa zinene, Loyi a nga ni pfhungulo ya Davida, Loyi a vululako, ku nga vali munhu, Loyi a valako, ku nga vululi munhu, i ngalo: Joba 12:14; Isa. 22:22; Miti. 3:14

Kuvululelwa 4:9

Ni xihi xikhati a zimahwa zi hanyako zi nga wa khesa zi mu dumisa ni ku mu bonga loyi a tshamileko xitshanwini xa wuhosi, yena loyi a hanyako kala kupinzuka ni kupinzuka,

Kuvululelwa 5:14

A ximahwa lezi za mune ziku: Amen. Ni manghanakana ma lowa hasi ma khozela.

Kuvululelwa 6:8

Nzi lo cuwuka nzi wona a haxi go balala; ni loyi a nga gi khilele a vito gakwe i wa hi Kufa, a wutshamu ga vafileko gi lo mu lanzela. Va lo nyikwa ntamu hehla ka xipanze xa wumune xa misava, kasi ku daya hi supado, ni ndlala, ni ntungu, ni zihari za misava! Levi 26:22; Ezek. 14:21; Zak. 6:3

Kuvululelwa 9:1

A ngelosi ya wuntlhanu yi loba mpunzu wa yona, zonake nzi lo wona a nyeleti ya le tilweni na yi wile misaveni; yi lo nyikiwa a pfhungulo ya nkele wa lieswila. Lu. 8:31; 10:18; Xip. 8:10; 17:8

1 Samueli 2:6

Jehova wa daya, wa hanyisa, Wa releta vanhu le Xeole, wa va humesa.