Kuvululelwa 1:16 - Tshwa Bible

¹⁶ Lomu canjeni gakwe ga xinene i wa hi ni ntlhanu wa tinyeleti ni timbiri; a nonwini wakwe ku lo huma a supado yo kariha ya wutlha gimbiri; a nghohe yakwe yi wa kota gambo loku gi ngangamela hi ntamu wa gona. Isa. 49:2; Miti. 26:13; Efe. 6:17

Kuvululelwa 1:16 Mawu Ofanana

Joba 38:7

A xikhati lexi a tinyeleti ta mixo ti nga yimbelela khatiginwe, Ni vontlhe vana va Nungungulu va kanyuluka hi kutsaka?

Tisimu 45:3

Nhenha nziwena, boha supado ya wena nyongeni ya wena, Ni kungangamela ka wena ni wudzunzo ga wena.

Xizimba xa ka Solomoni 6:10

Himani loyi a cuwukako khwatsi wuronga, Na a sasekile khwatsi hi hweti, Loyi a xwengulako kukotisa gambo, Ni ku chavisa ku fanana ni yimpi yi nga ni tinghapa?

Isaya 11:4

Kanilezi lava va vumalako i ta va lamula hi kululama, A tshanza hi nongameto timhakeni ta lava va tsimbeketilweko misaveni; I taba misava hi nhonga ya nomu wakwe, A lovisa vaonhi hi moya wa nomu wakwe. Joba 4:9; 2 Tes. 2:8; Kuv. 2:16

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Isaya 49:2

I lo maha nomu wa mina wu fana ni supado yo kariha, A nzi fihla nzhutini wa canja gakwe; I nzi mahile a paxa wu totilweko, A nzi fihla lomu kocelweni wakwe. Maheb. 4:12; Kuv. 1:16; 19:15, 21

Danieli 12:3

Lava va tlharihileko va ta ngangamela ku fanana ni tilo, ni lava va kokelako vanyingi kululameni va ta fanana ni tinyeleti kala kupinzuka ni kupinzuka. Mat. 13:43; 1 Kor. 15:41

Danieli 8:10

Li lo kula kala li ya chikela yimpini ya le tilweni; zonake yi lo wisa lahasi a tinyeleti tinwani ta le hehla yi ti kanzihelele.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 17:2

I lo hunzuka mahlweni kabye; a nghohe yakwe yi ngangamela kota gambo, ni tinguwo takwe ti basa kota kuwonekela.

Mitiro 26:13

Nzi wa hi laha ndleleni ni hlikanhi, Hosi, nzi lo wona a kuhatima ka le tilweni, ko hunza a kungangamela ka gambo, ku nzi renzelekela ni lava va nga hi pfhumba ginwe na mina.

Va le Efesusi 6:17

Tekani a ndlhondlha ya kuhanyiswa, ni supado ya Moya, yi nga Mhaka ya Nungungulu. Maheb. 4:12; Kuv. 1:16

Maheberu 4:12

Hakuva a mhaka ya Nungungulu ya hanya, yi na ni ntamu, ya kariha ku hunza supado ya wutlha gimbiri, yi tlhava yi kala yi hambanyisa a muhefemulo ni moya, ni mahlakala ni mongo; yi hlola a maalakanyo ni mixuvo ya mbilu. Isa. 49:2; Efe. 6:17; Kuv. 1:16

Kuvululelwa 1:20

A fihlakalo wa tinyeleti ta ntlhanu ni timbiri leti u nga ti wona canjeni ga mina ga xinene, ni timeza ta nzalama ta ntlhanu ni timbiri to veka tikandiya hi lowu: A tinyeleti ta ntlhanu ni timbiri hi tingelosi ta ntlhanu wa mabandla ni mambiri, ni timeza leti ta ntlhanu ni timbiri to veka tikandiya hi mabandla lawa ya ntlhanu ni mambiri. Zak. 4:2; Mat. 5:15

Kuvululelwa 10:1

Nzi lo wona yinwani ngelosi ya ntamu na yi relela hi le tilweni, yi ambele refu, ni wura ga nyazimu gi hi hehla ka hloko ya yona; a nghohe ya yona yi kotisa gambo, ni mikonzo ya yona yiku khwatsi timhanze ta nzilo. Ezek. 1:28; Mat. 17:2; Xip. 1:15

Kuvululelwa 12:1

Zonake ku lo woneka a masingita ya hombe le tilweni, ya wasati loyi a nga ambele gambo, a hi ni hweti lahasi ka mikonzo yakwe, le hlokweni yakwe i wa hi ni xidlodlo xa khume ga tinyeleti ni timbiri.

Kuvululelwa 19:15

Ku huma nonwini wakwe a supado yo kariha, leyi a ta ngaba matiko ha yona. I ta ma fumela hi nhonga ya xiketse; i ta kamela xigowolweni xa vinya ga zanga yi tshisako ya Nungungulu Nyamintamu. Tis. 2:9; Isa. 11:4; 3:3; Xip. 1:16; 2:27

Kuvululelwa 19:21

A vanwani va lo dawa hi supado leyi yi humako nonwini wa loyi a khileleko haxini; ni zinyanyani zontlhe zi lo xura hi nyama yabye.

Kuvululelwa 2:1

Tsalela a ngelosi ya bandla ga le Efesusi, uku: Loyi a khomileko a ntlhanu wa tinyeleti ni timbiri canjeni gakwe ga xinene, loyi a fambako xikari ka timeza ta nzalama ta ntlhanu ni timbiri to veka tikandiya, i ngalo:

Kuvululelwa 2:12

Tsalela a ngelosi ya bandla ga le Pergamumi, uku: Loyi a nga ni supado yo kariha ya wutlha gimbiri, i ngalo:

Kuvululelwa 2:16

Hunzuluka! Loku u nga hunzuluki nzi ta hatlisa nzita ka wena, nzi talwa navo hi supado ya nomu wa mina. Isa. 11:4; 2 Tes. 2:8

Kuvululelwa 3:1

Tsalela a ngelosi ya bandla ga le Sardisi, uku: Loyi a nga ni ntlhanu wa mimoya ni mimbiri ya Nungungulu, ni tinyeleti ta ntlhanu ni timbiri, i ngalo: Nza yi tiva mitiro ya wena, lezaku u na ni vito gaku wa hanya, kasi lezo u file. Efe. 2:1, 5

Valamuli 3:16

Ehudi i lo ti mahela mukwana wa wutlha matlhelo mambiri, wu nga hi khono munwe kuleha, a wu bohelela laha nyongeni ya tlhelo ga xinene, hi lahasi ka nguwo yakwe.

Valamuli 5:31

Zinghaho Jehova, ngha valala va wena vontlhe va lobyiswa. Kanilezi ngha lava va ku ranzako va fanana ni gambo loku gi tsuwuka hi ntamu wa gona. Tis. 19:6; Mat. 13:43 Zonake a tiko gi lo humula 40 wa malembe.