Kuvululelwa 1:13 - Tshwa Bible

¹³ Laha xikari ka timeza ta tikandiya nzi lo wona wo kari wo fanana ni nʼwana wa munhu, na ambele a nguwo yo leha, yi bohilwe laha xifuveni hi bhandi ga nzalama. Ezek. 1:26; Dan. 7:13; 10:5

Kuvululelwa 1:13 Mawu Ofanana

Eksodusi 39:5

A bhandi ga yona legi gi bohiwako hehla ka yona, gi wa hi ga lixaka la yona, gi wa lukelwe nayo hi nzalama, ni za wukuxe, ni zo zirila, ni zo pswhuka, ni wukene go saseka, gi lukilweko khwatsi hilezi Jehova a leleteleko Mosi.

Isaya 11:5

A kululama ku tava lifunga la xiwunu xa yena, Ni kukholeka ku tava bhandi gakwe.

Danieli 10:16

Languta a wo kari a fananako ni vana va vanhu i lo khumba a milomu ya mina; zonake nzi lo vulula a nomu wa mina nzi wulawula ka loyi a nga yimile mahlweni ka mina, nziku: Hosi yanga, a muwoniso lowu wu nzi bayisile, laha kaku a nza ha hi na ntamu.

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Danieli 7:9

Na nzi kari nzi cuwuka ku lo vekiwa zitshamu za wuhosi, a wakale ka masiku i lo tshama. A tinguwo takwe ti wa basile ku fana ni gapongo, a misisi yakwe yi wa basile ku fana ni woya gi hlazilweko ga yivu. A xitshamu xakwe xa wuhosi xi wa fana ni malangavi ya nzilo, ni maranzani ya xona ma wa hi ya nzilo wu vurako. Kuv. 1:14; 4:2

Levi 8:7

I lo ambexa Aroni a hembe, a mu boha hi bhandi, ni ku mu ambexa ni nghanju, zonake i lo mu ambexa ni efode, a yi tiyisa hi ngoti ya kona.

Maheberu 4:15

Hakuva a mupristi wa hombe loyi hi nga naye, a hi loyi a tsanzekako ku hi zwela wusiwana hi kota ya gome ga hina; kanilezi munwe loyi a ringilweko hi matlhelo wontihe khwatsi hi hina, kanilezi a nga onhangi. Isa. 53:3; Lu. 22:28; 2 Kor. 5:21

Kuvululelwa 14:14

Nzi lo cuwuka nzi wona a refu go basa, hehla ka refu ku wa tshamile munwe wo fana ni Nʼwana wa munhu, na hi ni xidlodlo xa nzalama hlokweni yakwe, ni sikela go kariha canjeni gakwe. Dan. 7:13; Xip. 1:13

Kuvululelwa 15:6

Ku lo huma a ntlhanu wa tingelosi hi timbiri hi lomu tempeleni, na ti hi ni ntlhanu wa zixaniso ni zimbiri; ti wa ambele tinguwo to basa ta wukene, na ti bohile a mabhandi ya nzalama zifuveni za tona. Ekso. 28:6, 8; Ezek. 44:17

Kuvululelwa 2:1

Tsalela a ngelosi ya bandla ga le Efesusi, uku: Loyi a khomileko a ntlhanu wa tinyeleti ni timbiri canjeni gakwe ga xinene, loyi a fambako xikari ka timeza ta nzalama ta ntlhanu ni timbiri to veka tikandiya, i ngalo: